RÍ KAYÁ EDXU̱U̱ NÁA INUU I̱YI̱I̱ʼ | LÁ GÍʼ MÁ MIJNGII FIN RÁʼ.
Ndiéjunʼ nindxu̱u̱ fin rá.
Índo̱ natadxuun ajngáa rígi̱ “fin gíʼ mijngii”, ndiéjunʼ tatsaʼwáá edxa̱ʼ rá. Lá natatsaʼwáá edxa̱ʼ rí mambáa xúgíʼ numbaaʼ ga̱jma̱a̱ xúgínʼ xa̱bu̱ náa mbá ruʼwambiiʼ, gaʼxma o ga̱jma̱a̱ mbá guerra ráʼ. Índo̱ xa̱bu̱ nundxa̱ʼwa̱a̱ edxu̱ún xúgi̱ kaʼnii xa̱bu̱ namiñun ga̱jma̱a̱ eʼwíínʼ tsixmiéjunʼ.
Náa Ajngá rawunʼ Dios naʼthí kaʼwu: “Aʼkue ri mariguo” (Mateo 24:14). Ma̱ngaa náa Biblia naxná mbiʼyuu “Armagedón” ga̱jma̱a̱ “guerra rí nigíʼ Dios” (Revelación [Apocalipsis] 16:14, 16, nota). Náa mbaʼa religión nusngáa i̱mba̱ núthu ga̱jma̱a̱ numuu fin ma̱ngaa rígá mbaʼa ku̱ma̱ rí tsejmaʼnuʼ ga̱jma̱a̱ rí marigá wéñuʼ gamiéjunʼ. Mú ndiéjunʼ nindxu̱u̱ fin rí naʼthí náa Biblia rá. Ikhí má naʼthúlúʼ kaʼwu. Ga̱jma̱a̱ raʼkháa i̱ndó rúʼko̱, nambáyulúʼ makru̱ʼu̱lú rí fin gíʼ mijngii ma̱ngaa nasngájmulúʼ xú káʼnii gaguma káwáanʼ. Guraxnuu mu makru̱ʼu̱lú tikhuu ku̱ma̱ mu mbuʼyáá ndiéjunʼ nindxu̱u̱ fin. Nda̱wa̱á gúʼyáá ndiéjunʼ rí phú mambáa.
XÓO PHÚ GANINDXU̱U̱ FIN
-
NUMBAAʼ XÁMBÁA GA̱JMA̱A̱ AGUʼ
Náa Biblia naʼthí: “Jeobá niʼni ku̱ba̱ʼ ga̱jma̱a̱ ikhaa má niʼthí náa magi̱ʼi̱; ikhí má gaguanúu kámuu mbiʼi” (Salmo 104:5). Gi̱jyooʼ ga̱jma̱a̱ náa i̱ʼwáʼ textos, naʼtulúʼ rí Dios nimbá miʼtsú xáni gámbáa Ku̱ba̱ʼ ga̱jma̱a̱ xániñuʼ rí nimbá ga̱jma̱a̱ nimbáa xa̱bu̱ maʼni gámbáa (Eclesiastés 1:4; Isaías 45:18).
-
MBIʼI RÍ MA̱ʼKHA̱ FIN
Maski ajndu tikhun nakumu̱ún rí fin na̱nguá gíʼdoo fecha, náa Biblia nasngájma rí Dios nigíʼ mbá mbiʼi mu ma̱ʼkha̱ kayóo fin. Ikhí nuraxnuu: “Indo mbiʼi ruʼkue jame na hora nimba tsiʼyo, ni ángel tsi juhua mikui tsiya, jame, ni Ada tsiʼyo, indo Ana tsi ndaʼyo. Guyala, gajuhuala xahui, gunila tsakun, numu ri tsiyala guana aganu mbiʼi ruʼkue” (Marcos 13:32, 33). Nakujmaa kaʼwu rí Dios, gíʼdoo “mbiʼi” mu ma̱ʼkha̱ kayóo fin.
-
XAGUMA GÁMBÁA GA̱JMA̱A̱ NUMUU GUERRA RÍ NAʼNI XA̱BU̱
Ndiéjunʼ o tsáa gáʼni rí marigá fin rá. Náa libro Apocalipsis naʼthí: “Ga icu ndeyo ri mecui maʼta; ga iqui ndeyo mba huayu miʼxa, ga su rigüi mbiʼjiu su Caramaʼ ri Jmbi, numu ri jmbu ri guitañajunʼ [...]. Ga icu ndeyo ri su xcugüinʼ jma ri su xabu nutañajuinʼ numbaʼ jmiñi su soldado-ñi, ri su niguimbun ri muxnamijni jmiñi su rigüi huayu jma su soldado-ye Ica” (Rí huasjŋgajma Juan 19:11-21). Dí naʼthí gi̱i̱ nindxu̱u̱ mbá xkri̱da, mú nandoo nakru̱ʼu̱lú rígi̱: Dios gakunguinʼ mbaʼin ángeles mu maʼni gámbíin xa̱bu̱ sia̱nʼ.
Fin rí naʼthí náa Biblia nindxu̱u̱ mbá ajngáa májánʼ mudxawíín xa̱bu̱ numbaaʼ
NDIÉJUN GÁMBÁA RÁ.
-
MAMBÍIN XA̱BU̱ ÑAJUNʼ
Náa Biblia nasngájma: “Dios bi̱ xtáa mekhuíí magíiʼ mbáa reino [mbáa Xa̱bu̱ Ñajunʼ] bi̱ xáʼganú mámbáa. Ga̱jma̱a̱ reino bugi̱ xakánúu nimbáa xa̱bu̱. Maʼni̱i̱ yujndaʼ ga̱jma̱a̱ maʼni gámbíin xúgínʼ Daniel 2:44). Xó má ndiʼyáá náa punto 3, “xabu nutañajuinʼ numbaʼ” magimbíin mu “muxnamijni jmiñi su rigüi huayu jma soldado-ye Ica” (Rí huasjŋgajma Juan 19:19). Mú Reino ndrígóo Dios maʼni gámbáa.
reino, xúʼko̱ maʼganú maʼtañajunʼ asndu kámuu mbiʼi” ( -
MAMBÁA GUERRA, RÍ NUNI GÍNÍI EʼWÍÍNʼ GA̱JMA̱A̱ RÍ NA̱NGUÁ NINDXU̱U̱ JMBU
Dios ‹maʼni gámbáa guerras› náa xúgíʼ numbaaʼ (Salmo 46:9). Guʼyáá ma̱ngaa rí naʼthí náa texto rígi̱: “Numuu rí xa̱bu̱ jmbiin makuwá náa tsu̱du̱u̱ ku̱ba̱ʼ, ga̱jma̱a̱ xa̱bu̱ bi̱ nda̱a̱ aʼkhún maguanún ikhí. Mú xa̱bu̱ bi̱ nuni dí ra̱májánʼ wéñuʼ mambíin náa tsu̱du̱u̱ ku̱ba̱ʼ” (Proverbios 2:21, 22). Ga̱jma̱a̱ Apocalipsis naʼthí rí Dios maʼni̱i̱ “xúgíʼ nuxi̱ʼ” (Revelación 21:4, 5).
-
MAMBÁA RELIGIÓN BI̱ TSÉNI XÓO EYOO DIOS GA̱JMA̱A̱ NUNI NDUWIINʼ XA̱BU̱
Índo̱ naʼthí ga̱jma̱a̱ numún xa̱bu̱ ede̱ bi̱ a̱jma̱ inún, náa libro ndrígóo Jeremías naʼthí: “Gaʼyee nutariyaʼ rí minduwaʼ; ga̱jma̱a̱ bi̱ ndxajkun nutañajunʼ xó má tsiakii guáʼdáá. [...] Ga̱jma̱a̱ ndiéjunʼ gúní ikháanʼ índo̱ gáʼkha̱nú fin rá.” (Jeremías 5:31.) Ndiéjunʼ lá guáʼthi̱i̱n mugíʼnin xa̱bu̱ ede̱ rá. Mínaʼ Jesús nariʼña̱a̱: “Mbaʼin tsi mutenʼ mbiʼi riuʼun [índo̱ gáʼni fin]: Señor, Señor, ¿a raʼka mbiʼyaʼ nitanxoʼ naki nitanxoʼ ajnga ri nijanaʼxoʼ mutanxoʼ neʼne Dios-dxeʼ? ¿A raʼka gajma mbiʼyaʼ nixkahuinxoʼ guiñaʼ-güen-dxeʼ? ¿a rala gajma mbiʼyaʼ ninixoʼ mbaʼa milagro-dxeʼ? Aʼkue ri matun: Aguaxola jani, tsanʼla nini mba xugui ri ramajan, asjndo nimba miʼtsu tanenuhuanʼla-jun” (Mateo 7:21-23).
-
MAMBÍIN XA̱BU̱ BI̱ NANIGU̱Nʼ MUNI DÍ RA̱MÁJÁNʼ GA̱JMA̱A̱ BI̱ TSÉNI RÍ JMBU
Jesucristo niʼthí: “Rigueʼ ñajun ri mbuyamini xabo, numu ri niʼka agu naʼ numba rigueʼ, aʼkue ako ihua neʼne akuin xabo-juya ri jina xo ri agu numu ri ramajan ri ini” (Juan 3:19). Nákha wajyúúʼ, nákha mbiʼi ndrígóo Noé mbáa xa̱bu̱ jmbii, Dios niʼni gámbíin xa̱bu̱ bi̱ ra̱míjínʼ bi̱ nikuwa náa tsu̱du̱u̱ Ku̱ba̱ʼ. Náa 2 Pedro 3:5-7, Biblia naʼthí: “Numbaʼ ri neriga mbiʼji riñu, ruʼjuambiʼ naʼnigambala-ja. Indo mecu ri riga xuguiʼ jma numbaʼ ri riga xuguiʼ, Dios neʼtañajunʼ ri maʼganu mba mbiʼji ri mica naʼ aguʼ xoguiʼ riʼcui. Mica riʼcui riʼdo Dios magugüin xabu, cami su nuni ri ramejanʼ iquin mbuyaminiʼ-xi”.
Mbiʼi rí niguámbáa ‹numbaaʼ› nákha nixtáa Noé nambánii ga̱jma̱a̱ ‹mbiʼi rí Dios gánda̱ʼa̱a̱ cuenta ma̱ngaa rí mambáa nacha̱›. Mú garmáʼáan a̱jkiu̱lú rí nákha wajyúúʼ Dios táʼni gámbáa numbaaʼ, i̱ndó ‹xa̱bu̱ bi̱ ra̱míjínʼ›, xóo muʼthá xa̱bu̱ bi̱ guáʼdáá sia̱nʼ náa ikhaa. Xúʼko̱ má gáʼni, ‹mbiʼi rí Dios gánda̱ʼa̱a̱ cuenta›, maʼni gámbíin xúgínʼ xa̱bu̱ bi̱ nanigu̱nʼ muni dí ra̱májánʼ ga̱jma̱a̱ bi̱ guáʼdáá sia̱nʼ náa ikhaa. Mú, mañewu̱u̱n bi̱ nambáxu̱u̱ gajmíi̱n xó má niñewu̱u̱n Noé gajmíi̱n bi̱ nikuwa náa goʼwóo (Mateo 24:37-42).
¡Ra̱ʼkhá tháán májánʼ gákuwáanʼ índo̱ Dios gárigúu xúgíʼ dí ra̱májánʼ náa numbaaʼ rígi̱! Xúʼko̱ káʼnii: Fin rí naʼthí náa Biblia nindxu̱u̱ mbá ajngáa májánʼ mudxawíín xa̱bu̱ numbaaʼ. Mú, ikháánʼ natraximínáʼ á mu ndayóoʼ wéñuʼ mu ma̱ʼkha̱nú fin ga̱jma̱a̱ ndiéjunʼ gándoo gátani mu makriñanʼ. Guʼyáá rí nariʼña̱a̱ Biblia.