Lá mbaʼyóoʼ mani̱ndxu̱ʼ testigo de Jeobá á mu nanigajmaa̱ Biblia gajmíʼ ikhiin xáʼ.
Na̱nguá má katsudán. Numuu rí kúwi̱i̱n mbaʼin wéñuʼ xa̱bu̱ bi̱ nunigajma̱a̱ Biblia ga̱jma̱á nindxu̱xu̱ ga̱jma̱a̱ na̱nguá eni̱ mani̱ndxu̱ún Testigos. a Awan rí nusngáaxu mu musngajmáaʼxu rí naʼsngáa Biblia. Índo̱ gídxúʼ rajmañaʼ itháán dí naʼthí náa Biblia, ikháán má kaʼyaaʼ matraʼwi̱i̱ matani. Numuu rí mambá kaʼyoo maraʼwíí religión náa maʼga̱ (Josué 24:15).
Lá ma̱ndoo majmuʼ Biblia dí gúʼdoo índo̱ gánigajmaa ráʼ.
Ma̱ndoo, naniguxu majmuxu Biblia náa ajngáa rí nuthi xa̱bu̱ rí mbiʼi xúgi̱ Traducción del Nuevo Mundo. Á mu rí nandaaʼ, ma̱ndoo muxnajxu̱ ga̱jma̱a̱ xáratsi. Ma̱ngaa ma̱ndoo má majmaaʼ ndrígáaʼ ikháán rí xtaʼdáá. Asndu ndiéjunʼ má Biblia ma̱ndoo majmañaaʼ ga̱jma̱a̱ numuu kua̱ʼthi̱i̱n ma̱ngaa rí maguma káwáánʼ nda̱wa̱á.
Náá numuu rí nunigajmaa gajmiála xa̱bu̱ bi̱ na̱nguá enindxu̱ún testigos de Jeobá rá.
-
Numuu rí nanduxu ku̱ya̱a̱ wéñuʼ Jeobá, ikhaa nandoo rí kúwá rajmañún xa̱bi̱i̱ musngúún eʼwíinʼ xa̱bu̱ ma̱ngaa (Mateo 22:37, 38; 28:19, 20). Ñajunʼ rígi̱ mitsaanʼ wéñuʼ numuu rí “nindxu̱xu bi̱ numbáyiixu Dios” ga̱jma̱a̱ rí numbáñunxu xa̱bu̱ mu majmañún rí naʼthí náa Biblia (1 Corintios 3:6-9).
-
Ma̱ngaa numuu rí nanduxu ku̱ñu̱u̱n eʼwíinʼ xa̱bu̱ (Mateo 22:39). Naniguxu wéñuʼ muthu̱u̱nxu eʼwíinʼ dí najmañuxu (Hechos 20:35).
a Mu ma̱ta̱ya̱a̱ nguáthi̱i̱n xa̱bu̱ nisngúnxu ga̱jma̱a̱ Biblia nákha 2023 nisngunxu mbá 7.281.212 xa̱bu̱ ga̱jma̱a̱ Biblia mambá gu̱nʼ, xó má bugi̱ ga̱jma̱a̱ mbaʼin eʼwíinʼ xa̱bu̱ nusngunxu ikhaa má mbiʼi. Mú káaʼ 269.517 xa̱bu̱ bi̱ nijngún iyááʼ tsiguʼ rúʼko̱ mu mani̱ndxu̱ún testigos de Jeobá.
Puede que también le interese
GA̱JMA̱A̱ NUMUXUʼ
Xú káʼnii nindxu̱u̱ rí miʼsngáa ga̱jma̱a̱ numuu Biblia rá.
Náa xúgíʼ tsu̱du̱u̱ numbaaʼ, bi̱ nutaraʼa numuu Jeobá najmaʼnuʼ numuu rí na̱nguá ruma índo̱ nusngúún xa̱bu̱ ga̱jma̱a̱ numuu Biblia. Atayáá xú káʼnii nindxu̱u̱.
GRAXE̱ DÍ NAGUMA MÁ XÚʼKO̱
Xú káʼnii esngúún xa̱bu̱ ga̱jma̱a̱ numuu Biblia testigos de Jeobá rá.
Dí musngááʼ ga̱jma̱a̱ numuu Biblia testigos de Jeobá rí xáʼyóoʼ matani̱ numáá, ikháán ma̱ndoo majmaaʼ asndu xkáʼníí má Biblia rí xtaʼdáá. Ma̱ngaa, ma̱ndoo marathu̱u̱n makuwíin xúgíinʼ bi̱ kúwá náa guʼwáaʼ o bi̱ nambájxa̱a̱ʼ gajmiáanʼ.