Salmo 108:1-13
David nia knananuk.
108 Haʼu-nia laran la nakdoko, oh Maromak.
Haʼu sei kanta no halo múzika ho haʼu-nia moris tomak.*+
2 Hadeer bá, oh instrumentu neʼebé iha talin; hadeer bá, oh arpa.+
Haʼu sei fanu rai naroman.
3 Oh Jeová, haʼu sei hahiʼi Ita iha povu sira-nia leet,No haʼu sei kanta knananuk hahiʼi nian* ba Ita iha nasaun sira-nia leet.
4 Tanba Ita-nia domin neʼebé laran-metin boot tebes no aas toʼo lalehan,+No Ita-nia hahalok laran-metin aas toʼo kalohan.
5 Oh Maromak, haʼu harohan katak Ita-nia glória aas liu fali lalehan;Haʼu harohan katak Ita-nia glória taka mundu tomak.+
6 Salva ami ho Ita-nia liman-loos no hatán haʼu,+Hodi nuneʼe ema neʼebé Ita hadomi bele hetan salvasaun.
7 Maromak neʼebé santu dehan ona:*
“Haʼu sei haksolok, haʼu sei fó Siquém+ nuʼudar liman-rohan ba haʼu-nia povu,No haʼu sei sukat Rai-Tetuk Sukot.+
8 Gilead+ no mós Manasés mak haʼu-nian,No Efraim mak kapasete* ba haʼu-nia ulun;+Judá mak haʼu-nia ai-tonka ukun-naʼin nian.+
9 Moab mak haʼu-nia basia atu fase haʼu-nia an.+
Haʼu sei soe haʼu-nia sandálias ba Edom.+
Haʼu sei haklalak ho lian manán nian tanba haʼu manán Filístia.”+
10 Sé mak sei lori haʼu ba sidade neʼebé iha moru aas?
Sé mak sei lori haʼu bá toʼo Edom?+
11 Neʼe mak Ita, oh Maromak, neʼebé la simu tan ami,Ami-nia Maromak la laʼo hamutuk tan ho ami-nia tropa sira neʼebé atu bá funu.+
12 Ajuda ami iha ami-nia tempu susar,+Tanba salvasaun husi ema mak saugati deʼit.+
13 Maromak sei fó kbiit mai ita,+No nia sei sama ita-nia inimigu sira.+
Nota-rodapé
^ Orj., “haʼu-nia glória”.
^ Ka “halo múzika”.
^ Ka karik “Maromak koʼalia husi ninia fatin santu”.
^ Orj., “fatin seguru”.
