LESEN 53
Wanem Yu Suz po Rilakstaim o po Pan, Mas Plize Zeoba
Zeoba i “da api God.” (1 Timoti 1:11) Em wande yumi po bi api ane enzoi laip blo mipla. Em i api wen yumi stap prom wok sole wi ken rilaks ane meke taim po pan. Lo dis lesen, yumi go paindaut ol diprenwei wi ken yuze demkain taim, so wi ken bi api ane pil mina gud, ane meikso wi plize Zeoba tu.
1. Wanem yumi mas rimemba wen yu wande rilaks?
Wanem yu laik po mekem po rilaks? Sam pipol laik spene kuaiat taim wea aus po lisen po miusik, wase mubi, ride buk o luk lo Intanet. Nada pipol laik po meke samting ausaid wea pamle ane pren, wase pising, swim lo sanbis, o plei sport. Nomata demting yumi suz po mekem, yumi “mas ebritaim trai po kesem wanem da [Lod] i wandem, solong wen em go luk, em gobi nadakain api.” (Episis 5:10) I impotant yumi rimemba tingking blo Zeoba baut diskainting, bikoz wanem da wold lab po mekem po rilaks, gad ol ting insaid em Zeoba i eit, wase tumas paiting, ol nugud seks samting o debol samting. (Rid Song blo Sam 11:5.) Wanem go elpe yumi po suze ol gudting po mekem wen i kam taim po rilaks?
Ip yumi gad ol pren uda lab Zeoba, ol ken gudwei lide da wei yumi suz po spene taim po rilaks. Wase Lesen 48 bin lane yumi, “demwan uda wagbaut lo waiz pipol gobi waiz tu.” Bat, ip wi angraun pipol uda no wande pole raitwei blo God, “trabol go kese” mipla.—Proberb 13:20.
2. Aukam i impotant po kontrol aumas taim yumi gibem po rilakstaim?
Iben ip wanem wi mekem po pan ane rilaks, i orait wea Zeoba, yumi nid po tingbaut aumas taim wi gibem. Ip yumi gibe tumas taim po em, mait wi no gibe nap taim po ol nada impotant samting bambai. Da Baibol inkariz yumi po “yuze ebri sans po meke gudsamting” o yuze taim blo yumi waizwei.—Rid Episis 5:15, 16.
TINGBAUT MO NAU
Lan wiskain po suze gudwei wea wanem yu mekem po rilaks o pan.
3. No plei o wase eniting wea i gad nugud samting insaid em
Aukam i impotant yumi prapa tingbaut wanem wi suz po wasem ane mekem po pan? Plei da BIDYO, den tokbaut dem kwestin ya.
-
Bipotaim lo Rom, wiskain dem paiting geim blo dempla, i seimkain wase pipol mekem po pan tidei?
-
Lo da bidyo, wanem Danny bin lanbaut wanem i orait po mekem po pan?
Rid Rom 12:9, ane tokbaut dis kwestin ya:
-
Wiskain dis skripsa ken elpe yu sabe wanem i orait po wasem o mekem po rilaks?
Wanem sam ting Zeoba eit? Rid Proberb 6:16, 17 ane Galasia 5:19-21. Apta yu rid dem skripsa, tokbaut dis kwestin ya:
-
Wanem yu luk lo mubi, o bidyo geim tidei, i seimkain wase da skripsa i spik?
Wiskain po suz rilakstaim yu mekem waizwei
Aske yuselp:
-
I gad eniting insaid wea Zeoba i eitem?
-
I bloke taim po meke ol mo impotant samting?
-
Ai go spene mo taim o angraun dempla uda no labe Zeoba?
I mo seip po stap mina longwei prom eni deinza. Daswai yumi mas stap mina longwei prom eni mubi, miusik o geim dat ken erte mipla
4. Yuze taim blo yu waizwei
Plei da BIDYO, den tokbaut dis kwestin ya.
-
Da bala lo da bidyo, no bin wase eniting bad, bat wanem bin kam problem po em?
Rid Pilipi 1:10, ane tokbaut dis kwestin ya:
-
Wiskain dis skripsa ken elpe yumi po suz aumas taim wi gibem po meke pan samting?
5. Suze ol nais samting po rilaks
Sam ting pipol mekem po pan, Zeoba no laikem, bat i gad olkain dipren samting dat em api po mipla po mekem. Rid Iklaziastis 8:15 ane Pilipi 4:8, ane tokbaut dis kwestin ya:
-
Wanem ol gudsamting yu mekem po rilaks?
Yu ken enzoi ol nais samting po rilaks
SAM PIPOL SPIK: “I orait po mi po wase mubi wea i soe paiting, seks samting o debol samting, solong ai no meke demkainting maiselp.”
-
Wiskain yu go ansa?
WANEM YU BI LAN
Wen i kam taim po rilaks o meke pan samting, Zeoba wande yumi po suz gudwei ane po enzoi em tu.
Wiskain Yu Go Spik
-
Wen i kam taim po rilaks o meke pan samting, wanem mas ol Kristian stap longwei prom?
-
Aukam yumi mas prapa tingbaut aumas taim yu gibem po meke demting po rilaks, wase plei geim o mubi yu wasem?
-
Wen i kam taim po rilaks o meke pan samting, aukam yu wande meke samting wea i plize Zeoba?
PAINDAUT MO
Tingbaut uda i suz, wanem yu go wasem, lisen po o ridem.
“Do Jehovahʼs Witnesses Ban Certain Movies, Books, or Songs?” (Web article)
Luk wiskain yu ken suze gudwei wen i kam po wanem yu mekem po rilaks o pan.
“Is Your Recreation Beneficial?” (The Watchtower, October 15, 2011)
Lo da stori “I Even Overcame My Prejudice,” paindaut aukam wan man bin seinze wanem em mekem po pilgud.
“The Bible Changes Lives” (The Watchtower, February 1, 2010)
Luk wiskain wan mama suze raitwei wen i kam po ol bidyo o stori baut ol debolspirit.
Yu Mait Laik Dem Samting Ya Tu
OL KWESTIN PIPOL ASKEM
Wanem dem Baibol Stadi Lesen ol Zeoba Witnis i Gibem po Pipol?
Wea dis niu wei po stadi Baibol dat ol Zeoba Witnis i mekem, i pri, ane yu ken yuze eni Baibol yu wandem. Yu welkam po inbait pamle blo yu ane eni pren po stadi tu.
