Segundu Korinto 6:1-18
6 Ami serbisu hamutuk ho Maromak+ no ami mós husu imi atu labele simu Maromak nia laran-diʼak neʼebé boot ho saugati deʼit.+
2 Tanba nia dehan: “Iha tempu neʼebé diʼak haʼu rona ó, no iha loron salvasaun nian haʼu ajuda ona ó.”+ Agora mak tempu diʼak neʼe. Agora mak loron salvasaun nian.
3 Iha buat hotu, ami lakohi halo ema ida sidi, atu nuneʼe ema la hetan sala ida iha ami-nia serbisu.+
4 Maibé iha buat hotu ami hatudu ami-nia an nuʼudar Maromak nia serbisu-naʼin+ hodi tahan susar barak, terus, moris kiak, hasoru situasaun neʼebé aat.+
5 Ema baku ami, ami tama komarka,+ ema-lubun neʼebé siʼak kontra ami, ami serbisu makaʼas, la toba iha kalan, dala barak la iha ai-han.+
6 Ami halaʼo moris neʼebé moos, ami moris tuir koñesimentu, ami pasiénsia,+ laran-diʼak,+ ami husik espíritu santu dirije ami, ami hatudu domin neʼebé la laran-makerek.+
7 Ami koʼalia buat neʼebé loos, ami sadere ba Maromak nia kbiit,+ ami kaer armas hahalok loos nian+ iha liman-loos* no liman-karuk.*
8 Ami hetan glória no moe, ema koʼalia aat no koʼalia diʼak kona-ba ami. Ema haree ami nuʼudar lohidór maibé ami koʼalia buat loos,
9 ema haree ami nuʼudar ema oin-foun, maibé Maromak hatene didiʼak ami, ema haree ami nuʼudar ema neʼebé merese atu mate,* maibé ami moris,+ maski ema fó kastigu,* maibé ami la mate.+
10 Ema hanoin katak ami triste, maibé ami haksolok nafatin, ema hanoin katak ami kiak, maibé ami halo ema barak sai riku, ema hanoin katak ami la iha buat ida, maibé ami iha buat hotu.+
11 Ami loke ona ami-nia ibun hodi koʼalia* ba imi ema Korinto sira, no ami loke ona ami-nia laran ba imi.
12 Ami la hanetik* ami-nia domin ba imi,+ maibé imi hanetik imi-nia domin ba ami.
13 Entaun, haʼu koʼalia ba imi hanesan ba haʼu-nia oan sira: Haree ami bá hanesan ami haree imi. Loke luan mós imi-nia laran bá.+
14 Keta sai ida deʼit* ho ema neʼebé laʼós fiar-naʼin.+ Tanba oinsá mak hahalok loos bele liga ho hahalok aat?+ Ka oinsá mak naroman bele liga ho nakukun?+
15 Liután neʼe, saida mak hanesan entre Kristu no Belial?*+ Ka saida mak hanesan entre ema fiar-naʼin* no ema neʼebé laʼós fiar-naʼin?+
16 No oinsá mak Maromak nia templu bele liga ho estátua* sira?+ Ita mak Maromak moris nia templu,+ hanesan Maromak rasik dehan: “Haʼu sei hela iha sira-nia leet+ no laʼo iha sira-nia leet, no haʼu sei sai sira-nia Maromak, no sira sei sai haʼu-nia povu.”+
17 “‘Tan neʼe, sai husi sira-nia leet, no haketak imi-nia an’, Jeová* dehan, ‘no keta* kona buat neʼebé la moos’”;+ “‘no haʼu sei simu imi’”.+
18 “‘No haʼu sei sai imi-nia aman,+ no imi sei sai haʼu-nia oan-mane no oan-feto’,+ Jeová,* Maromak neʼebé Kbiit Boot Liu Hotu mak dehan.”
Nota-rodapé
^ Karik atu proteje an.
^ Karik atu ataka.
^ Ka “neʼebé mate daudaun”.
^ Ka “dixiplina”.
^ Ka “Ami koʼalia nakloke”.
^ Ka “la halo kloot ami-nia laran ho”.
^ Ka “Keta lori ai-leba ida hamutuk”. Haree “Ai-leba” iha Glosáriu.
^ Husi liafuan Ebraiku neʼebé signifika “Folin-laek”. Neʼe refere ba Satanás.
^ Ka “ema neʼebé laran-metin”.
^ Ka “para ona”.
