Segundu Samuel 22:1-51
22 Iha loron neʼebé Jeová salva David husi ninia inimigu hotu nia liman+ no husi Saul nia liman,+ David kanta knananuk+ neʼe ba Jeová.
2 Nia hatete:
“Jeová mak haʼu-nia fatuk boot, haʼu-nia fatin seguru+ no Maromak neʼebé salva haʼu.+
3 Haʼu-nia Maromak mak haʼu-nia fatuk boot,+ ba nia mak haʼu buka protesaun,Haʼu-nia eskudu+ no haʼu-nia dikur* salvasaun nian,* haʼu-nia fatin protesaun* neʼebé seguru+No haʼu-nia fatin atu haʼu halai bá,+ haʼu-nia salvadór,+ Ita-Boot mak salva haʼu husi violénsia.
4 Haʼu bolu Jeová, neʼebé merese simu hahiʼi,No haʼu sei sai livre husi haʼu-nia inimigu sira.
5 Laloran mate nian haleʼu haʼu;+Mane folin-laek sira hanesan bee-saʼe neʼebé halo haʼu taʼuk.+
6 Rate* nia tali sira bobar haleʼu haʼu;+Lasu mate nian hasoru haʼu.+
7 Haʼu bolu Jeová+ iha haʼu-nia susar laran,Haʼu kontinua bolu haʼu-nia Maromak.
Nia rona haʼu-nia lian husi ninia templu,No haʼu-nia halerik atu husu ajuda toʼo ninia tilun.+
8 Rai komesa nakdoko bá-mai;+Lalehan nia hun sai nakdedar+No nakdoko bá-mai tanba nia sai hirus ona.+
9 Suar sai husi ninia inus hodi saʼe ba leten,No ahi-lakan boot sai husi ninia ibun;+Ahi-klaak lakan sai husi nia.
10 Nia halo lalehan sai kleʼuk bainhira nia tun,+No kalohan metan mak iha ninia ain okos.+
11 Nia saʼe iha kerubín+ ida nia liras no semo mai.
Bele haree-hetan nia iha anju ida nia liras* leten.+
12 Nia tau nakukun haleʼu nia hanesan barraka ida,+Ho kalohan metan neʼebé hamosu rai-tarutu.
13 Naroman iha ninia oin halo ahi-klaak lakan makaʼas.
14 Tuirmai Jeová halo rai-tarutu husi lalehan;+Maromak neʼebé Aas Liu Hotu halo ema rona ninia lian.+
15 Nia hana ninia rama-oan sira+ no halo haʼu-nia inimigu sira halai namkari;Rai-lakan halo sira runguranga.+
16 Rai okos hatudu sai tiha tanba Jeová nia liafuan korrije;Ema bele haree-hetan tasi okos,+Tanba iis neʼebé huu sai husi ninia inus.+
17 Nia lolo tun ninia liman husi fatin aas;Nia kaer metin haʼu no dada haʼu sai husi bee kleʼan.+
18 Nia salva haʼu husi haʼu-nia inimigu neʼebé forte,+Husi sira neʼebé odi haʼu, neʼebé forte liu haʼu.
19 Sira kontra hasoru haʼu iha haʼu-nia loron susar nian,+Maibé Jeová nafatin apoia haʼu.
20 Nia lori sai haʼu ba fatin seguru;*+Nia salva haʼu tanba nia kontente ho haʼu.+
21 Jeová fó kolen ba haʼu tuir haʼu-nia hahalok loos;+Nia fó kolen ba haʼu tanba haʼu-nia liman moos.*+
22 Tanba haʼu kontinua laʼo tuir Jeová nia dalan sira,No haʼu la halo hahalok aat hodi husik hela haʼu-nia Maromak.
23 Ninia mandamentu* hotu+ mak iha haʼu-nia oin;Haʼu sei la sees husi ninia ukun-fuan sira.+
24 Haʼu sei kontinua moris ho hahalok loos+ iha ninia oin,No haʼu sei hadook an husi sala.+
25 Haʼu hein katak Jeová sei fó kolen ba haʼu tuir haʼu-nia hahalok loos,+No fó kolen ba haʼu tuir haʼu-nia laran-moos* iha ninia oin.+
26 Ita hatudu laran-metin ba ema neʼebé laran-metin;+Ita hatudu hahalok loos ba ema kbiit boot neʼebé moris ho hahalok loos;+
27 Ita hatudu laran-moos ba ema neʼebé laran-moos.+Maibé Ita matenek* liu fali ema neʼebé lohidór.+
28 Tanba Ita salva ema neʼebé haraik an,+Maibé Ita kontra hasoru ema neʼebé loko an, no Ita hatún sira.+
29 Oh Jeová, Ita mak haʼu-nia ahi-oan;+Jeová mak troka nakukun neʼebé haleʼu haʼu hodi sai fali naroman.+
30 Ho Ita-nia ajuda, haʼu bele ataka grupu naʼok-teen neʼebé mai kontra hasoru haʼu;Ho Maromak nia kbiit, haʼu bele saʼe moru aas ida.+
31 Maromak loos nia dalan mak perfeitu;+Jeová nia liafuan mak moos.*+
Nia mak eskudu ba ema hotu neʼebé buka protesaun husi nia.+
32 La iha Maromak seluk, só Jeová deʼit.+
No la iha fatuk boot ida seluk, só ita-nia Maromak deʼit.+
33 Maromak loos mak haʼu-nia uma aas neʼebé seguru,+No nia sei halo loos haʼu-nia dalan.+
34 Nia halo haʼu-nia ain hanesan bibi-rusa nia ain;Nia ajuda haʼu hodi bele hamriik iha fatin aas sira.+
35 Nia treinu haʼu-nia liman ba funu;Haʼu-nia liman bele dada rama neʼebé halo husi riti.
36 Ita fó Ita-nia eskudu salvasaun nian ba haʼu,No Ita-nia haraik an halo haʼu sai boot.+
37 Ita halo luan dalan ba haʼu-nia ain;Haʼu-nia ain sei la sidi.+
38 Haʼu sei duni tuir haʼu-nia inimigu no halakon sira;Haʼu sei la fila fali toʼo haʼu oho sira hotu.
39 Haʼu sei halakon sira no harahun sira toʼo sira labele hamriik fali;+Sira sei monu iha haʼu-nia ain okos.
40 Ita sei fó haʼu kbiit atu halo funu;+Ita sei halo haʼu-nia inimigu sira monu iha haʼu-nia oin.*+
41 Ita sei halo haʼu-nia inimigu sira hakiduk husi haʼu;*+No haʼu sei halakon* sira neʼebé odi haʼu.+
42 Sira halerik hodi husu ajuda, maibé la iha ema ida atu salva sira;Sira mós halerik ba Jeová, maibé nia la hatán ba sira.+
43 Haʼu sei fai rahun sira hanesan rai-uut iha rai;Haʼu sei harahun sira no sama sira hanesan tahu iha dalan.
44 Ita sei salva haʼu husi haʼu-nia povu neʼebé buka deʼit sala.+
Ita sei proteje haʼu atu sai nuʼudar ulun ba nasaun sira;+Povu neʼebé haʼu la koñese sei serbí haʼu.+
45 Ema estranjeiru sira sei mai no hakruʼuk ho taʼuk iha haʼu-nia oin;+Istória neʼebé sira rona kona-ba haʼu sei book sira atu halo tuir haʼu.
46 Ema estranjeiru sei lakon sira-nia aten-brani;*Sira sei sai mai ho nakdedar husi sira-nia fatin seguru.
47 Jeová mak Maromak neʼebé moris! Fó hahiʼi ba haʼu-nia Fatuk Boot!+
Fó hahiʼi ba Maromak, haʼu-nia fatuk boot neʼebé salva haʼu.+
48 Maromak loos mak selu fali haʼu-nia inimigu sira-nia hahalok;+Nia tau povu sira iha haʼu-nia ain okos;+
49 Nia salva haʼu husi haʼu-nia inimigu sira.
Oh Naʼi, Ita hiʼit haʼu aas+ liu fali sira neʼebé ataka haʼu;Ita salva haʼu husi ema neʼebé halo violénsia.+
50 Tan neʼe mak haʼu sei fó obrigadu ba Ita iha nasaun sira-nia leet,+ oh Jeová,No haʼu sei kanta knananuk hahiʼi nian* ba Ita-nia naran:+
51 Nia lori salvasaun boot* ba liurai neʼebé nia hili ona;+Nia hatudu domin neʼebé laran-metin ba ema neʼebé nia hili* ona,Ba David no ninia bei-oan sira ba nafatin.”+
Nota-rodapé
^ Ka “haʼu-nia salvadór neʼebé iha kbiit boot”.
^ Ka “fatin aas”.
^ Haree “Siol” iha Glosáriu.
^ Ka “anin nia liras”.
^ Ka “luan”.
^ Ka “haʼu-nia liman la halo sala”.
^ Ka “desizaun”.
^ Ka “la halo sala”.
^ Ka karik “finje hanesan beik”.
^ Liafuan Ebraiku neʼe refere ba prosesu halo nabeen besi hodi bele sai moos.
^ Ka “iha haʼu-nia okos”.
^ Ka “Ita sei fó haʼu-nia inimigu sira-nia kotuk ba haʼu”.
^ Orj., “halo nonook”.
^ Ka “sei lakon mohu”.
^ Ka “halo múzika”.
^ Ka “manán boot”.
^ Orj., “fui mina”. Haree “Fui mina” iha Glosáriu.
