Longtaim bipo God bin meke Adam, Zeoba bin meke wan strong einzel antap eben pas. Ip yumi wande meke Zeoba api, yumi mas pole wanem dis einzel i spik.

Apta, Zeoba bin sane laip blo dis einzel go po beli blo wan gel uda no sabe man, Meri prom Betliem. Neim blo da pikinini i Zizas.—Zon 6:38.

Wen Zizas bin man wea ert, em bin prapa soe ebri pasin blo God. Em bin gad naiswei, soe lab po pipol ane pipol no prait po kam po em. Em no bin prait po tise pipol wanem i tru baut Zeoba.

Zizas bin ile sikpipol ane meke sam ded pipol kamlaipgen tu.

Dem bigman blo rilizan bin eite Zizas bikoz em soe pipol wiskain laia tising ane nugudwei dempla gad.

Dem bigman blo rilizan bin gede dem lida blo Rom po ite Zizas ane den kile em.