Salmo 103:1-22
David nia knananuk.
103 Haʼu sei hahiʼi Jeová;Ho laran tomak haʼu sei hahiʼi ninia naran neʼebé santu.
2 Haʼu sei hahiʼi Jeová;Haʼu sei nunka haluha buat hotu neʼebé nia halo ona.+
3 Nia fó perdua ba haʼu-nia sala hotu+No kura haʼu-nia moras hotu;+
4 Nia salva haʼu-nia moris husi rate*+No tau koroa ba haʼu ho ninia domin neʼebé laran-metin no laran-sadiʼa.+
5 Nia halo haʼu kontente ho buat diʼak sira+ iha haʼu-nia moris tomak,Atu nuneʼe haʼu bele joven nafatin no iha kbiit hanesan manu-makikit.+
6 Jeová hatudu hahalok loos+ no justisaBa sira hotu neʼebé ema hanehan.+
7 Nia fó-hatene ninia dalan sira ba Moisés,+No fó-hatene ninia hahalok sira ba ema Izraél.+
8 Jeová laran-sadiʼa no laran-diʼak,+Nia la hirus lalais no nakonu ho domin neʼebé laran-metin.*+
9 Nia sei nunka buka deʼit sala,+No nia sei la sai hirus ba nafatin.+
10 Nia la fó kastigu ba ita tuir ita-nia sala,+No nia la selu fali ba ita ho buat neʼebé ita merese simu tuir ita-nia sala.+
11 Tanba hanesan lalehan aas liu fali rai,Nuneʼe mós ninia domin ho laran-metin mak boot tebes ba sira neʼebé hamtaʼuk nia.+
12 Hanesan lorosaʼe dook husi loromonu,Nuneʼe mós nia tau ita-nia sala sira dook loos husi ita.+
13 Hanesan aman hatudu laran-sadiʼa ba ninia oan sira,Jeová mós hatudu laran-sadiʼa ba sira neʼebé hamtaʼuk nia.+
14 Tanba nia hatene ho didiʼak nia kria ita husi saida,+No nia hanoin-hetan katak ita mak rai-rahun deʼit.+
15 Kona-ba ema, sira-nia loron sira hanesan duʼut;+Sira hanesan ai-funan neʼebé buras iha rai-luan.+
16 Maibé bainhira anin huu, ai-funan neʼe la iha tan,Hanesan nia nunka moris iha neʼebá.*
17 Maibé Jeová hatudu domin neʼebé laran-metin ba nafatinBa sira neʼebé hamtaʼuk nia,+No nia hatudu hahalok loos ba sira-nia oan no bei-oan sira,+
18 Ba sira neʼebé kumpre ninia aliansa+No sira neʼebé halo tuir ninia lei sira ho didiʼak.
19 Jeová harii metin ona ninia kadunan iha lalehan;+No nia ukun ona buat hotu nuʼudar liurai.+
20 Fó hahiʼi ba Jeová, oh ninia anju sira hotu neʼebé iha kbiit boot,+Neʼebé kumpre ninia liafuan+ no rona ba ninia lian.
21 Fó hahiʼi ba Jeová, oh ninia tropa hotu,+Ninia atan sira neʼebé halaʼo ninia hakarak.+
22 Fó hahiʼi ba Jeová, oh ninia kriasaun hotu,Iha fatin hotu neʼebé nia ukun.
Husik haʼu-nia laran tomak hahiʼi Jeová.
Nota-rodapé
^ Ka “rai-kuak”.
^ Ka “ho laran-diʼak neʼebé nakonu ho domin”.
^ Orj., “No ninia fatin la hatene tan nia”.
