BI̱ NAYEJNGOO Abril tsiguʼ 2015 | Lá manigua̱ʼ matanigajmaa Biblia ráʼ.
Mbaʼin wéñuʼ xa̱bu̱ náa xúgíʼ numbaaʼ nambáñun rí musngúún ga̱jma̱a̱ numuu Biblia xa̱bi̱i̱ Jeobá rí asndu tsíruma. Atayáá xú káʼnii rí naʼsngáa Biblia ma̱ndoo mambáyaʼ mangáán.
TEMA DE PORTADA
Lá nariʼña̱a̱ Biblia graxe̱ rígi̱ ráʼ.
Lá manigua̱ʼ ma̱ta̱ya̱a̱ ndiéjunʼ eʼsngáa Biblia, mu tsiguapán ga̱jma̱a̱ tsíyaaʼ mataxuʼdáminaʼ ráʼ.
Mbá curso ndrígóo Biblia rí makhánun xúgínʼ xa̱bu̱
Graxe̱ rí naguma ga̱jma̱a̱ numuu curso.
Bi̱ kuya̱ edxu̱u̱, lá kuwaanʼ runiratiin eʼwíínʼ a̱ngiu̱lú ráʼ.
Mbaʼin bi̱ kuya̱ edxu̱u̱ náa xúgíʼ numbaaʼ nambáñuun índo̱ nuniratiin iʼwíínʼ a̱ngiu̱lú mu muñewa̱a̱n congregaciones. Lá nandaʼ ma̱ta̱ya̱a̱ xú káʼnii eni xáʼ. Nuxna̱ʼxu juwan ikha.
Xú káʼnii guniratiin eʼwíínʼ
Ndiéjunʼ gándoo gajmañún bi̱ kuya̱ edxu̱u̱ dí xú káʼnii Jesús niʼniratiin eʼwíínʼ rá. Ga̱jma̱a̱ ndiéjunʼ gándoo gajmañún eʼwíínʼ a̱ngiu̱lú náa xkri̱da ndrígóo Eliseo rá.
Lá natayáá Jeobá xóo mbáa bi̱ nambáxa̱ʼ májánʼ ga̱jma̱ʼ ráʼ.
Bi̱ nambáxu̱u̱n májánʼ nutamijná má xúʼko̱. Á mu nandulúʼ mambaxúlúʼ májánʼ gajmiúlú Dios, ndayóoʼ muʼthámijna gajmiúlú ga̱jma̱a̱ muʼdxun rí naʼthúlúʼ. Xú káʼnii gúʼni rúʼko̱ rá.
Ga̱ku̱ma̱ʼ xtayáá má xúʼko̱ Jeobá
Artículo rígi̱ mambáyaʼ mu mambaxáʼ má xúʼko̱ ga̱jma̱a̱ Dios índo̱ gáraʼdáá xkujndu gakhii.
A CONVERSATION WITH A NEIGHBOR
Ndíjkha rí gíʼmaa muʼniku̱ma̱a̱ mámbá tsiguʼ rí nikháñu Jesús rá.
Mbaʼin nuniriyaʼ rí nixtáa Jesús náa Navidad ga̱jma̱a̱ rí nigabi̱i̱ náa Semana Santa. Mú xa̱bi̱i̱ Jeobá nuniku̱ma̱a̱ rí nikháñu Jesús. Náa numuu rá.
Graxe̱ rí naxtiʼña̱a̱ náa Biblia
Xú káʼnii gándoo gáʼni rígi̱ rí xa̱bu̱ makuwa itháan májánʼ náa rí maxmiéjunʼ kuyamíjna̱ rá.
