PAT 6
Wanem Yumi Ken Lan Prom Da Big Pladwata?
God bin distroi dem nugudpipol bat em seibe Noa ane pamle blo em. Zenasis 7:11, 12, 23
I bin rein po poti dei ane poti nait ane da wata i kabare ert. Ebridem nugudpipol bin ded.
Dem einzel uda bin go gense God bin seinz prom man gobaigen po kam nugudeinzel.
Dempla uda stap insaid ak bin seip. Nomata Noa ane pamle blo em bin pasawei apta, God go meke dempla kamlaipgen bambai, sole dempla gad sans po kese longlaip poeba.
Luk 17:26, 27
God go distroi nugudpipol ane seibe gudpipol gen.Satana ane dem nugudeinzel stil trike pipol tidei.
Diskaintaim i seim wase taim blo Noa wea pipol mina no wande pole raitwei blo Zeoba. Taim i kam klostu nau po Zeoba po distroi olgeda nugudpipol.—2 Pita 2:5, 6.
Tidei, i gad sam pipol wase Noa. Dempla lisen po God and meke wanem em spik. Dempla i ol Witnis blo Zeoba.