LESEN 47
Yu Tingk Yu Redi po Baptaiz?
Prom Baibol stadi blo yu, yu bin lan plenti samting baut Zeoba. Mait yu bin olredi seinze sam dem wei blo yu, sole i lainap wea demting yu bin lan. Bat, mait yu pil i gad rizan yu no redi po gibe laip blo yu po Zeoba yet, ane gede baptaiz. Dis lesen go tokbaut wanem ken kam prant po stape pipol prom baptaiz, ane wanem yu ken mekem sole demting nogo bloke yu enimo.
1. Aumas yu nid po sabebaut Baibol, bipo yu baptaiz?
Po gede baptaiz, yu nid “po sabebaut wanem da trutok i prapa spik.” (1 Timoti 2:4) Bat, i no min bipo yu gede baptaiz, yu mas sabe ebridem ansa po ol kwestin pipol mait aske yu baut Baibol. Iben ol Kristian uda bin baptaiz po longtaim, stil lan mo baut Baibol. (Kolosi 1:9, 10) Bat, yu nid po sabe dem mein Baibol tising. Ip yu wande paindaut ip yu sabe nap, tok po dem elda.
2. Wanem demting samwan mas mekem bipo dempla gede baptaiz?
Bipo yu gede baptaiz, yu mas “tanewei prom ubi yu bin sabe ane sluraun.” (Rid Pas Misnare Wok 3:19.) Dasmin yu go pil nadakain sorewan po eni rong yu bin mekem bipo, o repent, ane yu aske Zeoba po pogibe yu. Yu mas prapa tanewei prom dem nugudwei ane mina traiad po plize God wea laip. Yu stat po gopo amenmiting ane meke amenwok tugeda wea da kongrigeisin tu.
3. Aukam yu mas no laue prait po stape yu?
Sam pipol mait wori, bambai ol nogo kipe da promis ol bin mekem po Zeoba. Wa, tru, i gad taim yu go meke misteik, bat, iben dem man ane oman prom Baibol bin meke misteik tu. Rimemba wad, Zeoba no luk po paine polt wea ol sebant blo em. (Rid Song blo Sam 103:13, 14.) Em i mina api wen yu gibe bes blo yu! Em go elpe yu. Wawa, Zeoba go meikso nating “ken draige yumpla wei prom da lab [em] i gad po yumpla.”—Rid Rom 8:38, 39.
TINGBAUT MO NAU
Paindaut wiskain po bloke demting dat stape yu po gede baptaiz, wen yu kam po sabe Zeoba mobeta, ane trase da elp em gibem.
4. Kam po sabe Zeoba mobeta
Aumas yu nid po sabebaut Zeoba bipo yu gede baptaiz? Yu mas sabe em nap, wea i mube yu po labe em ane wande plize em. Plei da BIDYO po luk wiskain pipol uda stadi Baibol prom raun da wold bin mekem laidat. Den tokbaut dis kwestin ya.
-
Lo da bidyo, wanem bin elpe sam pipol po redi demplaselp po baptaiz?
Rid Rom 12:2, ane tokbaut dem kwestin ya:
-
Wiswei, yu stil apenap baut wanem Baibol i tis, o yu stil tingk wanem ol Zeoba Witnis i tis i tru?
-
Ip yu pil diskain, wanem yu go mekem?
5. Paite eniting dat mait stape yu prom baptaiz
Wen yu suz po gibe laip blo yu po Zeoba ane gede baptaiz, yumi ebribodi stil go gad problem. Po luk wanem samwan bin mekem, plei da BIDYO, ane tokbaut dem kwestin ya.
-
Lo da bidyo, wanem problem Narangerel bin nid po paitem po serbe Zeoba?
-
Wiskain em lab po Zeoba, bin elpe em po bite dem problem?
Rid Proberb 29:25 ane 2 Timoti 1:7, ane tokbaut dis kwestin ya:
-
Wanem gibe yumi strong po no prait, sole yumi ken paite dem problem?
6. Zeoba ken elp, so trase em
Zeoba go elpe yu po plize em. Plei da BIDYO, den tokbaut dem kwestin ya.
-
Lo da bidyo, aukam da man uda stadi Baibol, bin weitpas ane apenap po gede baptaiz?
-
Wanem em bin lan, po meke tras blo em mostrong, wea da elp Zeoba i gibem?
Rid Aizaia 41:10, 13, ane tokbaut dis kwestin ya:
-
Aukam yu ken pil prapa strong insaid, dat yu ken meke demting yu bin promis, wen yu gibe laip blo yu po Zeoba?
7. Tingk mo baut aumas lab blo Zeoba i min po yu
Da mo yu tingbaut aumas Zeoba labe yu, da mo yu wande eso em gobaigen, ane da mo yu go wande serbe em poeba. Rid Song blo Sam 40:5, ane tokbaut dis kwestin ya:
-
Wanem blesing Zeoba bin gibe yu, wea yu pil mina api po?
Spesilmesizman Zeramaia bin labe Zeoba ane mesiz blo em, ane em bin pil mina api po da ona po kare neim blo Zeoba. Em spik: “Wod blo yu bin meke mi atzamp ane obamak api, bikoz neim blo yu i wea mi, O Zeoba God.” (Zeramaia 15:16) Ansa dem kwestin ya:
-
Aukam i spesil ona po bi Witnis blo Zeoba?
-
Wiswei, yu wande gede baptaiz ane kam wan Witnis blo Zeoba a?
-
I gad eniting dat stape yu prom gede baptaiz?
-
Wanem yu tingk yu nid po mekem nau, so yu ken baptaiz?
SAM PIPOL SPIK: “Ai wori ai kan meke ebriting ai promis, ip ai gede baptaiz.”
-
Yu pil demkain a?
WANEM YU BI LAN
Eniting dat stape yu prom baptaiz, Zeoba ken elpe yu bitem.
Wiskain Yu Go Spik
-
Aumas yu nid po sabebaut Baibol, bipo yu baptaiz?
-
Wanem seinz yu mait nid po mekem, bipo yu ken baptaiz?
-
Aukam yu mas no laue prait po stape yu?
PAINDAUT MO
Tingbaut wanem da mein rizan yu gad po gede baptaiz.
“Are You Ready to Get Baptized?” (The Watchtower, March 2020)
Ip yu gad problem wea i mekem ad po yu, lan wiskain yu ken bitem.
“What Prevents Me From Getting Baptized?” (The Watchtower, March 2019)
Luk wanem wan man bin mekem, wen em stragal lo sam dipren problem em bi gad, sole em ken baptaiz.
Wan man, Ataa, bin apenap po baptaiz pas. Luk wanem bin seinze main blo em po sabe, i impotant po wande baptaiz.
Yu Mait Laik Dem Samting Ya Tu
OL KWESTIN PIPOL ASKEM
Wanem dem Baibol Stadi Lesen ol Zeoba Witnis i Gibem po Pipol?
Wea dis niu wei po stadi Baibol dat ol Zeoba Witnis i mekem, i pri, ane yu ken yuze eni Baibol yu wandem. Yu welkam po inbait pamle blo yu ane eni pren po stadi tu.
