Mateus 1:1-25
1 Neʼe mak livru neʼebé konta kona-ba Jesus Kristu nia moris. Nia mak David nia oan* no Abraão nia oan:
2 Abraão nia oan mak Isaac,Isaac nia oan mak Jacob,Jacob nia oan mak Judá ho ninia maun-alin sira,
3 Judá nia oan liuhusi Tamár mak Peres no Zerá,Peres nia oan mak Esron,Esron nia oan mak Ram,
4 Ram nia oan mak Aminadab,Aminadab nia oan mak Nasson,Nasson nia oan mak Salmon,
5 Salmon nia oan liuhusi Rahab mak Boas,Boas nia oan liuhusi Rute mak Obed,Obed nia oan mak Jesse,
6 Jesse nia oan mak Liurai David,David nia oan liuhusi Urias nia feen mak Salomão,
7 Salomão nia oan mak Robaun,Robaun nia oan mak Abias,Abias nia oan mak Asa,
8 Asa nia oan mak Jeosafát,Jeosafát nia oan mak Jeoram,Jeoram nia oan mak Uzias,
9 Uzias nia oan mak Jotam,Jotam nia oan mak Akaz,Akaz nia oan mak Ezekias,
10 Ezekias nia oan mak Manase,Manase nia oan mak Amon,Amon nia oan mak Josias,
11 Josias nia oan mak Jekonias no oan sira seluk, neʼebé moris besik tempu neʼebé ema judeu sai dadur iha Babilónia.
12 Depois sira iha Babilónia, Jekonias nia oan Salatiel moris,Salatiel nia oan mak Zorobabel,
13 Zorobabel nia oan mak Abiud,Abiud nia oan mak Eliakim,Eliakim nia oan mak Azor,
14 Azor nia oan mak Sadok,Sadok nia oan mak Akim,Akim nia oan mak Eliud,
15 Eliud nia oan mak Eleazar,Eleazar nia oan mak Mattán,Mattán nia oan mak Jacob,
16 Jacob nia oan mak José, no José kaben ho Maria, neʼebé sai inan ba Jesus neʼebé bolu nuʼudar Kristu.
17 Nuneʼe, husi Abraão toʼo David, iha jerasaun sanulu-resin-haat, no husi David toʼo tempu neʼebé ema judeu sai dadur iha Babilónia, iha jerasaun sanulu-resin-haat, no husi tempu dadur iha Babilónia toʼo Kristu, iha jerasaun sanulu-resin-haat.
18 Jesus Kristu nia moris mak hanesan neʼe: Durante tempu neʼebé ninia inan Maria promete ona atu sai José nia kaben, Maria sai isin-rua liuhusi espíritu santu,* maski sira seidauk moris hamutuk nuʼudar feen-laʼen.
19 Maibé, tanba ninia laʼen José mak ema laran-loos no lakohi atu hamoe nia, José hanoin atu soe malu ho nia subasubar deʼit.
20 Depois nia hanoin tiha kona-ba buat sira-neʼe, haree! Jeová* nia anju ida mosu ba José iha mehi, no hatete: “José, David nia oan, keta taʼuk atu kaben ho Maria,* tanba labarik neʼebé iha ninia knotak mak liuhusi espíritu santu.
21 Nia sei tuur ahi oan-mane ida, no ó tenke hanaran nia Jesus, tanba nia sei salva ninia povu husi sira-nia sala.”
22 Buat hotu neʼe mosu duni, atu halo tuir loloos liafuan neʼebé Jeová hatete liuhusi ninia profeta, hodi dehan:
23 “Haree! Feto virjen ida sei sai isin-rua no sei tuur ahi oan-mane ida, no sira sei hanaran nia Emanuel”, katak: “Maromak hamutuk ho ita.”
24 Depois neʼe, José hadeer no halo tuir buat neʼebé Jeová nia anju hatete ba nia atu halo, no José kaben ho Maria.*
25 No nia la halo relasaun* ho Maria toʼo tempu neʼebé Maria tuur ahi oan-mane ida, no José hanaran nia Jesus.
