Salmo 148:1-14
148 Fó hahiʼi ba Jah!*
Fó hahiʼi ba Jeová, imi neʼebé iha lalehan;+Fó hahiʼi ba nia, imi neʼebé iha fatin aas.
2 Fó hahiʼi ba nia, oh ninia anju sira hotu.+
Fó hahiʼi ba nia, oh ninia tropa sira hotu.+
3 Fó hahiʼi ba nia, oh loro-matan no fulan.
Fó hahiʼi ba nia, oh fitun hotu neʼebé nabilan.+
4 Fó hahiʼi ba nia, oh lalehan neʼebé aas liuNo kalohan sira neʼebé iha lalehan.
5 Husik sira fó hahiʼi ba Jeová nia naran,Tanba nia fó mandamentu, no kria tiha buat sira-neʼe.+
6 Nia halo buat sira-neʼe metin tinan ba tinan ba nafatin;+Nia fó sai ona lei ida neʼebé sei nunka lakon.+
7 Fó hahiʼi ba Jeová, imi neʼebé iha rai,Imi animál boot sira iha tasi no bee kleʼan sira hotu,
8 Imi rai-lakan no jelu-fatuk, jelu-rahun no kalohan neʼebé mahar,Imi anin-fuik sira neʼebé kumpre ninia liafuan,+
9 Imi foho sira no foho-oan hotu,+Imi ai-hun sira neʼebé fó fuan no ai-sedru hotu,+
10 Imi animál fuik sira+ no animál-hakiak hotu,Imi animál sira neʼebé dolar iha rai no manu sira,
11 Imi liurai sira iha rai no nasaun hotu,Imi ulun-naʼin sira no juís hotu iha rai,+
12 Imi mane joven no feto joven sira,*Katuas hamutuk ho joven sira.*
13 Husik sira fó hahiʼi ba Jeová nia naran,Tanba ninia naran mesak deʼit mak aas liu hotu.+
Ninia glória mak aas liu fali lalehan no rai.+
14 Nia sei aumenta ninia povu nia kbiit,*Atu fó glória ba ninia ema hotu neʼebé laran-metin,Ba Izraél nia jerasaun, povu neʼebé besik nia.
Fó hahiʼi ba Jah!*
Nota-rodapé
^ Ka “Aleluia”. “Ia” ka “Jah” mak naran badak ba Jeová.
^ Orj., “virjen sira”.
^ Ka “Ema idade boot hamutuk ho idade kiʼik”.
^ Orj., “Nia sei hiʼit aas ninia povu nia dikur”.
^ Ka “Aleluia”. “Ia” ka “Jah” mak naran badak ba Jeová.
