LESEN 60
Kipgo ane Gro
Aptu nau, yu bin lan mina plenti baut Zeoba prom dis Baibol lesen. Demting yu bin lanem bin elpe yu po mina labe Zeoba, ane i bin mube yu po gibe laip blo yu po em ane baptaiz. Ip yu no bin baptaiz yet, mait yu olredi tingk yu wande mekem sun. Bat apta sambodi i baptaiz, yu nid po stil gro mo ane mo. Yu ken kipgo moklostu po Zeoba poeba. Wiskain yu go mekem?
1. Aukam yu mas trai kam mo ane mo klostupren wea Zeoba?
Yumi mas wok ad po kipe Zeoba klostupren blo yumi. Aukam? “Bambai yumpla i go drep go ausaid” prom em. (Ibrupipol 2:1) Wanem ken elpe yumi serbe Zeoba ane kiptru po em? Yumi ken stap bizi lo amenwok ane tingbaut ol diprenwei po serbe God mo. (Rid Pilipi 3:16.) Wen wi serbe Zeoba, wa i mina da bes laip!—Song blo Sam 84:10.
2. Wanem nadating yu mas mekem bambai?
Nomata Baibol stadi blo yu i go pinis nau, Kristianwei blo yu mas kipgo wea laip. Da Baibol inkariz yumi po “seinze laip blo yupla, yupla mas soe da niuwei.” (Episis 4:23, 24) Wen yu ebritaim stadi Wod blo God po yuselp ane go amenmiting, yu go lan ol niu ting baut Zeoba ane pasin blo em. Luk po ol diprenwei wea yu ken pole pasin blo em moklostu wea laip blo yu. Meke eni seinz wea yu mas mekem, sole yu ken meke Zeoba api.
3. Wiskain Zeoba go elpe yu po gro mo?
Da Baibol spik: “God . . . wa, em i go meke yu pit. Em go stedi yu, em go meke yu strong, em go meke yu stanap sole nating go seike yu.” (1 Pita 5:10 NWT) Yumi ebriwan go gad samting wea i go tempte yumi. Bat Zeoba gibe yumi wanem wi nidem sole wi ken meke da raitting. (Song blo Sam 139:23, 24) Em promis po gibe yumi da prapa ubi ane da strong po serbe em ane kiptru po em.—Rid Pilipi 2:13.
TINGBAUT MO NAU
Lan wiskain yu ken kip gro mo klostupren wea Zeoba ane wiskain em go blese yu.
4. Mata tok ane lisen po dat bes Pren blo yu
Prea ane Baibol stadi bin olredi elpe yu po kam gudpren blo Zeoba. Wiskain demtu ting go elpe yu go mo ane moklostu po em?
Rid Song blo Sam 62:8, ane tokbaut dis kwestin ya:
-
Po go mo ane moklostu po Zeoba, ken yu tingbaut eni nada samting yu ken tok po Zeoba baut wea prea?
Rid Song blo Sam 1:2 NWT, ane tokbaut dis kwestin ya:
-
Po go mo ane moklostu po Zeoba, wiskain yu ken meke da wei yu ride Baibol mobeta?
Wanem yu ken mekem wen yu stadi, sole i gad mo mining po yu? Po luk sam aidia, plei da BIDYO, den tokbaut dem kwestin ya.
-
Wanem yu luk lo da bidyo wea yu wande trai em?
-
Wiskain samting yu wande stadi ane sabe mo baut?
5. Plan po meke mo amensamting
Ebritaim yu plan da neksting yu wande mekem po serbe Zeoba, i go elpe yu go mo ane moklostu po em ane yu go kip gro mostrong. Plei da BIDYO, den tokbaut dis kwestin ya.
-
Lo da bidyo, aukam i bin gud po Cameron po meke plan baut wanem em wande mekem wea amenwok blo em?
Ebriwan kan gopo ol nada ples po meke amenwok. Bat, mipla ebriwan ken plan po meke mo amensamting wea i rait po mipla. Rid Proberb 21:5, den tingbaut wanem plan yu wande setemap po meke mo . . .
-
lo da kongrigeisin.
-
lo amenwok.
Wiskain dis skripsa go elpe yu po kese dem plan yu bin mekem?
Sam gud aidia po planem
-
Meke da wei yu prea mobeta.
-
Ride da Baibol prom stat gopo pinis.
-
Trai po sabe mobeta demwan lo kongrigeisin blo yu.
-
Trai po stat ane meke Baibol stadi wea samwan.
-
Trai po auxiliary pioneer o regular pioneer.
-
Ip yu wan bala, trai po elp mo wea da kongrigeisin sole yu ken kam ministerial servant.
6. Kese apilaip poeba!
Rid Song blo Sam 22:26 ane Zeramaia 29:11, ane tokbaut dis kwestin ya:
-
Wanem yu ken mekem po kese apilaip nau ane poeba?
WANEM YU BI LAN
Kam mo klostupren wea Zeoba ane meke gudplan wea amensamting sole yu kip gro. Den yu ken kese apilaip poeba!
Wiskain Yu Go Spik
-
Aukam yu prapa sabe Zeoba go elpe yu kiptru po em ane serbe em prapa?
-
Wiskain yu ken go mo ane mo klostupren wea Zeoba?
-
Wiskain i go elpe yu po meke gudplan po meke mo wea amensamting sole yu gro?
PAINDAUT MO
Wiswei, i nap po meke mata wan bigting po Zeoba, o, em gobi moapi ip wi ebridei kiptru ane serbe em wea yumi laip?
Iben ol longtaim sebant blo Zeoba ken pil daun. Luk wiskain yu ken pil api gen.
Wiskain yu ken setemap plan po meke mo wea amensamting ane kese dat mak?
“Use Spiritual Goals to Glorify Your Creator” (The Watchtower, July 15, 2004)
Aukam i impotant po kam wan strong Kristian, ane wiskain yu go kam demkain?
“Press On to Maturity—‘The Great Day of Jehovah Is Near’” (The Watchtower, May 15, 2009)
Yu Mait Laik Dem Samting Ya Tu
OL KWESTIN PIPOL ASKEM
Wanem dem Baibol Stadi Lesen ol Zeoba Witnis i Gibem po Pipol?
Wea dis niu wei po stadi Baibol dat ol Zeoba Witnis i mekem, i pri, ane yu ken yuze eni Baibol yu wandem. Yu welkam po inbait pamle blo yu ane eni pren po stadi tu.
