LESEN 05
Baibol i Mesiz Blo God Po Yumi
Zeoba bi gibe yumi wan mina nais gipt—66 smol buk zoin po meke wan buk, da Baibol. Bat yu mait tingbaut: ‘Wiskain Baibol bin kam po yumi? Uda bin raitem?’ Po ansa ol dem kwestin, yumi go tokbaut wiskain dat mesiz blo God, de wea Baibol, bin kam po yumi.
1. Ip man bin raite Baibol, aukam yumi spik, i kam prom God?
Da Baibol bin gad 40 dipren man uda bin raite dem buk lo ol dipren taim, so i bin teke 1600 iya po pinisem, prom iya 1513 Bipo Kraist gopo iya 98 Apta Kraist. Dem raita bin mina dipren prom wananada, bikoz sam i bin lukapta sip, o bin pisaman o bin king. Nomata dempla i dipren, ebri pat blo da Baibol mata gri. Wanem ken meke diskainting apen? Bikoz God i da tru Raita blo Baibol. (Rid 1 Tesalonika 2:13.) Dem man no bin raite tingking blo demplaselp. Bat, “i bin mata da OliSpirit i bin mube dem spesilmesizman po spik mesiz prom God.” a (2 Pita 1:21) God bin yuze em oli spirit po lide, o mube, dem man po raitemdaun tingking blo em.—2 Timoti 3:16.
2. Uda ken gede elp prom Baibol?
God bin spik “ebridem kantri blo dis wold, po ebridem pamlelain, ane po ol dem langus ane ebri pipol” ken gede elp prom da mesiz insaid Baibol. (Rid Rebaleisan 14:6.) Tidei, da Baibol i wea mo langus den eni buk ol printem. Mina plenti pipol ken ride mesiz blo Baibol, nomata wea dempla i stap, o wanem langus dempla i spik.
3. Wiskain Zeoba bin mina lugaut da Baibol?
Ol bin raite Baibol antap ol ting wea i no bin strong, wase skin blo animal ane peipa wea i kam prom plant. So, sam man uda bin labe Baibol, bin mina meikso wanem dempla bin raitem, gen ane gen, i bin da seim ebritaim, po lugaut em. Sam rula ane sam lida blo rilizan bin trai po distroi Baibol, bat nada pipol bin redi po gibe laip blo dempla, po kipem seip. Zeoba no lau eniwan, o eniting, po stape em prom gede mesiz blo em po yumi. Da Baibol i spik: “Da wod blo God blo yumi i mata stap poeba.”—Aizaia 40:8.
TINGBAUT MO NAU
Lan mo baut wiskain God bin lide man po raite Baibol, wiskain em bin lugaut Baibol, ane wiskain em mekem po ebribodi lo ert.
4. Baibol soe Uda i kam prom
Plei da BIDYO. Den rid 2 Timoti 3:16, ane tokbaut dem kwestin ya.
-
Ip man bin raite Baibol, aukam pipol spik i Wod blo God?
-
Yu tingk God ken pute em tingking, lo dem man uda bin raitem?
Wan wokman insaid opis mait raite leta, bat dat mesiz kam prom bos blo em. Seimkainwei, man bin raite Baibol, bat da mesiz i kam prom God
5. Ol enami blo Baibol kan stapem
Ip Baibol i prom God, i meke sens em mas go lugaut em. Olkain man bin trai plentitaim po distroi Baibol. Ol lida blo rilizan bin trai po aidem sole pipol kan ridem. Nomata dempla trai po meke diskainting ane wande kile pipol, i bin gad plenti nada pipol uda redi po gibe dempla laip, po lugaut Baibol. Po lanbaut wan man laidat, plei da BIDYO, ane tokbaut dem kwestin ya.
-
Nau yu luk wiskain pipol bin redi po gibe laip po kipe Baibol seip, i meke yu wande ridem a? Aukam?
Rid Song blo Sam 119:97, ane tokbaut dis kwestin ya:
-
Wanem bin meke plenti pipol redi po gibe laip blo dempla, po pute Baibol lo ol dipren langus ane seremaut em?
6. Wan buk po ebri pipol
Baibol i wea mo langus ane i ebriwea lo wold, moden eni nada buk. Rid Pas Misnare Wok 10:34, 35, ane tokbaut dem kwestin ya:
-
Aukam God wande Wod blo em, wea plenti dipren langus ane wea ebri kantri?
-
Wanem samting yu mina laik baut Baibol?
Klosap po
100%
blo da wold
ken gede Baibol wea langus blo dempla
I gad lo moden
3,000
langus
lo pulwan o apwan
5,000,000,000
Ol bin printe Baibol klosap po dis namba,
mina plenti moden eni nada buk
SAM PIPOL SPIK: “Da Baibol i kasa oul buk wea man bin raitem.”
-
Wanem yu tingk?
-
Wanem i prubem Baibol kam prom God?
WANEM YU BI LAN
Da Baibol i Wod blo God ane em bin meikso i gad Baibol po ebri pipol wea ert.
Wiskain Yu Go Spik
-
Wiskain yumi ken spik dat God bin lide man po raite Baibol?
-
Prom wanem yu bin stadi prom dis lesen, wanem niu samting yu bin tekenotis baut Baibol?
-
Wiskain yu pil baut God, nau yu sabe em bin mina wande gibe em mesiz po yu?
PAINDAUT MO
Rid da stori wea Baibol bin kam prom—stat prom dem pas skrol, den luk ol diprenkain Baibol tidei.
Lanbaut 3 wei ol enami bin trai po stape Baibol.
“The Bible—A Story of Survival” (The Watchtower No. 4 2016)
Luk wanem deinza sam pipol bin gad po printe Baibol sole nadaman ken ridem.
I gad plenti Baibol ol bin printem, gen ane gen, ane putem wea ol dipren langus, so wiskain yu ken meikso mesiz blo Baibol no bin seinz?
“Has the Bible Been Changed or Tampered With?” (Web article)
Yu Mait Laik Dem Samting Ya Tu
OL KWESTIN PIPOL ASKEM
Wanem dem Baibol Stadi Lesen ol Zeoba Witnis i Gibem po Pipol?
Wea dis niu wei po stadi Baibol dat ol Zeoba Witnis i mekem, i pri, ane yu ken yuze eni Baibol yu wandem. Yu welkam po inbait pamle blo yu ane eni pren po stadi tu.
