PAT 4
Demtu Bin Lisen Po Satana—Wanem Bin Apen?
Adam ane Ib no bin lisen tok blo God, so demtu bin ded. Zenasis 3:6, 23
Ib bin lisen tok blo da sneik ane em bin kaikai da prut. Apta, em bin gibe sam po Adam, ane em bin kaikai tu.
Wanem demtu bin mekem i rong. Disting i sin gense God. God bin sanewei demtu prom da gadan blo Iden.
Laip bin ad po demtu ane pikinini blo demtu. Demtu kam oul ane pasawei. Apta demtu ded, demtu no bin go po nada spirit ples. Laip blo demtu mata pinis.
Wase graun no gad laip, ded pipol i seimkainwei. Zenasis 3:19
Yumpla ebriwan pasawei bikoz ebriwan olgeda pikinini blo Adam ane Ib. Wen sambodi ded, dempla nomo ken luk o lisen o sabe meke eniting.—Zon 11:11-14.
Zeoba no wande pipol po ded. I klosap nau wen Zeoba go meke ol ded pipol kamlaipgen. Ip dempla lisen tok blo em, ol go kese longlaip poeba.
