LESEN 46
Aukam i Gud Po Gibe Laip Blo Yu Po Zeoba ane Baptaiz?
Wen yu redi po gibe laip blo yu po Zeoba, yu meke promis lo wan spesil prea, dat yu go wosip mata em ane meke wanem God i wandem mina prant wea laip blo yu. (Song blo Sam 40:8) Den bambai, yu gede baptaiz. Wen yu baptaiz, yu soe nada pipol yu redi po gibe laip blo yu po Zeoba. Wen samwan suz po gibe laip po Zeoba, i mina mo impotant den eniting yu ken suz po mekem wea laip. Wanem mait mube yu, po suz po meke diskain impotant samting, wea i go seinze laip blo yu?
1. Wanem go mube samwan po gibe laip po Zeoba?
Lab mina mube yumi po gibe laip po Zeoba. (1 Zon 4:10, 19 NWT) Da Baibol inkariz yumi: “Labe da AntapGod [Zeoba] wea olgeda at blo yupla, ane olgeda laip blo yupla, ane olgeda sens blo yupla, ane olgeda strong blo yupla.” (Mak 12:30) I no mata wanem yumi spik, bat wanem yumi mekem, go soe yumi lab God. Seimkain wase wan man ane wan oman uda prapa lab wananada go maret, so lab po Zeoba go mube yumi po gibe laip po em ane gede baptaiz.
2. Wanem blesing Zeoba go gibe ol baptaiz Witnis blo em?
Wen yu baptaiz, yu go kam insaid api pamle blo Zeoba. Yu go paindaut lo plenti diprenwei wiskain Zeoba labe yu, ane yu go kam moklostu po em, mina mo nau, den bipo. (Rid Malakai 3:16-18.) Zeoba gobi Papa blo yu, ane yu go gad wan amenpamle, ol bala ane sisi oloba da wold, uda labe Zeoba ane labe yu tu. (Rid Mak 10:29, 30.) Bat wa, i gad sam ting yu mas mekem pas bipo yu gede baptaiz. Yu mas lanbaut Zeoba, lan po labe em, ane bilib lo Boi blo em. Den, wen yu redi po gibe laip blo yu po Zeoba, yu meke dat wan spesil prea po em. Ip yu meke demting ane baptaiz, yu go wagbaut wea da rod po kese apilaip poeba. Wod blo God i spik: “Baptaiz . . . nau i seibe yupla.”—1 Pita 3:21.
TINGBAUT MO NAU
Paindaut aukam i impotant po yu po gibe laip blo yu po Zeoba ane gede baptaiz.
3. Yumpla mas suz uda yumi go serbem
Bipotaim wea Izrael, sam pipol bin tingk i orait po wosip Zeoba longsaid laigod Bal. Bat, Zeoba bin sane em spesilmesizman Ilaiza po soe dempla i rong po mekem diskain. Rid 1 King 18:21, ane tokbaut dis kwestin ya:
-
Wanem dem pipol blo Izrael mas suz po mekem?
Seimkain wase dem pipol blo Izrael, yumi mas suz uda mipla mas serbe. Rid Luk 16:13, ane tokbaut dem kwestin ya:
-
Aukam yumi kan wosip Zeoba ane samwan o samting seimtaim?
-
Wiskain yumi ken soe Zeoba, yumi suz po wosip em?
4. Prapa tingbaut da lab Zeoba gad po yu
Zeoba bin gibe yumi plenti nais samting. Wanem yumi ken gibem gobaigen po em? Plei da BIDYO.
Wanem sam wei Zeoba bin soe lab blo em po yu? Rid Song blo Sam 104:14, 15 ane 1 Zon 4:9, 10 NWT, ane tokbaut dem kwestin ya:
-
Wanem nais samting Zeoba bin gibem po yu, wea yu mina api po gad?
-
Wiskain dem nais samting meke yu pil baut em?
Wen sambodi gibe yu wan nais gipt wea yu mina laikem, mipla go wande soe gudpasin gobaigen po uda bi gibem po yu. Rid Dutaronami 16:17, ane tokbaut dis kwestin ya:
-
Wen yu tingbaut ebriting Zeoba bin olredi mekem po yu, wanem yu wande gibe em gobaigen?
5. Plenti blesing go kam wen yu gibe laip blo yu po Zeoba
Plenti pipol tingk dat ip ol gad bigneim, dedli wok, o mani, den ol gobi api. I tru a? Plei da BIDYO, den tokbaut dem kwestin ya.
-
Nomata da man wea da bidyo bi prapa lab po plei putbol, aukam em bin stap prom plei?
-
Em bin meke main po gibe em laip, no po putbol, bat mata po Zeoba. Wiswei yu tingk, em bi suze da raitwei a? Aukam?
Bipo da misnareman Pol bin kam Kristian, em bin sese ediukeisin blo lo man, po gede bigneim. Em bin stadi lo, wea wan impotant Zuwislotisa. Bat em bin libe dat wok biain sole em ken kam Kristian. Wiswei? Pol bin sore po demting em bin libem a? Rid Pilipi 3:8, ane tokbaut dem kwestin ya:
-
Aukam Pol bin spik, ebriting em bi mekem bipo em kam Kristian, i “wase rabis”?
-
Bat, wanem em bin gedem nau?
-
Wanem yu tingk go meke laip blo yu mobeta—wen yu yuzem po serbe Zeoba, o wen yu meke nada samting wea laip blo yu?
Wanem Pol bin gedem wen em bin kam Kristian, i mina mobeta den wanem em bin gibap
SAM PIPOL SPIK: “Ai sabe ai spostu pole Baibol, bat ai no redi yet po baptaiz.”
-
Wiswei yu tingk?
WANEM YU BI LAN
I lab dat mube yumi po gibe laip blo yumi po Zeoba ane den gede baptaiz.
Wiskain Yu Go Spik
-
Aukam i mina rait po Zeoba po gede olgeda lab ane wosip prom yumi?
-
Wiskain Zeoba riwod ol baptaiz Witnis blo em?
-
Wiswei, yu wande gibe laip blo yu po Zeoba a?
PAINDAUT MO
Paindaut aukam wan oman uda plei miusik ane wan man uda plei sport, bin suz po gibe laip blo dempla po Zeoba.
Yangpipol Askem—Wanem Ai Go Mekem Wea Mai Laip?—Ai Tingk Gobaigen (6:54)
Tingbaut sam mo rizan po gibe laip blo yu po Zeoba.
“Why Dedicate Yourself to Jehovah?” (The Watchtower, January 15, 2010)
Lo dis miusik bidyo, tekenotis wiskain demwan uda gibe laip blo dempla po serbe Zeoba, i mina api.
Lo da stori “For Years I Wondered, ‘Why Are We Here?’” tekenotis wanem bin mube wan oman po tingbaut wanem i impotant po em.
“The Bible Changes Lives” (The Watchtower, November 1, 2012)
Yu Mait Laik Dem Samting Ya Tu
OL KWESTIN PIPOL ASKEM
Wanem dem Baibol Stadi Lesen ol Zeoba Witnis i Gibem po Pipol?
Wea dis niu wei po stadi Baibol dat ol Zeoba Witnis i mekem, i pri, ane yu ken yuze eni Baibol yu wandem. Yu welkam po inbait pamle blo yu ane eni pren po stadi tu.
