Rí nuthi: Xa̱bi̱i̱ Jeobá tséniriyaaʼ Pascua numuu rí na̱nguá ni̱ndxu̱ún cristianos.

 Rí gajkhun: Nunimbuxu rí Jesucristo ni̱ʼkha̱ gáʼni káwáanʼ ga̱jma̱a̱ nuʼgíʼ ‹nunixu xóo rí niʼni ikhaa› (1 Pedro 2:21; Lucas 2:11).

 Rí nuthi: Ikháanʼla tsenimbala rí Jesús nigabi̱i̱.

 Rí gajkhun: Raʼkháa i̱ndó nunimbuxu rí ikhaa nigabi̱i̱, ma̱ngaa ndu̱ya̱a̱xu májánʼ rí gíʼdoo wéñuʼ numuu náa nutaráʼaxu (1 Corintios 15:3, 4, 12-15).

 Rí nuthi: Tséniʼñáaʼ rí e̱jña̱la makuwá gagi náa ndxa̱a̱ rígi̱.

 Rí gajkhun: Nanduxu ku̱ñu̱u̱n wéñuʼ e̱jñu̱xu ga̱jma̱a̱ nunimijnaxu mu musngúúnxu ma̱ngaa rí makuwa gagi (Tito 2:4).

•   Costumbre rí naguma ga̱jma̱a̱ numuu Pascua náa i̱ʼwáʼ xuajin mba̱ʼu̱ tsegájnuu náa Biblia.

•   Jesús niʼtáñajunʼ rí magumariyaʼ mbiʼi rí nikháñu, raʼkháa rí nigabi̱i̱. Bi̱ ñajunlú xa̱bi̱i̱ Jeobá nuniriyaʼxu xúgíʼ tsiguʼ mbiʼi rí nikháñu xó má e̱ʼkha̱ náa calendario lunar rí nijmún nákha wajyúúʼ (Lucas 22:19, 20).

•   Nakru̱ʼu̱xu rí xúgíʼ costumbre rí kaʼyoo Pascua ni̱ʼkha̱ náa costumbre rí mubúnʼ gajmiún mbaʼin xa̱bu̱ ga̱jma̱a̱ rúʼko̱ tániguʼ Dios. Ikhaa na̱nda̱ʼa̱ rí mbuyamajkuíí i̱ndó ikhaa ga̱jma̱a̱ nagawúnʼ índo̱ ikháanʼ nuʼni rí tsínigu̱ʼ rí nuni i̱ʼwáʼ religión (Éxodo 20:5; 1 Reyes 18:21).

 Ndu̱ya̱a̱xu gajkhun rí niraʼwííxu muni nagájnuu náa Biblia rí xuʼniriyaʼ Pascua. Ga̱jma̱a̱ ikhí naʼthúlúʼ: “Atatsaʼwáminaʼ májánʼ ga̱jma̱a̱ gani̱ndxa̱ʼ mbáa xa̱bu̱ bi̱ najmañuu wéñuʼ” raʼkháa rí mu̱ʼgua̱ ki̱dxu̱ʼ rí nuni xa̱bu̱ (Proverbios 3:21; Mateo 15:3). Maski ajndu nuthu̱u̱nxu eʼwíínʼ rí enimbuxu índo̱ nuraxuxu ga̱jma̱a̱ numuu rúʼko̱, nduyamajkuííxu dí garaʼwíí maʼni mámbáa (1 Pedro 3:15).