Ajngáa griego rí nijmaa náa Biblia ga̱jma̱a̱ nutajuíi xóo “guʼwá ndxajkun” rígi̱ nandoo gáʼthúu̱n congregación raʼkháa náa guʼwá náa nagimbíi̱n.

 Atayáá mbá xkri̱da, índo̱ apóstol Pablo niʼnirámáʼ náa inún cristianos bi̱ kuwa náa Roma, niraxi̱i̱n Áquila ga̱jma̱a̱ Priscila, ma̱ngaa niʼthí xóó: “Uraxinlu aŋgunʼlu su nacumu cuya Jesucristo su naguimbun naʼ guʼjo Priscila jma Aquila” (Romanos 16:5). Nakujmaa rí Pablo naraxi̱i̱n mbá nguájmi̱i̱n xa̱bu̱, congregación bi̱ nagimbíi̱n náa guʼwá rúʼko̱. a

 Ikha jngó tséxna mbiʼíxu guʼwá ndxajkun, nutaxu Guʼwá náa Nagimbíi̱n bi̱ nutaraʼa numuu Jeobá.

 Rígá mbaʼa numuu rí nagumbiʼyuu xúʼko̱:

•   Guʼwá nindxu̱u̱ náa nagimbíi̱n xa̱bu̱.

•   Nagimbáanʼxu mu munixu mba̱a̱ Jeobá, Dios bi̱ naʼthí náa Biblia ma̱ngaa rí miʼtáraʼa ga̱jma̱a̱ numuu ikhaa (Salmo 83:18; Isaías 43:12).

•   Ma̱ngaa nagimbáanʼxu mu majmañuxu itháan ga̱jma̱a̱ numuu Reino ndrígóo Dios, rí niʼthí itháan Jesús (Mateo 6:9, 10; 24:14; Lucas 4:43).

 Nutha̱nʼxu rí mi̱dxu̱ʼ náa Guʼwá nagimbáanʼxu dí rígá mijngii náa xtaa mu ma̱ta̱ya̱a̱ xú káʼnii nindxu̱u̱ reunión ndrígu̱ún bi̱ nutaraʼa numuu Jeobá.