PAT 3
Wanem Laip Bin Laik Lo Gadan Blo Iden?
Zeoba bin gibe Adam ane Ib plenti gudsamting. Zenasis 1:28
Zeoba bin meke pas oman, Ib, ane gibe em po Adam po kam maretoman blo em. —Zenasis 2:21, 22.
Zeoba bin meke ebriting mina rait wea bodi ane tingking blo demtu. Demtu nogad nating rong.
Ples wea demtu stap i gadan blo Iden. I bin wase wan Paradais. I bin gad riba, ol prut tri ane ol animal.
Zeoba tok po demtu ane bin tise demtu. Ip demtu bin lisen po em, ol ken stap poeba lo dis naisples lo ert.
God spik Adam ane Ib no po kaikai prut prom wan tri. Zenasis 2:16, 17
Zeoba bin soe Adam ane Ib wan prut tri melen wea da gadan ane spik demtu dat ip demtu go kaikai prom dat tri, demtu go ded.
Wan einzel bin stanap gense God. Neim blo dat nugud einzel i Satana.
Satana no wande Adam ane Ib po lisen po Zeoba. So em yuze wan sneik po spik po Ib dat ip em kaikai prut prom dat tri, em nogo ded bat em go kam wase God. Dis tok blo Satana i mina lai.—Zenasis 3:1-5.
