HISTORIA NDRÍGÓO XA̱BU̱
“Nindoʼ mañajunʼ náa Jeobá”
NDIʼKHÚN niguámbuxu nitangáwun a̱ngiu̱xu bi̱ kúwi̱i̱n náa xuajen dí mbiʼyuu Granbori dí gíwánʼ náa tapo̱o̱ xaxi̱ ndrígóo Surinam. Ni̱jkuáxu ga̱jma̱a̱ piragua náa mañu rí mbiʼyuu Tapanahoni. Índo̱ ninújnguxu náa mixkujyuu iyaʼ ikhú hélice ndrígóo motor nixnúu itsí. Ikhú mbá nacha̱ edxu̱u̱ piragua nimáʼan náa iyaʼ ma̱ngaa asndu mangáanʼ, nimíñúʼ wéñuʼ rí asndu niguʼún. Maski ajndu mba̱yu̱u̱ʼ má tsiguʼ xtáá rayambáá xóo circuito ga̱jma̱a̱ nanújngo̱ʼ má náa mañu, mú tséjmañuʼ gániúu nadar.
Nákha xóó tséthala rí nigíʼnuʼ mbiʼi rúʼko̱ ginii nandoʼ matala ndiéjunʼ nixkajxu̱u̱n mani kájxi̱ ñajuunʼ Jeobá.
Nixtáá nákha tsiguʼ 1942 náa mbá isla mitsaanʼ rí mbiʼyuu Curazao ndrígóo caribe. Anu̱ʼ nixtáá náa Surinam mú ni̱jkha̱ gáñajunʼ náa Curazao. A̱jma̱ tsiguʼ wapháá nákha ikhúún xóo tséxtáá ikhaa nijngún iyááʼ. Ninindxu̱u̱ timbáa testigo náa xuajen rúʼko̱. a Mambá semana nunigájmaxu Biblia, e̱ji̱n nindxu̱xu̱ mbá witsáanʼ, maski ajndu ikháanʼxu na̱nguá embáyii xóo munigajma̱a̱. Índo̱ ikhúún nigúʼdoo 14 tsiguʼ, anu̱ʼ niʼthí rí muʼguáaʼ gakuwáanʼxu náa Surinam mu muñewa̱a̱n ru̱dúu̱ ikhaa numuu rí nikhi̱i̱ má.
BI̱ NAMBÁJXÁAʼ GAJMIÁANʼ NUMBAYAAʼ
Náa Surinam nimbájxuʼ gajmíʼ a̱ngiu̱lú jiámá ga̱jma̱a̱ wa̱ʼxaʼ bi̱ nuni gagi ñajuunʼ Jeobá. Ikhiin na̱nguá má wanii wéñuʼ ki xóo ikhúún mú ikhiin nindxu̱ún má precursor regular. Índo̱ nutamijná xóo káʼnii nigún náa nitaraʼa nakujmaa rí kúwá gagi. Índo̱ naguámbá reunión naniguxu mutamijná rí naʼthí náa Biblia nguáná nagájnuxu rixa̱a̱ʼ mu mbuñunxu a̱ʼgua̱a̱n índo̱ nutamíjnaxu. Rí nimbájxuʼ gajmíʼ rúʼko̱ nimbáyuʼ mba̱yo̱o̱ ndiéjunʼ rí nandoʼ mani ikhúún náa vida ndrígóʼ: Rí nandoʼ mañajunʼ náa Jeobá. Nijngúnʼ iyááʼ índo̱ nigúʼdoo 16 tsiguʼ ga̱jma̱a̱ índo̱ niʼni 18 tsiguʼ ninindxu̱ʼ precursor regular.
NAJMAÑUʼ RÍ GÍʼDOO WÉÑUʼ NUMUU
Nákha ninindxu̱ʼ precursor náa Paramaribo.
Índo̱ ninindxu̱ʼ precursor nijmañuʼ mbaʼa wéñuʼ rí ma̱ndoo mambáyuʼ náa rí mani káxi̱ ñajuunʼ Jeobá. Mbá rí ikhaa nijmañuʼ rí gíʼdoo wéñuʼ numuu dí mani rathiin eʼwíinʼ a̱ngiu̱lú. Índo̱ ninindxu̱ʼ precursor, mbáa misionero bi̱ mbiʼyuu Willem van Seijl nixmiéjunʼ kaʼyoʼ. b Náa ikhaa nijmañuʼ mbaʼa wéñuʼ xú káʼnii ma̱ndoo mañajunʼ náa congregación. Nákha mbiʼi rúʼko̱, mbaʼa wéñuʼ xóó rí ndayóoʼ majmañuʼ. Imbo̱ʼ tsiguʼ nigiu̱u̱n xóo precursor especial ga̱jma̱a̱ ndiyóoʼ rí maʼga̱ gáñun mbá chimbaʼin a̱ngiu̱lú bi̱ kúwá náa tapoo xaxi ndrígóo Surinam. ¡Nda̱yo̱o̱ rí gíʼdoo wéñuʼ numuu rí nisngóʼ a̱ngiu̱lú! Asndu má nákha mbiʼi rúʼko̱ naniminaʼ dí mbayaridúún a̱ngiu̱lú buʼko̱ xó dí maríyaʼ mbiʼi mu xúʼko̱ mani rathiin eʼwíinʼ a̱ngiu̱lú.
Rí maʼni a̱jma̱ ikha rí nijmañuʼ rí xaʼyáʼ magúʼdoo wéñuʼ, mú magúʼdoo májánʼ awan. Mambá índo̱ nagi̱ʼdu̱u̱ gu̱nʼ ikhúún gajmúʼ i̱mba̱ precursor especial nutamíjnaxu ndiéjunʼ rí mbaʼyúxu náa xmáná rí ma̱ʼkha̱. Ikhú mbáa rí ikháanʼxu maʼgá mitsínguánʼ wéñuʼ asndu náa capital mu maʼtsi rí gaʼyuxu. Ndayóoʼ rí majmuxu májánʼ wéñuʼ mbújkha̱a̱ mu xúʼko̱ maʼngo̱o̱ rí mbá gu̱nʼ ga̱jma̱a̱ rí muphuxu, numuu rí á mu naguámbá wapháá náa kuwáanxu, maʼni gakhii rí mbáa ma̱ndoo mambáyuxuʼ. Rí nijmañuʼ nákha dxámá rí xáyáʼ magúʼdoo wéñuʼ mú magúʼdoo mbá májánʼ awan nimbáyúʼ mu mani i̱ndó ñajuunʼ Jeobá.
Rí maʼni ajtsú ikha rí nijmañuʼ, rí májánʼ nindxu̱u̱ dí marasngúún xa̱bu̱ ga̱jma̱a̱ Biblia náa ajngún. Ndi̱ju̱u̱n nitha̱ ajngáa holandés, inglés papiamento ga̱jma̱a̱ surinamés, (ma̱ngaa najmaʼnuuʼ xóo sranan), nindxu̱u̱ ajngáa rí nuthi náa Surinam. Náa xuajen rí nixtáá dí maratarúʼún xa̱bu̱ náa ajngún naguánú nuriʼña̱a̱ májánʼ. Naʼniu gakhii mata tikhu ajngáa rígi̱, xóo saramacano numuu rí nguáná nagijxi̱ aʼwóo ga̱jma̱a̱ nagajta̱a̱. Tsiakii rí nini nigiʼdoo numuu. Náa mbá xúgíʼ tsiguʼ rí nixtáá niʼngo̱o̱ nimbáñún mbaʼin xa̱bu̱ munigajma̱a̱ Biblia.
Xóo má nagíʼnún mbaʼin, mangúún nijnga̱wu̱u̱n mbaʼa nuthu ga̱jma̱a̱ niti̱yu̱ʼ. Mbá xkri̱da mbá miʼtsú nirajxu̱u̱ mbáa bi̱ naʼnigajmaa̱ Biblia bi̱ naʼthí ajngáa saramacano, xú káʼnii eʼni a̱jkiu̱u̱n numuu rí mbiʼi wapháá ni̱ʼkhu̱ awúu̱n. Dí phú nirajxu̱u̱ nindxu̱u̱ á mu dí kagu̱ ewáanʼ ada̱. Gajkhun má na̱nguá ninigu̱u̱ʼ kayuuʼ xóo ni̱thu̱u̱n, mú xóo nigiʼnuʼ rígi̱ mbaʼa nuthu nijngawu̱u̱n, maski ajndu xúʼko̱ niniminaʼ mata má xúʼko̱ ajngún xa̱bu̱.
NAGRUIGÚ ITHÁÁN ÑAJUNʼ
Índo̱ niʼni tsiguʼ 1970, nigiúunʼ xóo circuito, ga̱jma̱a̱ tsiguʼ má rúʼko̱ nixna discurso rí kayá edxu̱u̱: “Visitando la central mundial de los testigos de Jehová” ga̱jma̱a̱ pantalla náa mbaʼa grupo dí rígá náa xaxi. Índo̱ na̱jkhá gáñún a̱ngiu̱lú ikhúún gajmínʼ eʼwíinʼ a̱ngiu̱lú na̱jkhuaxu ga̱jma̱a̱ piragua rí ki̱ʼni̱ ga̱jma̱a̱ ixi̱ náa iyaʼ. Najkua kuyuxu mbá planta rí na̱ʼkhu̱ aguʼ, mbá tanque ndrígóo gasolina ma̱ngaa mbá lámpara rí naʼkhu̱u̱ gasolina, xúgíʼ rí ndayóoʼ majmuxu náa ma̱ndoo mixnáxi discurso. Najkua kuduxu ga̱jma̱a̱ tsuduxu asndu náa mbaʼyoo mixnájxi discurso. Rí itháán narmáʼáan a̱jkiu̱nʼ náa rí ni̱jkhá, ikhaa nindxu̱u̱ rí nuxnáa núma̱aʼ xa̱bu̱ ga̱jma̱a̱ numuu ajngáa rí ikhiin nidxawíín. Naʼni rí maxtáá gagi índo̱ ndayóo rí niʼngo̱ʼ nimbáñún mbaʼin xa̱bu̱ muniʼnii
Jeobá ma̱ngaa rí niñajunʼ náa xuajñuu. Xúgíʼ tsiakii rí ikhúún nani tsembríguii ndiʼtháán ga̱jma̱a̱ xóo Jeobá naʼni tsajkurámuun.JEOBÁ, IKHÚÚN GAJMUʼ A̱ʼGIU̱ʼ
Ikhúún gajmuʼ Ethel índo̱ nidamíjnaxu gu̱nʼ septiembre nákha tsiguʼ 1971.
Nda̱yo̱o̱ má rí mayambáá mbáwun xóo circuito naʼni rí xaxmiéjunʼ wéñuʼ, mu maski ajndu xúʼko̱ nindoʼ mba̱ya̱a̱ a̱ʼgiu̱ʼ bi̱ maxtáá gajmuʼ. Ikha jngóo nigíʼdúu nitakáñuu Jeobá rí mambáyuʼ maxkamaa mbá ndxájulú bi̱ maxtáa xawii mayambáá ga̱jma̱á nindxu̱ʼ náa xuajen rí na̱jkhá ma̱ngaa rí manigu̱u̱ʼ maski ajndu gakhii. Mbá tsiguʼ nda̱wa̱á ninuʼwíin ndxájulú bi̱ mbiʼyuu Ethel, nindxu̱u̱ precursora especial ga̱jma̱a̱ nanigu̱u̱ʼ maʼtáraʼa. Asndu nákha chíʼgíiʼ Ethel ninigu̱u̱ʼ wéñuʼ xkridoo apóstol Pablo ga̱jma̱a̱ nindoo maʼtáraʼa xúʼko̱ ma̱ngaa. Nidamíjnaxu índo̱ niʼni gu̱nʼ septiembre tsiguʼ 1971 ga̱jma̱a̱ nájmaxu ninindxuxu circuito.
Ethel ma̱ngaa migíná má ndija̱a̱, ikha jngóo táʼniuu mingíjyúuʼ maguʼun náa ni̱jkhá gajmuʼ xóo circuito. Mbá xkri̱da índo̱ najkua gúñu̱u̱n a̱ngiu̱lú bi̱ kúwi̱i̱n itháán mitsínguánʼ náa xaxi ndrígóo Surinam, na̱nguá ejkhuá kudaxu mbaʼa wéñuʼ. Nujñaxu xtíin náa mañu ga̱jma̱a̱ ikhí má enaxu. Naguʼwunxu muphu asndu ndiéjunʼ má rí nuxnuxú a̱ngiu̱xu xóo aʼu̱u̱n o egi̱ʼ o asndu ndiéjunʼ má ikhiin guaʼdáá. Índo̱ nda̱a̱ xúbá napumáʼánxu náa inúu xáma. Índo̱ nda̱a̱ chala, ñawunxu má ephu ga̱jma̱a̱. Ethel ga̱jma̱a̱ ikhúún nduyaxu rí muni xígi̱ gajmiuxu a̱ngiu̱lú nimbáyuxu mu xúʼko̱ manidxu̱u̱ asndu xóo mbá ajtsú jñuu rí mixuwanʼ (Ecl. 4:12). Nditháan xáriʼkhu̱u̱ rígi̱ ga̱jma̱a̱ nimbá.
Rí nitha̱ nákha náa nigi̱ʼdu̱u̱ kutriga̱, rígi̱ nigíʼnuxu índo̱ niguwáaxu xígií náa xuajen rí ni̱jkuáxu. Índo̱ piragua nijngúun náa mixkujýuu iyaʼ, ikhú nimáʼán mu mbá nacha̱
má nigajnáa náa rawuunʼ. Míjiánʼ wéñuʼ ninindxu̱u̱ rí niyéjkhuaxu má chaleco salvavidas ga̱jma̱a̱ na̱nguá má nigujuáanʼ náa piragua, mú nijnííʼ iyáʼ ikhí. Ikha jngóo ndiyóoʼ rí muxidíí ganitsu ndríguxu náa iyaʼ mu xúʼko̱ ma̱ndoo majmuxu mu murawíi iyaʼ náa piragua.Numuu rí nándáa dí muphúxu ikha jngóo ninimíjnaxu murawíin e̱gi̱ʼ náa rawuunʼ iyaʼ dí na̱jkhuaxu. Mú na̱nguá eʼnguxu guxkamaa nimbáa. Ikha jngóo ninda̱ʼa̱a̱ Jeobá rí maguaʼdáá rí muphúxu wakíʼ rúʼko̱. Ndíʼkhun niguámbuxu nitajkháanʼ índo̱ mbáa ndxájulú nidaʼ xkramaʼ rí naguwíin ga̱jma̱a̱ e̱gi̱ʼ ga̱jma̱a̱ nigujtuwiin mbáa, rúʼko̱ má naphúxu wakíʼ rúʼko̱ ga̱jma̱a̱ nigíʼmuxu.
GÚʼDAA A̱ʼGIU̱ʼ, GÚʼDIIN E̱JI̱Nʼ GA̱JMA̱A̱ NINDXU̱ʼ CIRCUITO
Witsu tsiguʼ má eʼni rí kúwáanʼxu xóo circuito índo̱ ndiya̱a̱xu mbá rí taguáʼthi̱i̱n marigá. Rí maguaʼdaa mbáa ada̱. Ikhúún nidxu̱ʼ wéñuʼ índo̱ nidxawuun rígi̱, mú na̱nguá ndi̱yo̱o̱ dí rígi̱ gáʼni dí mariʼkhu̱u̱ xóo maxtáa. Ikhúún gajmuʼ a̱ʼgiu̱ʼ ninduxu ga̱jma̱a̱ xúgíʼ a̱jkiu̱xu rí muni ñajuunʼ Jeobá káxi̱ á mu nandoo. Índo̱ niʼni tsiguʼ 1976 nixtáa timbáa a̱ʼdiuxu ikhaa mbiʼyuu Ethniël ga̱jma̱a̱ a̱jma̱ tsiguʼ tikhu nda̱wa̱á nixtáa Giovanni.
Tsiguʼ 1983, náa nijngún iyááʼ a̱ngiu̱lú náa mañu rí mbiʼyuu Tapanahoni, dí rígá mijngii náa Godo Holo náa este ndrígóo Surinam.
Ga̱jma̱a̱ numuu rí nda̱wi̱i̱n a̱ngiu̱lú bi̱ muñambáá náa Surinam, ikha jngóo sucursal niʼthúnʼ rí mañajunʼ má xúʼko̱ xóo circuito. Índo̱ e̱jñu̱xu káʼnii majkhiinʼ na̱jkha̱ náa circuito náa na̱nguá rígá mbaʼa wéñuʼ congregación. Rúʼko̱ nambáyuʼ mu maxtáa a̱jma̱ xmáná rí mbá gu̱nʼ xóo circuito ga̱jma̱a̱ imbá gijma̱ xmáná xóo precursor náa congregación ndrígóʼ. A̱ʼgiu̱ʼ ga̱jma̱a̱ e̱ji̱nʼ nagún ga̱jma̱á nindxu̱ʼ índo̱ na̱jkha̱ náa congregación dí rígá mijngii náa kúwáanʼxu. Mú índo̱ narígá asamblea o índo̱ na̱jkha̱ gáñuu a̱ngiu̱lú bi̱ kúwi̱i̱n mitsínguánʼ na̱jkha̱ mbáwun.
Índo̱ ninindxu̱ʼ circuito, ni̱jkhá ga̱jma̱a̱ piragua gáñuu a̱ngiu̱lú bi̱ kúwi̱i̱n mitsínguánʼ
Mu maʼngo̱ʼ manimbánuu xúgíʼ ñajunʼ rí gúʼdoo náa xuajñuu Dios, ndayóoʼ rí maríyaʼ mbá májánʼ awan. Ma̱ngaa naniminaʼ manigajma̱a̱ gajmíʼ bi̱ kúwi̱i̱n náa goʼwóʼ xúgíʼ xmáná. Índo̱ ni̱jkhá gáñuu a̱ngiu̱lú bi̱ kúwi̱i̱n náa tapoo xaxi, a̱ʼgiu̱ʼ naʼniga̱jma̱a̱ gajmíinʼ e̱ji̱nʼ. Índo̱ nandoo nunimíjnaxu rí makuwáanʼxu mbóó. Ma̱ngaa nuríyaxu awan xóo muni gagimijná gajmiuxu e̱jñu̱xu, xóo mutsin gajmiuxu o magájnuxu Proverbios 31:15. Ikhaa natujxi̱i̱ miʼcha̱ mu ma̱ndoo maraxnuxu mbóó texto ga̱jma̱a̱ muphiʼtsu mbóó nákha e̱jñu̱xu xóo tseguáanʼ escuela. Nadxuʼ wéñuʼ rí niʼngo̱ʼ nixkamaa a̱ʼgiu̱ʼ bi̱ nixtáa xawii mambáyuʼ náa ñajunʼ rí nakhánuʼ náa xuajñuu Dios.
gúyaa rí mitsaanʼ dí rígá mbájndi náa kuwáanʼ. Mbaʼa nuthu nagú asndu wakhííʼ numuu dí nani rataminaʼ xóo manimbánuu ñajunʼ rí kuʼdoo. A̱ʼgiu̱ʼ nindxu̱u̱ ikháá má kayuuʼ xóo bi̱ naʼthí náaIkhúún gajmuʼ a̱ʼgiu̱ʼ nunimíjnaxu rí musngúún e̱jñu̱xu rí maʼndún kuyáá Jeobá ga̱jma̱a̱ rí manigu̱u̱nʼ mutaraʼa. Nanduxu rí ikhiin muni kájxi̱ ñajuunʼ Dios raʼkháa ga̱jma̱a̱ numuu rí ikháanʼ nuthunxu, nindxu̱u̱ dí ikhiin má gúraʼwi̱i̱. Nuthunxu má xúʼko̱ xóo gagi nikúwáanʼxu rí nini kájxi̱ ñajuunʼ Jeobá, maski ajndu nuthunxu tikhu rí niʼniuxu gakhii, mú itháán nuthunxu xú káʼnii Jeobá nimbáyuxu ga̱jma̱a̱ xú káʼnii niʼni tsajkurámáanʼ. Nuniʼñáánxu rí e̱jñu̱xu makuwíin itháán gajmiún a̱ngiu̱lú bi̱ nugíʼ ginii muni ñajuunʼ Jeobá.
Núma̱aʼ má Jeobá niguaʼdááxu má xúgíʼ rí ndayuxu. Gajkhun má nini tsiakiminaʼ rí maxnúu bi̱ kúwá náa goʼwóo xóo má eni̱ xúgíinʼ xabuanii. Rí nixtáá nákha mbawuun rayambáá náa xaxi xóo precursor especial niʼsngóʼ dí mañewu̱u̱n majmuʼ májánʼ mbújkha̱a̱. Nguáná maski ajndu nuni tsiakimíjnaxu mu tséʼngo̱o̱ má gutsi xúgíʼ rí ndayuxu. Nda̱yo̱o̱ gajkhun rí nákha mbiʼi rúʼko̱ Jeobá nimbáyuxu, mbá xkri̱da índo̱ niʼni tsiguʼ 1986 asndu 1992 nirígá guerra náa Surinam. Niʼni gakhii muguaʼdááxu asndu rí itháán ndayuxu. Mú Jeobá nimbáyuxu má xúʼko̱ (Mat. 6:32).
ÍNDO̱ NARMÁʼÁAN A̱JKIU̱Nʼ XÓO NIXTÁÁ
Nagi̱ʼdu̱u̱ náa ñawún xtiʼ naguámbá náa ñawún májánʼ
A̱ʼdiuxu bi̱ giʼnii Ethniël, ga̱jma̱a̱ a̱ʼgiu̱u̱ Natalie
A̱ʼdiuxu Giovanni ga̱jma̱a̱ a̱ʼgiu̱u̱ Christal
Jeobá nditháan tániñuxu, ikhaa niʼni rí makuwáanʼxu gagi. Rí niguáʼdiin e̱jñu̱xu ninindxu̱u̱ xóo niguma tsajkurámáanʼ ma̱ngaa rí musngúún ikhiin rí maʼndún kuyáá Jeobá ninindxu̱u̱ mitsaanʼ wéñuʼ. Índo̱ nduya̱xu rí ikhiin nuni kájxi̱ ñajuunʼ Dios, rúʼko̱ naʼni dí makuwáanʼxu gagi. Ethniël ga̱jma̱a̱ Giovanni nirámún náa escuela de evangelizadores rí xúgi̱ kúwi̱i̱n ruyambáá náa sucursal dí rígá náa Surinam gajmiún guʼñún.
Ikhúún gajmuʼ a̱ʼgiu̱ʼ waniáanxu má, nuñajunʼ má xúʼko̱ náa Jeobá xóo precursor especial, rí asndu tséguaphún mu manigajma̱a̱ xóo mani nadar. Tsétanga̱a̱ nditháan a̱jkiu̱nʼ. Índo̱ narmáʼáan a̱jkiu̱nʼ xóo nixtáá rí nákha ninindxu̱ʼ dxámá niraʼwíí mbá rí itháán májánʼ mani náa vida ndrígóʼ: Rí mañajunʼ kájxi̱ náa Jeobá.
b Historia ndrígóo Willem van Seijl, rí kayá edxu̱u̱ “La realidad ha superado mis expectativas”, rí nigájnúu náa ¡Despertad! 8 ñajunʼ gu̱nʼ octubre tsiguʼ 1999.