Ebribodi wande ol pren uda no sabe lai. Zeoba no wande ol pren blo em po lai tu. Bat i ad lo dis wold, bikoz plenti pipol oltaim tele lai. Wiskain i go elpe yumi wea laip, po gad pasin wea i no laiwan, bat mata tru?

1. Wanem da nambawan rizan po soe tru pasin?

Wen wi soe tru pasin ane no lai po nada pipol, yumi soe Zeoba wi lab ane rispekt em. Tingbaut nau: Zeoba sabe ebriting yumi tingk ane mekem. (Ibrupipol 4:13) Em tekenotis wen yumi suz po soe tru pasin, ane diswan meke em api. Wod blo em i spik: “Zeoba eite ol tupes pipol, bat em klostupren i demwan uda i gad raitwei.”​—Proberb 3:32.

2. Wanem sam wei po soe tru pasin wea laip ebridei?

Zeoba wande yumi po “mata tok trutok po ol neiba blo yumpla.” (Episis 4:25) So wanem i min? Wen wi tok po ol pamle, o wokmet, o amenbala ane sisi, o gabman pipol, wi no lai o gibe ol rong inpomeisin. Pipol uda soe tru pasin ane no sabe lai, nogo stil prom nada pipol o blape dempla. (Rid Proberb 24:28 ane Episis 4:28.) Ane dempla pei ebri taksmani dempla mas pei, gobaigen po gabman. (Rom 13:5-7) Wen yumi meke demkain wei, mipla soe wi “mata wande meke ebriting wea da raitwei.”​—Ibrupipol 13:18.

3. Wanem gudsamting ken apen wen yumi soe tru pasin?

Wen wi gad gudneim po no lai ane mata soe tru pasin, ol nada pipol go trase yumi. Wi go elpe ebribodi wea da kongrigeisin pil seip, seimkain wase wan labing pamle. Wi go gad gudpiling insaid. Wen yumi no lai ane meke pasin wea i mata tru, “i go spik da tising baut God uda i seibe yumpla, dat i prapa gud ane prapa tru.” (Taitas 2:10) Demwan ausaid mipla amenpamle go tekenotis, ane dempla mait wande kam po sabe Zeoba ane wosip em tu.

 TINGBAUT MO NAU

5. Soe tru pasin ebritaim

 6. Tru pasin i mina elpe yumi

Sam mait tingk ip yu soe tru pasin, i go meke trabol. Bat taim go soem bambai, i da mina bes wei yu ken meke samting. Rid 1 Pita 3:10-12, ane tokbaut dis kwestin ya:

• Wiskain laip blo yu gobi mobeta wen yu soe tru pasin ane no spik eni laitok?

1. Maretman ane maretoman go meke maretlaip blo demtu strong, wen ol soe tru pasin ane no lai po wananada

2. Ol wokman uda soe tru pasin ane no lai, go soe bos blo em, ol ken trase dempla

3. Pipol uda soe tru pasin ane no lai go gede gudneim wea ol gabman pipol

 WANEM YU BI LAN

Zeoba wande ol pren blo em no po spik eni laitok, bat soe tru pasin lo ebriting ol mekem.

Wiskain Yu Go Spik

• Wanem sam diprenwei po soe tru pasin wea laip?

• Wiswei, aukam i no rait po tingk, yumi ken aide samting prom Zeoba?

• Wiswei, aukam yu wande soe tru pasin ebritaim?