Obadias 1:1-21
1 Tuirmai neʼe mak Obadias* nia vizaun:
Jeová, Naʼi Ukun-Naʼin Boot Liu, dehan nuneʼe kona-ba Edom:*+
“Ami rona ona lia-menon husi Jeová,Nia haruka ona ema ida atu lori lia-menon ba nasaun sira-nia leet, hodi dehan:
‘Hamriik bá, mai ita prepara an atu halo funu hasoru Edom.’”+
2 “Haʼu halo ona ó sai kiʼik tebes iha nasaun sira-nia leet.Sira hakribi tebes ó.+
3 Ó-nia laran neʼebé foti an* no fiar an demais mak lohi ona ó,+Ó hela iha fatuk boot nia leet,Ó hela iha fatin aas, no hanoin iha ó-nia laran:‘Sé mak sei dada haʼu tun ba rai?’
4 Maski ó halo ó-nia hela-fatin aas* hanesan manu-makikit nian,Ka ó tau ó-nia knuuk iha fitun sira-nia leet,Maibé haʼu sei dada ó tun husi neʼebá”, Jeová mak dehan.
5 “Se naʼok-teen sira mai iha kalan,Sira sei naʼok deʼit buat neʼebé sira hakarak, loos ka lae?
Ka se ema sira neʼebé kuʼu uvas-fuan mai iha ó-nia leet,
Sira sei husik uvas-fuan balu ba ema seluk, loos ka lae?+Maibé kona-ba ó, ó-nia inimigu sei halakon ó toʼo mohu!
6 Oh Esaú, ó-nia inimigu duni tuir ona ó!
Inimigu hadau ona ó-nia rikusoin neʼebé ó subar!
7 Sira obriga ó halai ba sira-nia fronteira.
Sira hotu neʼebé halo aliansa ho ó mak lohi ona ó.
Ema sira neʼebé iha dame ho ó mak manán ona ó.
Sira neʼebé han paun hamutuk ho ó sei tau rede hodi lasu ó,Maibé ó sei la hatene ida-neʼe.”
8 Jeová dehan: “Iha loron neʼebá,Haʼu sei halakon matenek-naʼin sira husi Edom+No halakon ema sira neʼebé iha kbiit atu tetu didiʼak husi Esaú nia área foho nian.
9 Oh Teman,+ ó-nia funu-naʼin sira sei sai taʼuk,+Tanba ema hotu iha Esaú nia área foho nian sei mate.+
10 Ó sei moe,+No sei lakon mohu ba nafatin,+Tanba ó halo violénsia ba ó-nia alin Jacob.+
11 Iha loron neʼebé ema oin-foun sira lori ó-nia alin nia tropa sira ba dadur,+Loron neʼebé ema estranjeiru sira tama ninia portaun no dada sorteiu*+ kona-ba Jeruzalein,Ó hamriik hodi hateke deʼit,Ó-nia hahalok aat hanesan sira.
12 Ó labele kontente iha loron neʼebé buat aat kona ó-nia alin,+Ó labele haksolok iha loron neʼebé povu Judá mate,+No ó labele koʼalia ho foti an iha loron neʼebé sira hetan susar.
13 Ó labele tama ba haʼu-nia povu nia portaun laran iha loron neʼebé sira hetan susar,+Ó labele gaba an iha loron neʼebé nia hetan susar,No ó labele tau ó-nia liman ba ninia rikusoin iha loron neʼebé nia hetan susar.+
14 Ó labele hamriik iha kruzamentu atu oho ninia ema sira neʼebé halai sai,+No ó labele entrega ninia ema sira neʼebé sei moris hela ba inimigu nia liman iha loron neʼebé sira hetan susar.+
15 Tanba Jeová nia loron atu kontra nasaun hotu besik ona mai.+
Buat neʼebé ó halo ona sei kona fali ó.+
Ema sei halo ba ó tuir buat neʼebé ó halo ona ba ema seluk.
16 Hanesan dalan neʼebé ó hemu tua-uvas iha haʼu-nia foho santu,Nuneʼe mós nasaun sira hotu sei kontinua hemu haʼu-nia hirus hanesan hemu tua-uvas.+Sira sei hemu no tolan haʼu-nia hirus.
No sira sei sai hanesan buat neʼebé nunka iha.
17 Maibé ema neʼebé la mate sei hetan protesaun iha Foho Siaun,+No foho neʼe sei sai santu.+Jacob nia umakain sei foti fali buat neʼebé sira-nian.+
18 Jacob nia umakain sei sai hanesan ahi,José nia umakain sei sai hanesan ahi neʼebé lakan,No Esaú nia umakain sei sai hanesan duʼut-maran.Sira sei sunu no han mohu Esaú nia umakain,No la iha ema ida iha Esaú nia umakain mak sei moris,+Tanba Jeová rasik mak dehan nuneʼe.
19 Sira sei foti área Negeb, Esaú nia área foho nian,+Área Sefela, no mós ema Filístia nia rai nuʼudar sira-nian.+
Sira sei foti rai-Efraim no rai-Samaria nuʼudar sira-nian,+No Benjamim sei foti Gilead nuʼudar ninian.
20 Povu Izraél neʼebé sai ona dadur* tanba inimigu lori sira husi fatin seguru,+Sira sei foti ema Kanaan nia rai toʼo Sarepta nuʼudar sira-nian.+
Povu Jeruzalein neʼebé sai ona dadur iha Sefarad, sira sei foti sidade sira iha área Negeb nuʼudar sira-nian.+
21 Salvadór sira sei saʼe ba Foho SiaunAtu tesi-lia ba Esaú nia área foho nian,+No Jeová sei ukun nuʼudar liurai.”+
Nota-rodapé
^ Ninia naran seluk mak Esaú.
^ Naran neʼe katak “Jeová nia atan”.
^ Ka karik “ó semo aas”.
^ Haree “Dada sorteiu” iha Glosáriu.
^ Haree “Ezíliu” iha Glosáriu.
