Salmo 20:1-9
-
Salvasaun ba liurai neʼebé Maromak hili ona
-
Ema balu tau fiar ba kuda-karreta no kuda, ‘maibé ita bolu Jeová nia naran’ (7)
-
Ba dirijente. David nia knananuk.
20 Ami hein katak Jeová sei hatán ba Ita* iha tempu susar.
Ami hein katak Jacob nia Maromak nia naran sei proteje Ita.+
2 Ami hein katak nia sei fó ajuda ba Ita husi ninia fatin santu+No fó apoiu ba Ita husi Siaun.+
3 Ami hein katak nia sei hanoin-hetan sakrifísiu hotu neʼebé Ita hasaʼe;Ami hein katak nia sei simu Ita-nia sakrifísiu sunu nian ho kontente.* (Sela)
4 Ami hein katak nia sei fó buat neʼebé Ita-nia laran hakarak+No halo Ita-nia planu* hotu sai susesu.
5 Ami sei haklalak ho haksolok tanba salvasaun husi Ita;+Ami sei hiʼit saʼe sinál hodi hahiʼi ami-nia Maromak nia naran.+
Ami hein katak Jeová sei kumpre buat hotu neʼebé Ita husu.
6 Agora ami* hatene katak Jeová salva ema neʼebé nia hili* ona.+
No husi ninia fatin santu iha lalehan, nia hatán ba ema neʼe,Hodi lori salvasaun boot* ho ninia liman-loos.+
7 Ema balu tau fiar ba sira-nia kuda-karreta funu nian, no balu tan tau fiar ba sira-nia kuda sira,+Maibé ita sei bolu ita-nia Maromak Jeová nia naran.+
8 Sira sidi no monu ona,Maibé ita hadeer no hamriik fali.+
9 Oh Jeová, salva liurai bá!+
Nia sei hatán ba ami iha loron neʼebé ami bolu hodi husu ajuda.+
Nota-rodapé
^ Iha ver. 1-5 fó sai kona-ba povu nia liafuan ba liurai.
^ Orj., “nia sei haree sakrifísiu sunu nian hanesan animál nia bokur”.
^ Ka “konsellu”.
^ Orj., “haʼu”.
^ Orj., “fui mina”. Haree “Fui mina” iha Glosáriu.
^ Ka “Hodi manán”.
