Náa numuu bi̱ nutaraʼa numuu Jeobá nagún mámbá guʼwá rá.
Jesús niʼthún xa̱bi̱i̱: “Guʼgua̱ ga̱jma̱a̱ gusngún xa̱bu̱ bi̱ kuwa náa xúgíʼ xuajin” (Mateo 28:19, 20). Índo̱ ikhaa nikuʼmiin xa̱bi̱i̱, niʼthún rí magún náa guʼwún xa̱bu̱ (Mateo 10:7, 11-13). Nda̱wa̱á rí nikháñu, cristianos bi̱ nikuwa nákha siglo timbá nitaraʼa má xúʼko̱ ajngóo náa “inu apa, jame mbamba gu’hua” (Hechos 5:42; 20:20). Rí mbiʼi xúgi̱ ikháanʼ nduʼyaridáá rí nini timbíi̱n cristianos ga̱jma̱a̱ nduʼyáá rí muʼtáraʼa náa mámbá guʼwá nayambáá wéñuʼ.
Puede que también le interese
GRAXE̱ DÍ NAGUMA MÁ XÚʼKO̱
Náa numuu rí bi̱ nutaraʼa numuu Jeobá nutaruʼun xa̱bu̱ bi̱ guáʼdáá má religión rá.
Ndiéjunʼ exkaxánʼ mu muʼthúún xa̱bu̱ bi̱ guáʼdáá má religión rá.
GRAXE̱ DÍ NAGUMA MÁ XÚʼKO̱
Lá mbaʼyóoʼ mani̱ndxu̱ʼ testigo de Jeobá á mu nanigajmaa̱ Biblia gajmíʼ ikhiin xáʼ.
Bi̱ nindxuxu testigos de Jeobá nusngunxu ga̱jma̱a̱ Biblia xa̱bu̱ bi̱ kúwá náa xúgíʼ numbaaʼ ga̱jma̱a̱ tsextumiin. Á mu natanigajmaa Biblia jma̱a̱ nindxuxu. Lá mbaʼyóo manindxa̱a̱ testigos de Jeobá ráʼ.
GRAXE̱ DÍ NAGUMA MÁ XÚʼKO̱
Lá nutaraʼa mámbá guʼwá xa̱bi̱i̱ Jeobá mu makáwíin ráʼ.
Gajmañaaʼ rí enimbuxuʼ ga̱jma̱a̱ numuu rí makáwáanʼ ma̱ngaa xú káʼnii gátrígú.
GA̱JMA̱A̱ NUMUXUʼ
Atanda̱ʼa̱ rí magún gúyaaʼ
Atayáá xóo extiʼña̱a̱ graxe̱ náa Biblia o atayáá itháan ga̱jma̱a̱ numún Testigos de Jeobá.