Salmo 113:1-9
113 Fó hahiʼi ba Jah!*
Fó hahiʼi ba Jeová, oh imi, ninia atan sira,Hahiʼi Jeová nia naran.
2 Husik Jeová nia naran simu hahiʼiHusi agora no ba nafatin.+
3 Husi parte leste toʼo parte oeste,*Husik Jeová nia naran simu hahiʼi.+
4 Jeová aas liu nasaun sira hotu;+Ninia glória aas liu lalehan.+
5 Sé mak hanesan Jeová, ita-nia Maromak,+Ida neʼebé hela* iha fatin neʼebé aas?
6 Nia hakruʼuk atu haree ba lalehan no rai,+
7 Nia halo ema kiʼik hamriik husi rai-rahun.
Nia hiʼit saʼe ema kiak husi ahi-kadesan laran*+
8 Atu halo ema neʼe tuur hamutuk ho ema-boot sira,No ho ninia povu nia ulun-naʼin sira.
9 Nia fó uma ba feto neʼebé la iha oanNo halo nia sai inan neʼebé kontente ho oan* barak.+
Fó hahiʼi ba Jah!*
Nota-rodapé
^ Ka “Aleluia”. “Ia” ka “Jah” mak naran badak ba Jeová.
^ Ka “Husi fatin neʼebé loro-matan saʼe toʼo fatin neʼebé loro-matan monu”.
^ Ka “tuur iha kadunan”.
^ Ka karik “foʼer-fatin”.
^ Orj., “oan-mane”.
^ Ka “Aleluia”. “Ia” ka “Jah” mak naran badak ba Jeová.
