Josué 16:1-10
16 Rai neʼebé José nia jerasaun+ simu liuhusi dada sorteiu*+ mak hahú husi Mota Jordaun besik Jerikó toʼo bee-matan iha Jerikó nia sorin parte leste, no liuhusi rai-fuik iha Jerikó nia oin toʼo área foho nian iha Betel.+
2 Sira-nia baliza neʼe kontinua husi Betel neʼebé besik Luz no toʼo fronteira husi ema Arki nia rai iha Atarot,
3 tuirmai baliza neʼe tun ba parte oeste toʼo ema Jaflet nia fronteira no kontinua toʼo fronteira husi Bet-Horom Kraik+ no Gezer,+ no remata iha tasi.
4 Nuneʼe José nia jerasaun,+ katak suku Manasés no suku Efraim, foti rai neʼe nuʼudar sira-nian.+
5 Baliza husi suku Efraim nia rai, tuir sira-nia família ida-idak mak tuirmai neʼe: Baliza ba sira-nia liman-rohan iha parte leste mak Atarot-Adar+ toʼo Bet-Horom Leten,+
6 no baliza neʼe kontinua toʼo tasi. Baliza iha parte norte mak Mikmetat,+ no baliza neʼe fila ba parte leste toʼo Tanat-Silo, no liu parte leste toʼo Janoa.
7 Tuirmai baliza neʼe tun husi Janoa toʼo Atarot no Naara, no toʼo Jerikó,+ no kontinua ba Mota Jordaun.
8 Husi Tapua,+ baliza neʼe kontinua ba parte oeste toʼo Mota* Kana, no ninia rohan mak iha tasi.+ Neʼe mak suku Efraim nia liman-rohan, tuir sira-nia família ida-idak;
9 neʼe inklui mós sidade sira hotu no sira-nia knua sira neʼebé Efraim nia jerasaun simu nuʼudar liman-rohan iha ema Manasés+ nia leet.
10 Maibé sira la duni sai ema Kanaan neʼebé hela iha Gezer,+ no ema Kanaan sira-neʼe kontinua hela iha ema Efraim nia leet toʼo ohin loron+ no sai atan ba ema Efraim.+
