Job 21:1-34
21 Job hatán, hodi dehan:
2 “Rona didiʼak ba buat neʼebé haʼu hatete,Se imi rona karik, neʼe sei fó kmaan mai haʼu.
3 Hatudu pasiénsia mai haʼu bainhira haʼu koʼalia.Depois haʼu koʼalia tiha mak imi bele hamoe haʼu.+
4 Haʼu hatoʼo haʼu-nia halerik ba ema ka?
Se nuneʼe, haʼu* sei lakon haʼu-nia pasiénsia, loos ka lae?
5 Haree mai haʼu no hateke ho hakfodak,Taka imi-nia ibun ho imi-nia liman.
6 Bainhira haʼu hanoin kona-ba neʼe, haʼu sente laran-taridu,No haʼu-nia isin tomak nakdedar.
7 Tanbasá mak ema aat sira la mate,+Sai riku* no moris naruk?+
8 Sira-nia oan sira sempre hamutuk ho sira,No sira bele haree sira-nia bei-oan ba bei-oan.
9 Sira-nia uma mak seguru, sira la sente taʼuk,+No Maromak la fó kastigu ba sira ho ninia rota.
10 Sira-nia karau-aman sempre halo kabuk karau-inan,Sira-nia karau-inan sempre hahoris oan no oan nunka mate.
11 Sira-nia oan-mane sira halai livre iha liʼur hanesan bibi-lubun,No sira-nia oan sira haksoit bá-mai.
12 Sira kanta hodi akompaña ho tamborín no arpa,Sira haksolok ho flauta nia lian.+
13 Sira halaʼo sira-nia moris ho haksolokToʼo sira tun ba rate* ho laran-hakmatek.*
14 Maibé sira hatete ba Maromak neʼebé loos: ‘Husik ami mesak bá!
Ami lakohi hatene Ita-nia dalan sira.+
15 Sé mak Maromak neʼebé Kbiit Boot Liu Hotu? Tanbasá mak ami tenke serbí nia?+
Ami hetan buat diʼak saida atu hatene kona-ba nia?’+
16 Maibé haʼu hatene katak sira rasik la iha kbiit atu halo buat hotu laʼo ho diʼak iha sira-nia moris.+
Ema aat nia hanoin* dook husi haʼu.+
17 Dala hira ona mak ema aat nia ahi-oan mate?+
Dala hira ona mak susar kona sira?
Dala hira ona mak Maromak halakon sira ho ninia hirus?
18 Horibainhira mak sira sai hanesan duʼut-maran neʼebé anin huu?Horibainhira mak sira sai hanesan trigu-kulit neʼebé anin-fuik lori lakon tiha?
19 Maromak sei rai hela ema ida nia kastigu ba ninia oan sira.
Maibé haʼu hein katak Maromak sei fó kastigu ba nia atu nia bele hatene ida-neʼe.+
20 Haʼu hein katak ninia matan rasik sei haree terus neʼebé kona nia,No nia hemu husi Maromak neʼebé Kbiit Boot Liu Hotu nia kopu hirus nian.+
21 Se ninia fulan sira habadak tiha,*+Nia sei la hanoin tan kona-ba buat neʼebé akontese ba ninia umakain bainhira nia mate sedu, loos ka lae?
22 Sé mak bele hanorin Maromak*+Bainhira Maromak tesi-lia ba ema-boot sira?+
23 Mane ida mate bainhira nia sei forte hela+Bainhira nia moris hakmatek no kalma,+
24 Bainhira ninia kelen nakonu ho bokurNo ninia ruin sei forte.*
25 Maibé mane ida seluk mate ho laran-susar tebes,*Bainhira nia seidauk koko buat sira neʼebé diʼak.
26 Sira sei latan hamutuk iha rai-rahun laran,+No ular-oan mak sei han sira naʼin-rua hotu.+
27 Haʼu hatene ho momoos saida mak imi hanoinNo imi-nia planu aat sira mai haʼu.*+
28 Tanba imi hatete: ‘Ema-boot nia uma iha neʼebé?No tenda neʼebé uluk ema aat hela iha neʼebé?’+
29 Imi la husu ba ema laʼo-rai sira ka?
Imi la buka-hatene didiʼak sira-nia hanoin* ka?
30 Ema aat la mate iha loron dezastre nianNo hetan salvasaun husi loron susar nian, loos ka lae?
31 Sé mak sei koʼalia ba ema neʼe kona-ba ninia dalan sira?No sé mak sei selu fali buat neʼebé nia halo ona?
32 Bainhira lori tiha nia ba rate,Ema sei hein ninia rate.
33 Rai-kafuʼak iha foho-leet* sei sai midar ba nia,+No ema hotu sei tuir nia*+Hanesan mós ho ema sira antes nia, neʼebé sura labele.
34 Entaun, tanbasá mak imi koko atu fó kmaan mai haʼu? Imi-nia liafuan neʼe saugati deʼit.+
Imi-nia resposta hotu mak liafuan lohi deʼit!”
Nota-rodapé
^ Orj., “haʼu-nia espíritu”. Haree “Ruah” iha Glosáriu.
^ Ka “Iha podér”.
^ Haree “Siol” iha Glosáriu.
^ Ka “ho lalais”, neʼe katak la sente moras bainhira mate.
^ Ka “konsellu; planu aat”.
^ Ka “tesi ba rua”.
^ Orj., “hanorin koñesimentu ba Maromak”.
^ Orj., “ninia ruin-dolen seidauk maran”.
^ Ka “ho laran neʼebé moruk”.
^ Ka karik “No imi-nia planu aat sira atu halo violénsia ba haʼu”.
^ Orj., “sira-nia sinál sira”.
^ Orj., “No nia sei dada ema hotu tuir nia”.
