Ezequiel 28:1-26
28 Jeová koʼalia tan mai haʼu, hodi dehan:
2 “Oan-mane husi ema, hatete ba ulun-naʼin iha Tiro: ‘Jeová, Naʼi Ukun-Naʼin Boot Liu, dehan nuneʼe:
“Tanba ó-nia laran sai loko an,+ ó kontinua dehan: ‘Haʼu mak maromak ida.
Haʼu tuur iha maromak nia kadunan iha tasi klaran.’+
Maski iha ó-nia laran ó hanoin katak ó mak maromak,Maibé ó mak ema deʼit, laʼós maromak ida.
3 Ó matenek liu Daniel ka?+
La iha segredu ida mak subar husi ó ka?
4 Ó halo ó-nia an sai riku tanba ó-nia matenek no ó-nia kbiit atu tetu didiʼak,No ó kontinua halibur osan-mean no osan-mutin ba ó-nia fatin rai rikusoin nian.+
5 Ó hetan rikusoin barak tanba ó matenek atu halo negósiu,+No ó-nia laran sai loko an tanba ó-nia rikusoin.”’
6 “‘Tan neʼe Jeová, Naʼi Ukun-Naʼin Boot Liu, dehan nuneʼe:
“Tanba iha ó-nia laran ó hanoin katak ó mak maromak ida,
7 Haʼu sei lori ema estranjeiru mai atu kontra ó, sira mak nasaun neʼebé laran-aat liu.+Sira sei losu sira-nia surik hodi kontra buat furak hotu neʼebé ó hetan tanba ó-nia matenekNo sira sei hafoʼer ó-nia glória neʼebé nabilan.+
8 Sira sei lori ó tun ba rate,*No ó sei mate iha dalan neʼebé aat loos iha tasi klaran.+
9 Bainhira ema oho daudaun ó, ó sei la dehan tan: ‘Haʼu mak maromak ida’, loos ka lae?
Sira neʼebé hafoʼer ó sei haree ó nuʼudar ema deʼit, laʼós maromak ida.”’
10 ‘Ó sei mate iha ema estranjeiru nia liman, hanesan bainhira ema neʼebé la hetan sirkunsizaun* mate,Tanba haʼu rasik mak fó sai ona liafuan sira-neʼe’, Jeová, Naʼi Ukun-Naʼin Boot Liu, mak dehan.”
11 Jeová koʼalia tan mai haʼu, hodi dehan:
12 “Oan-mane husi ema, kanta knananuk triste nian* kona-ba liurai Tiro, no hatete ba nia: ‘Jeová, Naʼi Ukun-Naʼin Boot Liu, dehan nuneʼe:
“Uluk ó mak ezemplu kona-ba perfeitu,Ó nakonu ho matenek+ no kmanek tebes.+
13 Uluk ó hela iha Eden, Maromak nia jardín.
Ó hafurak an ho fatuk-murak oioin,Hanesan fatuk-rubi, fatuk-topáziu no fatuk-jaspe, fatuk-krizólitu, fatuk-oniks no fatuk-jade, fatuk-safira, fatuk-turkeza+ no fatuk-ezmeralda;Fatuk sira-neʼe ida-idak monta iha osan-mean laran.
Haʼu prepara buat sira-neʼe iha loron neʼebé haʼu kria ó.
14 Haʼu fó knaar ba ó nuʼudar kerubín neʼebé fó protesaun.
Ó hela iha Maromak nia foho santu+ no ó laʼo bá-mai entre fatuk sira neʼebé lakan.
15 Ó hatudu hahalok loos no la halo sala kona-ba buat hotu husi loron neʼebé haʼu kria óToʼo ikusmai ó komesa halo hahalok aat.+
16 Tanba ó halo negósiu barak,+Violénsia mak nakonu iha ó, no ó komesa halo sala.+
Tan neʼe haʼu sei soe sai tiha ó nuʼudar buat foʼer husi Maromak nia foho no harahun tiha ó.+Oh kerubín neʼebé fó protesaun, haʼu sei hasai ó husi ó-nia fatin entre fatuk sira neʼebé lakan.
17 Ó-nia laran sai loko an tanba ó-nia kmanek.+
Ó estraga ó-nia matenek tanba ó-nia glória neʼebé nabilan.+
Haʼu sei soe tun ó ba rai.+
Haʼu sei halo liurai sira hateke ba ó.
18 Ó hafoʼer ona ó-nia fatin sira neʼebé sagradu tanba ó halo sala boot no halo negósiu ho laran-makerek.
Haʼu sei halo ahi mosu husi ó-nia leet, no ahi neʼe sei han ó.+
Haʼu sei halo ó sai ahi-kadesan iha ema hotu nia oin.
19 Ema hotu neʼebé koñese ó iha povu nia leet sei hateke ba ó ho hakfodak.+
Ó-nia rohan sei toʼo mai derrepente deʼit no aat loos,No ó sei lakon ba nafatin.”’”+
20 Jeová koʼalia tan mai haʼu, hodi dehan:
21 “Oan-mane husi ema, fila oin ba Sidon,+ no fó sai profesia bá hodi kontra sidade neʼe.
22 Ó tenke dehan: ‘Jeová, Naʼi Ukun-Naʼin Boot Liu, dehan nuneʼe:
“Oh Sidon, haʼu sei kontra ó, no haʼu sei simu glória iha ó-nia leet.Bainhira haʼu tesi-lia ba ó no haʼu halo santu* haʼu-nia an iha ó-nia leet, ema sei hatene duni katak haʼu mak Jeová.
23 Haʼu sei haruka moras-peste* ba sidade neʼe no raan sei suli iha ninia dalan sira.
Ema sei mate iha ninia leet tanba surik neʼebé mai ataka nia husi sorin-sorin.Nuneʼe sira sei hatene duni katak haʼu mak Jeová.+
24 “‘“Tuirmai, sira neʼebé goza ema Izraél, neʼebé hanesan lutu ai-tarak neʼebé hakanek no mós duʼut-tarak neʼebé sona moras,+ sei la haleʼu tan umakain Izraél. Nuneʼe ema sei hatene duni katak haʼu mak Jeová, Naʼi Ukun-Naʼin Boot Liu.”’
25 “‘Jeová, Naʼi Ukun-Naʼin Boot Liu, dehan nuneʼe: “Bainhira haʼu halibur fali umakain Izraél neʼebé namkari iha nasaun sira-nia leet,+ haʼu sei halo santu haʼu-nia an iha umakain Izraél nia leet iha nasaun sira-nia oin.+ No sira sei hela iha sira-nia rai+ neʼebé haʼu fó ona ba haʼu-nia atan Jacob.+
26 Sira sei moris ho hakmatek iha sira-nia rai,+ sira sei harii uma no kuda uvas iha toʼos.+ Sira sei moris hakmatek bainhira haʼu tesi-lia ba ema hotu neʼebé haleʼu sira, katak ema neʼebé goza sira ho odi.+ Nuneʼe sira sei hatene duni katak haʼu mak Jeová, sira-nia Maromak.”’”
