LESEN 22
Wiskain Yu Ken Sere da Gudniuz?
Wail yu lane trutok blo Baibol, yu mait tingk, ‘Ebribodi mas sabebaut dis!’ Tru, ebribodi nid po sabe dis! Bat, yu mait pil lelbet prait po tok po ol nada pipol baut wanem yu bin lan. So, yumi go tokbaut wanem yu ken mekem po nomo prait bat rilaks, sole yu ken pilgud wen yu stat po sere da gudniuz prom Baibol.
1. Wiskain yu ken sere wanem yu bin lan wea pipol yu sabe?
Sam dem klostuman blo Zizas bin spik: “Mitu nogo stap kuaiat baut wanem mitu bin luk ane lisen.” (Pas Misnare Wok 4:20) Da trutok baut God ol bin lan, bin mina spesil po dempla, so ol bin mata wande serem wea ebriwan. Wiswei, yu pil demkain a? Ip yu pil wase dempla, trai lukraun po olkain diprenwei po gudwei tokbaut wanem yu bin lan, po ol pamle ane pren blo yu.—Rid Kolosi 4:6.
Wanem yu ken mekem po stat
-
Wen yu yan po pamle, tane da yan gopo wan Baibol samting ane spik: “Ai bin lane samting niu dis wik.”
-
Sere wan nais skripsa po inkariz sambodi uda i sik o wori tumas.
-
Ip wokmet blo yu aske yu, “Wiswei, wanem yu bin mekem dis wik?”, trai po spik dempla baut wanem yu bin lan prom Baibol stadi o da kongrigeisin miting.
-
Soe pren blo yu da jw.org websait.
-
Inbait nada pipol po zoine Baibol stadi blo yu, o soe dempla wiskain po ask po wan Baibol stadi wea jw.org.
2. Aukam i mina gud po meke amenwok tugeda wea da kongrigeisin?
Ol klostuman blo Zizas bin sere da gudniuz wea ol nada pipol tu, no mata po demwan ol sabe. Zizas “bin sane dempla tu tu go po ebri taun ane ples” po pris. (Luk 10:1) Da wei ol bin setemap da amenwok bin laue dempla po gibe plenti pipol sans po lisen da gudniuz. Wen dem klostuman bin pris tugeda i meke dempla pil obamak api. (Luk 10:17) Wiswei, ken yu meke plan po pris tugeda wea da kongrigeisin tu?
TINGBAUT MO NAU
Lanbaut wanem yu ken mekem po rilaks mo wen yu pil lelbet prait po tok, ane kam po sabe wiskain yu gobi api wen yu sere da gudniuz.
3. Zeoba gobi wea yu
Sam pipol mait woribaut wanem pipol go tingk baut dempla, wen ol i pris.
-
Yu smol prait po tokbaut wanem yu bin lan a? Wiswei?
Plei da BIDYO, ane tokbaut dis kwestin ya.
-
Wanem dem yangbala ane sisi bin mekem po pil strong ane nomo prait?
Rid Aizaia 41:10, ane tokbaut dis kwestin ya:
-
Wen yu prait po pris, wiskain prea go elpe yu?
Yu bin sabe a?
Plenti ol Zeoba Witnis bin tingk, ol neba go sere da gudniuz wea ol nada pipol. I gad wan bala, Sergey, uda bin pil mina lou baut emselp ane i bin nadakain ad po em po tok po nada pipol. Bat, den em bin stadi Baibol. Em spik: “Nomata ai prait, ai bin stat po tok po pipol baut wanem ai lan. Ai bin atzamp, bikoz wen ai bin tok po pipol baut da Baibol, i bin elpe mi pil mobeta baut maiselp, ane ai luk ai ken mekem. I bin meke mi pil mostrong baut wanem ai bilib.”
4. Soe rispekt
Wen yu pris po sambodi, i meke sens yu go tingk pas baut wanem yu go spik. Bat, i mo impotant po tingbaut wiskain yu go tok po sambodi wea naiswei ane soe rispekt. Rid 2 Timoti 2:24 ane Taitas 3:2, ane tokbaut dem kwestin ya:
-
Wiskain yu go yuze dem skripsa wen yu tok po pipol baut Baibol?
-
Sam pamle o pren mait no gri wea yu. Wanem yu go mekem? Wanem yu mas no mekem?
-
Aukam i mobeta po soe rispekt wen yu yan po sambodi, ane no tok stret ane pose dempla baut wanem ol mas bilib?
5. Yu gobi mina api po sere da gudniuz
Zeoba bin gibe Zizas da wok po sere da gudniuz. Wiskain Zizas bin tingbaut dat wok? Rid Zon 4:34, ane tokbaut dem kwestin ya:
-
Wen yumi kaikai gudkaikai, i meke laip blo yumi strong ane meke yumi api. Aukam Zizas bin spik dat wen yumi meke wanem God i wandem, wase amenwok, i seimkain wase wen yu kaikai?
-
Wanem blesing yu tingk yu go gad wen yu sere gudniuz?
Trai dis po elpe yu
-
Lo da miting midel lo wik, tingbaut sam wei yu ken state yan wea sambodi.
-
Tok po tisa blo yu baut wiskain yu ken zoin po teke pat lo da miting medel lo wik. Dem pat yu go gedem, ken elpe yu pil mo redi po tok po pipol baut wanem yu lan.
-
Yuze da “Sam Pipol Spik” o “Samwan Mait Aske Yu” pat lo dis stadi buk po elpe yu sabe wiskain po gibe ansa wen pipol kwestin yu.
SAMWAN MAIT ASKE YU: “Wiswei yu?”
-
Wiskain yu go yuze dis sans po tok po dempla baut wanem yu lan wea Baibol stadi blo yu?
WANEM YU BI LAN
I go meke yu mina api wen yu sere da gudniuz wea nada pipol, ane yu go paindaut dat wen yu stat, i gobi moizi den yu tingk.
Wiskain Yu Go Spik
-
Aukam i gud po sere da gudniuz wea ol nada pipol?
-
Wiskain yu ken soe rispekt?
-
Wanem yu ken mekem sole yu nomo go pil prait po pris?
PAINDAUT MO
Luk 4 izi wei yu ken sere da gudniuz wen yu yuze da jw.org kad.
Lanbaut 4 gudpasinwei dat ken elpe yu sere gudniuz.
“Are You Ready to Become a Fisher of Men?” (The Watchtower, September 2020)
Luk da bidyo baut wan Baibol stori, sole i go elpe yu pil strong po sere da gudniuz, nomata ip wi yang.
Paindaut wiskain yu ken tokbaut Baibol po ol pamle uda no bin lanbaut Zeoba.
“Reaching the Heart of Unbelieving Relatives” (The Watchtower, March 15, 2014)
Yu Mait Laik Dem Samting Ya Tu
OL KWESTIN PIPOL ASKEM
Wanem dem Baibol Stadi Lesen ol Zeoba Witnis i Gibem po Pipol?
Wea dis niu wei po stadi Baibol dat ol Zeoba Witnis i mekem, i pri, ane yu ken yuze eni Baibol yu wandem. Yu welkam po inbait pamle blo yu ane eni pren po stadi tu.
