JW Library iha buat oioin neʼebé halo fasil liu mai ita atu lee livru sira. Kuandu ita loke livru ida atu lee, ita bele haree no hetan buat sira neʼe iha aplikasi JW Library iha parte leten.

Matadalan tuir mai neʼe sei ajuda ita atu hadiʼa ninia setting atu lee:

•  Troka língua

•  Troka setting ba testu

•  Haree dezeñu ka testu

•  Loke iha . . .

•  Organiza Bíblia sira

Ita bele troka língua ba livru ka lisaun neʼebé ita lee daudaun.

• Atu halo ida-neʼe ita presiza klik Bahasa, hodi haree língua neʼebé ita hakarak iha lista língua nian. Língua sira neʼebé ita uza beibeik sei mosu iha leten liu. Ita mós bele hetan Livru Haklaken edisaun simples iha lista neʼe. Se hakarak, bele buka ka hili língua ida hodi hakerek língua nia naran.

• Língua sira neʼebé ita seidauk download, sei hatudu dezeñu kalohan kiʼik ida. Klik ba língua ida atu download livru neʼe. Kuandu livru neʼe download tiha ona, dezeñu kalohan kiʼik sei lakon. Klik dala ida tan ba língua neʼe atu loke no lee.

Ita bele halo letra sira sai boot ka kiʼik atu ajuda ita lee.

Informasaun balu ita bele haree nuʼudar dezeñu ka testu. Klik ba sinál iha leten atu troka ba mai dezeñu no testu.

• Haree dezeñu: Se hili dezeñu, informasaun sei haree hanesan buat neʼebé ita haree iha livru. Ema balu gosta hili dezeñu, liuliu kuandu uza livru knananuk, tanba bele mós haree nota múzika.

• Haree testu: Se hili testu, neʼe sei hatudu link ba eskritura sira neʼebé ita bele klik no sei mosu iha sorin.

Klik Buka Dengan . . . sei ajuda ita atu haree informasaun husi JW Library iha aplikasi seluk.

Bainhira ita klik eskritura ida husi livru, versíkulu sira sei mosu. Iha versíkulu sira nia okos liu, klik Atur atu hili tradusaun Bíblia sira neʼebé ita hakarak haree iha lista.

Haree “Download no organiza Bíblia sira​—Android” atu aprende oinsá atu hetan tradusaun Bíblia sira iha JW Library.