Lá guáʼdáá xa̱bi̱i̱ Jeobá mbá lista ndrígóo películas, ajmúú o libros dí ra̱májánʼ ráʼ.
Na̱nguá. Organización ndrígúxu̱ tséyáaʼ películas, ajmúú ga̱jma̱a̱ libros rí gíʼmaa muʼni gaʼduunʼ. Náa numuu rá.
Náa Biblia nasngájma rí xúgiáanʼ gíʼmaa majmañulúʼ mundxaʼwáá edxu̱lúʼ mu muraʼwíí rí májánʼ ga̱jma̱a̱ dí ra̱májánʼ (Hebreos 5:14).
Náa Escrituras na̱ʼkha̱ ikha rí tsixtiʼkhuu rí nambáyulúʼ muraʼwíí rí májánʼ índo̱ muʼni gagimijná. a Náa xúgíʼ rí guraʼwíí, nandulúʼ muʼnimbánii má xúʼko̱ rí na̱ʼkha̱ náa Efesios 5:10, náa naʼthí: “Uni macuraʼjaʼla mejanʼ naʼ ri pu-naniguʼ su Señor”.
Dios niʼthún rí xa̱bekha mbu̱ya̱ edxu̱u̱ náa mbá guʼwá, ikha jngó ikhiin kaʼñúún muthi tikhuu dí ragíʼmaa muni náa mbá guʼwíin (1 Corintios 11:3; Efesios 6:1-4). Mú, náa congregación, nimbáa ragíʼmaa maʼthí xú káʼnii películas, ajmúú o artístas dí gíʼmaa mbuyáá a̱ngiu̱lú bi̱ kuwa náa congregación (Gálatas 6:5).
a Mbá xkri̱da, Biblia nawiyuʼ kaʼyoo xawan, rí mubúnʼ gajmiún imba̱a̱ ga̱jma̱a̱ rí nuxmijná xa̱bu̱; xúgíʼ rí naʼni marigá rígi̱ ra̱májánʼ nindxu̱u̱ (Deuteronomio 18:10-13; Efesios 5:3; Colosenses 3:8).
