Salmo 11:1-7
Ba dirijente. David nia knananuk.
11 Haʼu buka ona protesaun husi Jeová.+
Entaun tanbasá mak imi bele dehan ba haʼu:
“Halai ba foho, hanesan manu neʼebé semo!
2 Haree bá! Ema aat sira prepara ona rama;Sira tau sira-nia rama-oan iha rama nia talin,Atu hana ema laran-loos sira husi nakukun laran.
3 Bainhira justisa nia hun* rahun ona,Saida mak ema laran-loos bele halo?”
4 Jeová hela iha ninia templu santu.+
Jeová nia kadunan mak iha lalehan.+
Ninia matan haree ho momoos,* no nia hateke hodi buka-hatene didiʼak ema.+
5 Jeová haree didiʼak ba ema laran-loos no mós ba ema laran-aat;+Nia* odi ema hotu neʼebé gosta violénsia.+
6 Nia sei tau lasu* ba ema aat sira;No nia sei halo ahi no enxofre* tun ba sira,+ no fó kastigu ba sira ho anin neʼebé manas.
7 Jeová mak laran-loos;+ nia hadomi hahalok loos.+
Ema laran-loos sei haree ninia oin.*+
Nota-rodapé
^ Ka “fundasaun”.
^ Ka “Ninia matan nabilan”.
^ Haree “Nefes” iha Glosáriu.
^ Ka karik “Nia sei hatún ahi-klaak neʼebé lakan”.
^ Ka “sei simu ninia laran-diʼak”.
