Salmo 101:1-8
David nia knananuk.
101 Haʼu sei kanta kona-ba Ita-nia domin neʼebé laran-metin no Ita-nia justisa.
Oh Jeová, haʼu sei kanta knananuk hahiʼi nian* ba Ita.
2 Haʼu sei hatudu hahalok matenek no moris ho hahalok loos.*
Bainhira mak Ita sei ajuda haʼu?
Haʼu sei laʼo ho laran-metin*+ iha haʼu-nia uma laran.
3 Haʼu-nia matan sei la hateke ba buat folin-laek.
Haʼu odi hahalok husi ema neʼebé sees husi buat loos;+Haʼu la ransu ho sira.*
4 Haʼu hadook an husi ema laran-aat;Haʼu sei la simu* buat neʼebé aat.
5 Haʼu sei halo nonook*Ema neʼebé koʼalia aat subasubar hodi hafoʼer ninia maluk nia naran.+
Haʼu sei la simuEma sira neʼebé matan loko an no laran foti an.
6 Haʼu sei hateke ba ema sira neʼebé laran-metin iha rai,Atu nuneʼe sira bele hela ho haʼu.
Ema neʼebé moris ho hahalok loos* sei serbí haʼu.
7 Ema neʼebé laran-makerek sei la hela iha haʼu-nia uma,No bosok-teen sei la hamriik iha haʼu-nia oin.*
8 Dadeer-dadeer haʼu sei halo nonook* ema aat hotu iha mundu,Atu halakon tiha ema hotu neʼebé halo sala husi Jeová nia sidade.+
Nota-rodapé
^ Ka “halo múzika”.
^ Ka “ho integridade”.
^ Ka “integridade”.
^ Ka “Sira-nia hahalok aat la belit ba haʼu”.
^ Orj., “hatene”.
^ Ka “sei halakon”.
^ Ka “Ema neʼebé laʼo ho integridade”.
^ Orj., “iha haʼu-nia matan oin”.
^ Ka “sei halakon”.
