LESEN 21
Uda i Pris da Gudniuz?
I klosap po da taim wen Zeoba go yuze Kingdom blo em, po kamaut ebridem problem yumpla i gad. Dat niuz i tu gud po yumi po kipem ane no serem. Zizas bin wande demwan uda pole em, po sere dis mesiz lo ebribodi! (Matiu 28:19, 20) Wiskain ol Zeoba Witnis lisen po wanem Zizas bin spik?
1. Wiskain Matiu 24:14 i kam tru tidei?
Zizas bin spik de pas: “Ebri pipol wea ol kantri lo da wold i go lisenbaut da gudniuz blo da Kingdom.” (Matiu 24:14) Ol Witnis blo Zeoba i api po meke dis impotant wok. Mipla i pris da gudniuz raun da wold wea moden 1,000 langus! Dis wok i mina nadakain big, so i nide plenti pipol ane taim blo dempla po mekem, so i mas apen wea gud oda. Bat, i Zeoba uda elp, po meke dis wok apen.
2. Wanem diprenwei mipla trai po pris po pipol?
Mipla pris wea eni ples wea wi ken paine pipol. Seimkain wase dem bipotaim Kristian, mipla “goraun ol dipren aus.” (Pas Misnare Wok 5:42) Mipla mekem diswei, sole i laue mipla po tok po plenti milion pipol ebri iya. Ane bikoz pipol no oltaim wea aus, mipla pris wea ol nada ples wea i gad pipol tu. Mipla ebritaim luk po ol diprenwei po tokbaut Zeoba ane wanem em wandem po mipla.
3. Uda mas pris da gudniuz?
Ol prapa Kristian mas sere da gudniuz wea ol nada pipol. Bat, i no kasa wok po mipla, bikoz wi bilib dis wok i prapa impotant po mekem. Mipla gibe aumas taim mipla ken gibem po meke amenwok, bikoz mipla sabe dis wok ken seibe laip. (Rid 1 Timoti 4:16.) Mipla no gede mani po meke dis wok. Baibol i spik: “I pri, bikoz . . . yupla bin gedem po pri.” (Matiu 10:7, 8) Plenti pipol no wande lisen dis mesiz blo mipla. Bat, mipla mata kipgo wea amenwok, bikoz i wei mipla ken gibe wosip po Zeoba, ane i meke em api.
TINGBAUT MO NAU
Lanbaut ol diprenwei ol Witnis blo Zeoba i pris raun da wold, ane luk wiskain Zeoba elpe mipla.
Amenwok raun da wold: (1) Costa Rica, (2) United States, (3) Benin, (4) Thailand, (4) Yap, (6) Sweden
4. Mipla wok ad po paine ol pipol
Ol Zeoba Witnis trai mina ad po pris da gudniuz po pipol ebriwea. Plei da BIDYO, ane tokbaut dis kwestin ya.
-
Wanem yu mina laik baut wiskain ol Zeoba Witnis traiad po meke amenwok?
Rid Matiu 22:39 ane Rom 10:13-15, ane tokbaut dem kwestin ya:
-
Wiskain amenwok blo mipla soe mipla kea baut ol pipol?
-
Wanem tingking blo Zeoba baut demwan uda prise da gudniuz?—Rid Rom 10:15.
5. Mipla wok tugeda wea God
Plenti laipstori soe Zeoba i lide wok blo mipla. Wase wan aptanuntaim lo New Zealand, wan bala, neim blo em Paul, bin goraun po bizit ol aus wea amenwok ane em bin mite wan oman. Dat seim moning, dis oman bin prea po God ane yuze neim blo em, Zeoba, ane em prea po sambodi po kam luk em. Paul bin spik, “Den, 3 aua apta, ai bin kam po aus blo em.”
Rid 1 Korint 3:6, 9, ane tokbaut dis kwestin ya:
-
Wiskain ol laipstori, wase diswan lo New Zealand, soe Zeoba lide da amenwok?
Rid Pas Misnare Wok 1:8, ane tokbaut dis kwestin ya:
-
Aukam wi nide elp prom Zeoba po meke amenwok blo mipla?
Yu bin sabe a?
Ebri wik wea mipla miting, i gad ol lesen po elpe mipla sabe wiskain po pris. Ip yu bin gopo dis miting, wanem yu tingk, baut dem lesen ol i gibem?
6. Mipla obei oda blo God po pris
Wea taim blo Zizas, pipol bin trai po stape demwan uda meke amenwok. Dem pas Kristian bin stanap po rait blo dempla po pris, wen ol i “setemap lo po laue da gudniuz.” (Pilipi 1:7) Ol Witnis blo Zeoba mekem seimkainwei tidei. a
Rid Pas Misnare Wok 5:27-29, 31-42, ane tokbaut dis kwestin ya:
-
Aukam mipla nogo stap prom meke amenwok?—Rid Pas Misnare Wok 5:29, 38, ane 39.
SAMWAN MAIT ASKE YU: “Aukam ol Zeoba Witnis goraun po ebri aus?”
-
Wiskain yu go ansa dempla?
WANEM YU BI LAN
Zizas bin spik demwan uda pole em po pris da gudniuz po ebri kantri. Zeoba i elpe pipol blo em po meke dis wok.
Wiskain Yu Go Spik
-
Uda prise da gudniuz ol raun da wold?
-
Wiskain amenwok blo mipla soe wi kea baut ol pipol?
-
Wiswei, yu tingk amenwok ken meke yumi api a? Aukam?
PAINDAUT MO
Luk wiskain ol Zeoba Witnis pris po ol pipol wea ol big siti.
Wiskain ol Zeoba Witnis bin elpe demwan uda bin libe trabol wea kantri blo dempla?
Lisen samwan tokbaut wiskain laip blo em i mina api, bikoz em meke da amenwok pultaim.
Tekenotis sam impotant win lo kotaus, sole i elpe da wok blo prising da gudniuz.
“Kingdom Preachers Take Their Case to Court” (Godʼs Kingdom Rules!, chapter 13)
a God i da wan, uda gad da rait, po laue mipla po meke amenwok. Daswai, ol Zeoba Witnis no nid eni gabmanlida po laue mipla po prise da gudniuz.
Yu Mait Laik Dem Samting Ya Tu
OL KWESTIN PIPOL ASKEM
Wanem dem Baibol Stadi Lesen ol Zeoba Witnis i Gibem po Pipol?
Wea dis niu wei po stadi Baibol dat ol Zeoba Witnis i mekem, i pri, ane yu ken yuze eni Baibol yu wandem. Yu welkam po inbait pamle blo yu ane eni pren po stadi tu.
