LESEN 03
Ken Yu Tras Baibol?
Baibol meke plenti promis ane gibe plenti waiztok. I mait meke yu wande sabe mo o mait yu apenap po luk bikoz i oul buk. Ken yumi trase promis ane waiztok prom diskain oul buk? Ken Baibol elpe yumi nau ane ken yumi bilib wanem i spik go apen? Nadakain plenti pipol bilib em. Wi inkariz yu po stadi po yuselp tu.
1. Baibol i tru o laia stori?
Baibol spik i buk wea i gad “ol wod i mata tru.” (Iklaziastis 12:10) I tokbaut ol trulaip stori ane trulaip pipol. (Rid Luk 1:3; 3:1, 2.) Plenti man uda bin stadi baut bipotaim ting ane man uda dige graun po paine ol oul samting, dempla gri Baibol i tru wen i tokbaut ol stori, impotant deit, pipol, ane ples.
2. Aukam yumi ken tras Baibol nomata i oul buk?
Baibol i spesil, bikoz i bin raitbaut sam ting man no bi sabe lo dat taim. Wanwei, i wen i raitbaut ol saiens samting. Wanem Baibol bin spik, plenti pipol no bin bilib lo dat taim. Bat, wanem ol saiensman i paindaut tidei, i prube Baibol i tru. Baibol i “ebritaim rait, nau ane poeba.”—Song blo Sam 111:8.
3. Aukam yumi ken tras Baibol wen i tokbaut wanem go apen bambai?
Baibol i gad skripsa a wea i pinis sabebaut “samting wea i no bi apen yet.” (Aizaia 46:10) Demting bi kam tru longtaim apta i bin pas raitem. Baibol bin raitbaut ol ting yumi luk wea wold tidei tu. Wea dis lesen, yumi go stadi sam dem skripsa wea Baibol. Yu go atzamp bikoz dem skripsa i mata tru!
TINGBAUT MO NAU
Stadi wiskain saiens tidei i gri wea Baibol ane tingbaut sam spesilmesiz Baibol i gad.
4. Saiens gri wea Baibol
Prom bipotaim, plenti pipol bilibe da ert bin stanap antap lo samting. Plei da BIDYO.
Tekenotis wanem da buk blo Zob spik 3,500 iya bipo nau. Rid Zob 26:7, ane tokbaut dis kwestin ya:
-
Aukam wanem Zob bin spikbaut ert aing “lo nating” i sapraize yu?
Man no bi prapa sabe wiskain wata wok lo ert antil samwea de iya 1800. Wiskain wei san i draiap wata prom solwata, rein i poldaun antap lan ane da wata gobaigen po solwata, diswan da wei wata i wok lo ert. Bat, tekenotis wanem Baibol bin spik mina bipotaim. Rid Zob 36:27, 28, ane tokbaut dem kwestin ya:
-
Wanem yu tingbaut wei Baibol bin olredi sabe wiskain wata i wok?
-
Yu tingk dem skripsa yu bin ridem ya ken bilde tras blo yu wea Baibol?
5. Baibol olredi sabe wanem impotant ting go apen
Rid Aizaia 44:27–45:2, ane tokbaut dis kwestin ya:
-
200 iya bipo Babilon bi pinis, wanem Baibol olredi sabe go apen de wea dat ples?
Stori prom bipotaim soe Sairas, da king blo Persia, ane ami blo em bin kamap gense Babilon wea iya 539 bipo Zizas Kraist. Dempla bi seinze da wei da riba i ran so i nomo ran longsaid da siti. Ol bi go insaid tru dem open geit ane dempla no nid po pait po tekoba da siti. 2,500 iya apta Babilon i poldaun, i stil demkain tidei. Tekenotis wanem Baibol olredi bin sabe.
Rid Aizaia 13:19, 20, ane tokbaut dis kwestin ya:
-
Wiskain wanem bin apen po Babilon, soe Baibol i tru?
Diskaintaim lo Iraq, Babilon i mata ol ston
6. Baibol bin olredi sabe demting yumi luk tidei
Baibol spik yumi stap wea “lasdei.” (2 Timoti 3:1) Tekenotis wanem Baibol bin sabebaut taim blo yumi nau.
Rid Matiu 24:6, 7, ane tokbaut dis kwestin ya:
-
Wanem Baibol bi spik go apen wea lasdei?
Rid 2 Timoti 3:1-5, ane tokbaut dem kwestin ya:
-
Wanem Baibol bi spikbaut dem wei blo pipol gobi wea lasdei?
-
Wiswei, yu bi luk pipol i demkain a?
SAM PIPOL SPIK: “Baibol i buk prom man.”
-
Wanem samting yu luk wea Baibol dat bin elpe yu po prapa bilibem?
WANEM YU BI LAN
Man uda stadi baut bipotaim ting, saiens, ane skripsa wea i pinis sabebaut samting bipo i apen, soe yu ken prapa tras Baibol.
Wiskain Yu Go Spik
-
Yu tingk Baibol i tru o laia stori?
-
Wanem sam ting wea saiens gri wea Baibol?
-
Wiswei, yu tingk Baibol sabe wanem go apen bambai? Aukam?
PAINDAUT MO
Baibol gad misteik a?
Wanem i apen lo da “lasdei”?
“6 Bible Prophecies You Are Seeing Fulfilled” (The Watchtower, May 1, 2011)
Lan wiskain skripsa bin kam tru wen Gris bi rul.
Paindaut wiskain wan man bin seinze em tingking baut Baibol wen em bi stadi skripsa baut ol wold gabman.
a Sam skripsa i gad spesilmesiz prom God baut sam ting bipo demting bin apen. Demkain skripsa i propesi.
Yu Mait Laik Dem Samting Ya Tu
OL KWESTIN PIPOL ASKEM
Wanem dem Baibol Stadi Lesen ol Zeoba Witnis i Gibem po Pipol?
Wea dis niu wei po stadi Baibol dat ol Zeoba Witnis i mekem, i pri, ane yu ken yuze eni Baibol yu wandem. Yu welkam po inbait pamle blo yu ane eni pren po stadi tu.
