Ezequiel 31:1-18
-
Ejitu monu, nia hanesan ai-sedru neʼebé aas (1-18)
31 Iha loron primeiru fulan-tolu tinan 11, Jeová koʼalia tan mai haʼu, hodi dehan:
2 “Oan-mane husi ema, hatete ba Faraó, liurai Ejitu, no ninia ema-lubun boot,+ hodi dehan:‘Ó-nia kbiit boot bele kompara ho sé?
3 Ó hanesan ema Asíria, no hanesan ai-sedru iha LíbanuNeʼebé aas tebes no ninia sanak sira furak, iha tahan barak,No ninia tutun toʼo kalohan.
4 Bee barak halo ai-sedru neʼe sai boot, bee kleʼan halo nia aas tebes.
Mota sira hotu haleʼu fatin neʼebé nia moris bá;Bee-dalan husi mota sira-neʼe lori bee ba ai-hun hotu iha rai-luan.
5 Tan neʼe mak ai-sedru neʼe sai aas liu ai-hun hotu iha rai-luan.
Ninia sanak sira sai barak no naruk loosTanba bee barak suli besik nia.
6 Manu hotu iha lalehan halo knuuk iha ninia sanak sira,Animál fuik hotu husi rai-luan hahoris oan iha ninia sanak okos,No nasaun boot hotu hela iha ninia mahon okos.
7 Ai-sedru neʼe furak loos no ninia sanak sira naruk,Tanba ninia abut nani tun ba bee neʼebé barak.
8 Ai-sedru seluk iha Maromak nia jardín+ labele kompara ho ai-sedru neʼe.
Ai-sedru neʼe nia sanak diʼak liu ai-juníperu hotu,No labele kompara ho ai-plátanu hotu.
Ai-sedru neʼe furak liu ai-hun seluk iha Maromak nia jardín.
9 Haʼu halo ai-sedru neʼe sai furak loos no iha tahan barak,Ai-hun hotu iha Maromak loos nia jardín Eden laran-moras ba ai-sedru neʼe.’
10 “Tan neʼe Jeová, Naʼi Ukun-Naʼin Boot Liu, dehan nuneʼe: ‘Tanba ai-sedru neʼe* sai aas loos, tutun toʼo kalohan, no nia laran sai foti an tanba nia aas,
11 haʼu sei entrega ai-sedru neʼe ba nasaun sira-nia ukun-naʼin forte ida nia liman.+ Nia sei kontra duni ai-sedru neʼe, no haʼu sei la simu ai-sedru neʼe tanba ninia hahalok aat.
12 No ema estranjeiru sira husi nasaun neʼebé laran-aat tebes sei tesi tiha ai-sedru neʼe, no sira sei husik deʼit ai-sedru neʼe iha foho leten, no ninia tahan sira sei monu iha foho-leet hotu, no ninia sanak sira sei tohar no monu iha mota hotu.+ Ema hotu husi rai sei sai husi ninia mahon no husik hela nia.
13 Manu hotu husi lalehan sei hela iha ninia hun neʼebé tesi ona, no animál fuik hotu husi rai-luan sei hela iha ninia sanak sira.+
14 Neʼe akontese atu nuneʼe ai-hun hotu neʼebé besik bee labele moris aas liu ka ninia tutun sira aas toʼo kalohan. Tanba haʼu sei entrega sira hotu ba mate, ba rai-okos, hamutuk ho ema neʼebé tun daudaun ba rate.’*
15 “Jeová, Naʼi Ukun-Naʼin Boot Liu, dehan nuneʼe: ‘Iha loron neʼebé ai-sedru neʼe tun ba rate,* haʼu sei halo ema tanis. Tan neʼe, haʼu sei taka tiha bee neʼebé kleʼan no hanetik bee iha mota sira atu labele suli. Haʼu sei halo Líbanu sai nakukun tanba ai-sedru neʼe, no ai-hun sira iha rai-luan sei namlaek hotu.
16 Haʼu sei halo nasaun sira nakdoko bainhira rona lian husi ai-sedru neʼe monu no bainhira haʼu lori ai-sedru neʼe tun ba rate* hamutuk ho ema hotu neʼebé tun daudaun ba rate.* Ai-hun hotu iha Eden,+ ai-hun furak no diʼak liu hotu iha Líbanu, ai-hun hotu neʼebé besik bee barak, sei hetan kmaan iha rai-okos.
17 Sira tun ona ba rate* hamutuk ho nia,* sira tun ba ema neʼebé mate tanba surik+ no ema neʼebé apoia nia, neʼebé uluk hela iha ninia mahon okos iha nasaun sira-nia leet.’+
18 “Jeová, Naʼi Ukun-Naʼin Boot Liu, dehan: ‘Husi ai-hun sira Eden, ai-hun ida-neʼebé mak iha glória no kbiit boot hanesan ho ó?+ Maibé haʼu sei lori ó tun duni ba rai-okos hamutuk ho ai-hun sira iha Eden. Ó sei latan hamutuk ho ema sira neʼebé la hetan sirkunsizaun,* ho sira neʼebé mate ho surik. Neʼe sei akontese ba Faraó no ninia ema-lubun boot hotu.’”
Nota-rodapé
^ Orj., “Tanba ó”.
^ Ka “rai-kuak”.
^ Haree “Siol” iha Glosáriu.
^ Ka “rai-kuak”.
^ Haree “Siol” iha Glosáriu.
^ Haree “Siol” iha Glosáriu.
^ Neʼe katak ai-sedru iha Líbanu.
