LESEN 07
Wanem Baibol Spikbaut Zeoba?
Wiskain yu tingk, wen yu tingbaut Zeoba God? Sam pipol tingk em mata de antap ane longwei prom mipla wase dem sta, so i ad po prapa sabe em. Wase tanda ane laitning gad paua, bat nogad piling, yu tingk God i demkain tu a? Da Baibol tokbaut pasin blo Zeoba, ane i soe yumi, em kea baut yu tu.
1. Aukam yumi kan luk God?
“God i Spirit.” (Zon 4:24) Zeoba nogad bodi wase yumi. Em i Spirit. Em stap lo eben ane yumi kan luk em.
2. Wanem sam dem pasin blo Zeoba?
Nomata yumi kan luk Zeoba, em i samwan uda gad nais pasin, wea i meke yumi wande sabe em mo. Da Baibol spik: “Zeoba lab wanem i peawei, em nogo tane baik blo em prom demwan uda labe em.” (Song blo Sam 37:28) Em i “gad prapa sorewei po yumpla ane em i gad mina biglab,” ane em mina tekenotis dempla uda i sapa. (Zemes 5:11) “Zeoba i klostu po dempla uda i gad nadakain atso; em liptemap dempla uda tingking i daun.” (Song blo Sam 34:18) Yu sabe dat wanem yu mekem, ken meke Zeoba pil api o sorewan? Samwan uda suze nugudwei po mekem, go erte Zeoba ane meke em pil sore. (Song blo Sam 78:40, 41) Bat, samwan uda meke raitwei go meke em pil api.—Rid Proberb 27:11.
3. Wiskain wei Zeoba soe em lab po yumi?
Lab i da mein pasin blo Zeoba. Baibol tokbaut da lab em i soem, bat mina moden dat, i spik, “God i lab.” (1 Zon 4:8) Zeoba lane mipla baut lab blo em, no mata wea Baibol, bat em soe lab blo em, wea olgeda demting em bin mekem tu. (Rid Pas Misnare Wok 14:17.) Tingbaut wiskain em bin meke mipla. Em bin meke yumi sole wi ken luk ol plenti dipren kala, lisen olkain miusik, ane enzoi nais kaikai. Em wande yumi po gad apilaip.
TINGBAUT MO NAU
Lan wanem Zeoba i yuzem, po meke ol dedli wok. Den luk wiskain Zeoba soe mina gudpasinwei blo em po yumpla.
4. Oli Spirit—Paua wea i kam prom God
Wase yumi yuze an po meke wok, Zeoba yuze oli spirit blo em. Baibol i spik dat oli spirit, i no God, bat i da paua wea i kam prom em, po meke samting apen. Rid Luk 11:13 ane Pas Misnare Wok 2:17, ane tokbaut dis kwestin ya:
-
God go “gibe” oli spirit po enibodi uda aske em. So, yu tingk oli spirit i God, o, em paua em i yuzem? Aukam yu spik demkain?
Zeoba yuze oli spirit blo em po meke ol wok em i wandem. Rid Zenasis 1:2 ane 2 Pita 1:20, 21, ane tokbaut dis kwestin ya:
-
Wanem sam wei Zeoba bin yuze oli spirit blo em?
5. Zeoba gad mina nais wei
Mozes i bin wan sebant blo God po mina longtaim, bat em bin stil wande sabe God mobeta. So Mozes bin spik po God: “Tise mi po sabe wei blo yu, sole ai go prapa sabe yu.” (Eksodis 33:13) Zeoba bin spik po Mozes baut wiskain wei em gad. Rid Eksodis 34:4-6, ane tokbaut dem kwestin ya:
-
Wanem sam ting Zeoba bin spikbaut emselp po Mozes?
-
Wanem gudpasin blo Zeoba yu mina laik?
6. Zeoba kea baut pipol
Dem Ibrupipol, uda bin pipol blo God bipotaim, ol bin sleib de wea Izipt. Wiskain Zeoba bin pil, wen em luk dempla sapa? Plei po LISEN ane rid Eksodis 3:1-10. Den tokbaut dem kwestin ya.
-
Wanem dis stori lane yu baut wiskain Zeoba i pil, wen pipol sapa?—Rid Eksodis 3:7, 8.
-
Wiswei, yu tingk Zeoba prapa wande elpe pipol? Yu tingk em ken mekem a? Aukam?
7. Ebriting God bin mekem, tise yumi baut pasin blo em
Zeoba soe pasin blo em tru demting em bin mekem. Plei da BIDYO. Den rid Rom 1:20, ane tokbaut dis kwestin ya.
-
Wanem pasin blo Zeoba yu luk wea demting em bin mekem?
SAM PIPOL SPIK: “God i ebriwea; i ad po sabe uda em.”
-
Wanem yu tingk?
-
Aukam yu pil diskain?
WANEM YU BI LAN
Zeoba i Spirit, so yumi kan luk em, ane em gad mina plenti gudpasin, wase lab.
Wiskain Yu Go Spik
-
Aukam yumi kan luk Zeoba?
-
Wanem i oli spirit?
-
Wanem sam dem gudpasin blo Zeoba?
PAINDAUT MO
Lan mo baut dem 4 mein wei Zeoba i gad.
Tingbaut wiskain yu ken sabe Zeoba no stap ebriwea, insaid ebri samting.
Luk wiskain Baibol i spik da oli spirit i an blo God.
Wan blainman bin tingk God kan kea baut em. Paindaut wanem bin seinze tingking blo em.
“I Now Feel That I Can Help Others” (The Watchtower, October 1, 2015)
Yu Mait Laik Dem Samting Ya Tu
OL KWESTIN PIPOL ASKEM
Wanem dem Baibol Stadi Lesen ol Zeoba Witnis i Gibem po Pipol?
Wea dis niu wei po stadi Baibol dat ol Zeoba Witnis i mekem, i pri, ane yu ken yuze eni Baibol yu wandem. Yu welkam po inbait pamle blo yu ane eni pren po stadi tu.
