Náa Biblia naʼthúlúʼ rí fin maʼni gakhi̱i̱ wéñuʼ. Ikhí naʼthí: “Numu ri mapu-mba gaʼko mariga, ri asjndo nimba miʼ-tsu tariga asjndo naki niguiʼdu niriga numba, asjndo xuguiʼ [...]. Xi numu ri taxtriga mbiʼi riuʼun, asjndo nimba xabo maxajriyaʼ xuʼkue-no” (Mateo 24:21, 22). Mú ma̱ngaa naʼthí rí makuwá bi̱ makáwíin: “Numbaaʼ na̱jkha̱ ranújngoo, [...] mú bi̱ naʼni rí nandoo Dios maxtáa kámuu mbiʼi” (1 Juan 2:17).

Ndiéjunʼ eyóoʼ maguma mu makáwáanʼ rá. Lá ndayóoʼ mu̱ʼgua̱ ruraxi̱i̱ rí majmulúʼ ráʼ. Na̱nguá. Rígi̱ nindxu̱u̱ xtágabu rí naxná Biblia: “Numuu dí xúgi̱ kaʼnii manda̱wo̱ʼ, xú káʼnii xa̱bu̱ gíʼmaa mani̱ndxa̱la ikháanʼ rá. Gíʼmaa muni rí nandoo Dios ga̱jma̱a̱ rí mikaʼwu, rí makuwaanʼ xawii wéñuʼ ga̱jma̱a̱ garmáʼáan a̱jkia̱la mbiʼi ndrígóo Jeobá” (2 Pedro 3:10-12). Rí “manda̱wo̱ʼ” ni̱ndxu̱ún Xa̱bu̱ Ñajunʼ bi̱ ra̱míjínʼ bi̱ kuwa náa numbaaʼ rígi̱ ga̱jma̱a̱ xúgínʼ bi̱ numbañún ga̱jma̱a̱ tsimbayíí Xa̱bu̱ Ñajunʼ ndrígóo Dios. Nakujmaa kaʼwu rí á mu nuraxi̱i̱ rí muguaʼdáá wéñuʼ xáʼni káwáanʼ índo̱ gáʼkha̱ fin.

Rí phú gajkhun, makáwáanʼ á mu ikháanʼ najmañulúʼ nuʼni xóo eyoo Dios ga̱jma̱a̱ dí manindxu̱lúʼ xa̱bu̱ jmbii náa ikhaa (Sofonías 2:3). Xúʼni̱ xóo eni mbaʼin xa̱bu̱ bi̱ tsenimbu̱ún rí kuwáanʼ iwáá mbiʼi, gíʼmáanʼ ‹makuwáanʼ xawii ga̱jma̱a̱ xambumulú mbiʼi ndrígóo Jeobá›. Bi̱ nutaraʼa numuu Jeobá ma̱ndoo musngááʼ ga̱jma̱a̱ Biblia ndiéjunʼ rí eyóoʼ matani mu makríñanʼ.