Jonas 3:1-10
3 Tuirmai Jeová fó sai liafuan ba Jonas ba dala segundu, hodi dehan:+
2 “Hamriik, bá sidade boot Nínive+ no fó sai ba sidade neʼe liafuan neʼebé haʼu hatoʼo ba ó.”
3 Nuneʼe Jonas hamriik no bá Nínive+ hodi halo tuir Jeová nia liafuan.+ Nínive mak sidade neʼebé boot tebes,* no atu laʼo haleʼu sidade neʼe presiza loron tolu.
4 Tuirmai Jonas tama ba sidade neʼe no laʼo ba loron ida hodi haklaken, dehan: “Hela deʼit loron 40 no Nínive sei naksobu.”
5 Ho ida-neʼe, ema Nínive tau fiar ba Maromak.+ Sira fó avizu ba ema hotu atu halo jejún no hatais hena karón,* husi povu kiʼik toʼo ema-boot.
6 Bainhira liurai Nínive rona Jonas nia lia-menon neʼe, nia hamriik husi ninia kadunan no hasai ninia roupa liurai nian, depois neʼe nia hatais fali hena karón no tuur iha ahi-kadesan.
7 Liután neʼe, liurai fó sai avizu iha sidade Nínive, hodi dehan:“Neʼe mak ukun-fuan husi liurai no ninia ema-boot sira: Ema no animál, karau no bibi, sira hotu labele han buat ida. Sira labele han ai-han no labele hemu bee.
8 Sira tenke hatais hena karón, ema no mós sira-nia animál. Sira tenke harohan ba Maromak ho laran no husik tiha sira-nia hahalok aat no violénsia neʼebé sira halo.
9 Sé mak hatene, karik Maromak neʼebé loos sei troka ninia hanoin* kona-ba buat neʼebé nia atu halo no sei hatún ninia hirus makaʼas hasoru ita, hodi nuneʼe ita sei la mate.”
10 Bainhira Maromak loos haree buat neʼebé sira halo, katak sira husik ona sira-nia hahalok aat,+ nia troka ninia hanoin* kona-ba sira-nia kastigu neʼebé nia fó sai ona, no nia la halo ida-neʼe.+
Nota-rodapé
^ Ka “sidade boot tuir Maromak nia haree”.
^ Haree “Hena karón” iha Glosáriu.
^ Ka “sente triste”.
^ Ka “sente triste”.
