Roma 13:1-14
13 Ema* hotu tenke hakruʼuk ba autoridade sira,+ tanba Maromak mak husik sira hotu atu iha podér;+ no sira simu pozisaun oioin* husi Maromak.+
2 Tan neʼe, ema neʼebé kontra autoridade, nia kontra Maromak nia arranju; ema neʼebé kontra sei hetan kastigu.
3 Ukun-naʼin sira-neʼe iha podér laʼós atu halo taʼuk ema neʼebé halo hahalok diʼak, maibé atu halo taʼuk ema neʼebé halo hahalok aat.+ Entaun, imi hakarak atu livre husi taʼuk ba sira ka lae? Se nuneʼe, kontinua halo buat diʼak,+ no imi sei simu gaba husi ukun-naʼin sira,
4 tanba sira mak Maromak nia atan ba imi-nia diʼak. Maibé se imi halo buat neʼebé aat, imi sai taʼuk bá; tanba razaun atu ukun-naʼin sira-neʼe kaer podér* mak atu fó kastigu. Ukun-naʼin sira-neʼe mak Maromak nia atan atu fó kastigu* ba sira neʼebé halo hahalok aat.
5 Tan neʼe, imi tenke hakruʼuk ba sira laʼós deʼit tanba sira bele fó kastigu,* maibé atu imi-nia konxiénsia la fó-sala ba imi.+
6 Tan neʼe mak imi mós selu impostu, tanba sira mak Maromak nia atan no sira kontinua halo serbisu iha dalan neʼe ba ema hotu.
7 Fó ba ema hotu buat neʼebé sira merese simu: Selu taxa ba sira neʼebé husu taxa,+ selu impostu ba sira neʼebé husu impostu, hamtaʼuk sira neʼebé husu atu simu hamtaʼuk,+ no hatudu respeitu ba sira neʼebé husu atu simu respeitu.+
8 Keta iha tusan ho ema ida, maibé imi-nia tusan mak hadomi malu,+ tanba ema neʼebé hadomi ninia maluk kumpre ona ukun-fuan.+
9 Tanba ukun-fuan sira inklui mandamentu neʼebé dehan: “Imi labele halo sala seksuál ho ema neʼebé laʼós imi-nia kaben,*+ imi labele oho ema,+ imi labele naʼok,+ imi labele kaan buat neʼebé ema seluk nian”,+ no mandamentu seluk hotu habadak ho liafuan tuirmai neʼe: “Imi tenke hadomi imi-nia maluk hanesan imi-nia an rasik.”+
10 Ema neʼebé iha domin la halo aat ba ninia maluk,+ tan neʼe domin kumpre ukun-fuan.+
11 Halo nuneʼe bá, tanba imi hatene kona-ba tempu, neʼe katak tempu toʼo ona ba imi atu hadeer husi toba,+ tanba agora ita-nia salvasaun besik liu fali tempu neʼebé ita foin sai fiar-naʼin.
12 Kalan besik ona rohan, no loron besik daudaun ona. Tan neʼe, mai ita soe tiha hahalok nakukun nian+ no mai ita uza fali armas naroman nian.+
13 Mai ita halaʼo ita-nia moris ho loloos+ hanesan ema neʼebé laʼo iha loron. Keta festa arbiru ka lanu, keta halo sala seksuál ka halo hahalok aat toʼo la sente moe,*+ keta istori malu ka laran-moras.+
14 Maibé tau Naʼi Jesus Kristu nia hahalok sira nuʼudar imi-nia roupa,+ no keta planu nanis kona-ba oinsá atu halo tuir hakarak isin nian.+
Nota-rodapé
^ Haree “Psiké” iha Glosáriu.
^ Ka “pozisaun neʼebé relativu”.
^ Orj., “surik”.
^ Ka “hatudu hirus”.
^ Ka “hatudu hirus”.
^ Ka “labele halo adultériu”. Haree “Adultériu” iha Glosáriu.
