Provérbios 9:1-18
9 Matenek* neʼebé loos harii ona ninia uma;No nia halo ona uma nia riin hitu.
2 Nia teʼin ona naʼan;*Nia kahur ona tua-uvas;Nia mós prepara ona meza.
3 Nia haruka ona ninia atan-feto siraAtu bá iha fatin aas sidade nian no bolu ho lian makaʼas, hodi dehan:+
4 “Ema naran deʼit neʼebé la iha esperiénsia, mai iha neʼe.”
Nia koʼalia ba ema neʼebé beik,* hodi dehan:
5 “Mai, han haʼu-nia paunNo hemu tua-uvas neʼebé haʼu kahur ona.
6 Husik tiha ba kotuk ó-nia hahalok neʼebé la iha esperiénsia* atu ó bele moris;+Laʼo ba oin ho kbiit atu komprende.”+
7 Ema neʼebé korrije ema gozadór sei hamoe ninia an rasik,+No ema naran deʼit neʼebé fó konsellu ba ema aat sei hakanek nia an.
8 Keta fó konsellu ba ema gozadór, tanba nia sei odi ó.+
Fó konsellu ba ema matenek, no nia sei hadomi ó.+
9 Fó matadalan ba ema matenek, no nia sei sai matenek liután.+
Hanorin ema neʼebé iha hahalok loos, no nia sei aumenta tan buat neʼebé nia aprende.
10 Hamtaʼuk Jeová mak hakat primeiru atu bele hetan matenek,+No koñesimentu kona-ba Maromak neʼebé Santu Liu Hotu+ mak sei fó kbiit atu komprende.
11 Tanba liuhusi matenek mak ó-nia loron sira sei sai barak,+No ó-nia moris sei aumenta tan tinan barak.
12 Se ó sai matenek, ó-nia matenek sei lori diʼak ba ó,Maibé se ó mak gozadór, ó rasik mak sei lori todan neʼe.
13 Feto neʼebé beik mak ibun-boot.+
Nia la iha matenek no la hatene buat ida.
14 Nia tuur iha kadeira besik odamatan iha ninia uma oinIha fatin aas sidade nian,+
15 No bolu sira neʼebé laʼo liu,Nia bolu sira neʼebé laʼo loos tuir sira-nia dalan, hodi dehan:
16 “Ema naran deʼit neʼebé la iha esperiénsia, mai iha neʼe.”
Nia koʼalia ba ema neʼebé beik,*+ hodi dehan:
17 “Bee naʼok nian mak midar,No ai-han neʼebé han subasubar mak gostu tebes.”+
18 Maibé sira la hatene katak feto neʼe nia uma mak uma ba ema mate,No katak feto neʼe nia bainaka sira mak iha rate* laran neʼebé kleʼan.+
Nota-rodapé
^ Lian Ebraiku kompara matenek hanesan feto ida.
^ Ka “Nia oho ona animál”.
^ Orj., “ema neʼebé la iha laran”.
^ Ka “Husik tiha ba kotuk sira neʼebé la iha esperiénsia”.
^ Orj., “ema neʼebé la iha laran”.
^ Haree “Siol” iha Glosáriu.
