Salmo 24:1-10
-
Liurai kmanek tama husi portaun
-
“Mundu mak Jeová nian” (1)
-
David nia knananuk.
24 Mundu no buat hotu neʼebé iha mundu mak Jeová nian,+Rai no sira hotu neʼebé hela iha rai mak ninian.
2 Tanba nia harii metin ona rai iha tasi sira-nia leten+No halo rai metin nafatin iha mota sira-nia leten.
3 Sé mak bele saʼe ba Jeová nia foho?+Sé mak bele hamriik iha ninia fatin santu?
4 Neʼe mak ema neʼebé liman moos no laran-moos,+Neʼebé la jura falsu hodi Haʼu-nia moris,*No la jura bosok.+
5 Nia sei simu bensaun husi Jeová+No justisa husi ninia Maromak neʼebé salva nia.*+
6 Neʼe mak jerasaun husi sira neʼebé buka Maromak,Husi sira neʼebé buka Ita-nia laran-diʼak,* oh Jacob nia Maromak. (Sela)
7 Oh imi portaun sira, foti saʼe imi-nia an bá;+Imi odamatan sira husi tempu antigu, loke imi-nia an bá,*Atu nuneʼe Liurai neʼebé kmanek bele tama!+
8 Liurai neʼebé kmanek mak sé?
Neʼe mak Jeová, neʼebé forte no kbiit boot,+Jeová neʼebé hatudu kbiit boot iha funu.+
9 Oh imi portaun sira, foti saʼe imi-nia an bá;+Imi odamatan sira husi tempu antigu, loke imi-nia an bá,Atu nuneʼe Liurai neʼebé kmanek bele tama!
10 Liurai neʼebé kmanek mak sé?
Jeová neʼebé ukun tropa lalehan nian, nia mak Liurai neʼebé kmanek.+ (Sela)
Nota-rodapé
^ Neʼe katak Jeová nia moris neʼebé ema temi bainhira halo juramentu.
^ Ka “No Maromak neʼebé salva nia sei haree nia nuʼudar ema laran-loos”.
^ Orj., “buka Ita-nia oin”.
^ Ka “hamriik bá”.
