Salmo 30:1-12
-
Triste troka ba haksolok
-
Maromak laran-diʼak ba ema (5)
-
Knananuk inaugurasaun nian. David nia knananuk.
30 Oh Jeová, haʼu sei hahiʼi Ita tanba Ita salva* ona haʼu;Ita la husik haʼu-nia inimigu sira kontente tanba haʼu-nia susar.+
2 Oh Jeová, haʼu-nia Maromak, haʼu halerik ba Ita atu husu ajuda, no Ita kura ona haʼu.+
3 Oh Jeová, Ita dada sai ona haʼu* husi rate.*+
Ita husik haʼu kontinua moris; Ita salva ona haʼu hodi haʼu la tun ba rai-kuak.*+
4 Oh imi neʼebé laran-metin ba Jeová, kanta knananuk hahiʼi nian* ba nia,+Fó agradese ba ninia naran santu;+
5 Tanba Maromak hirus ema ida ba tempu uitoan deʼit,+Maibé nia hatudu laran-diʼak ba ema durante ema neʼe nia moris tomak.+
Karik ema bele tanis iha kalan, maibé iha dadeer, nia sei haklalak ho haksolok.+
6 Bainhira haʼu la hetan susar, haʼu dehan:
“Haʼu sei nunka nakdedar.”*
7 Oh Jeová, bainhira Ita kontente ho haʼu, Ita halo haʼu metin hanesan foho ida.+
Maibé bainhira Ita subar Ita-nia oin, haʼu sai taʼuk loos.+
8 Oh Jeová, haʼu kontinua bolu Ita;+Oh Jeová, haʼu kontinua harohan ba Ita atu husu laran-sadiʼa.
9 Se haʼu mate, neʼe lori diʼak saida?* No se haʼu tun ba rate,* neʼe lori diʼak saida?+
Rai-rahun sei hahiʼi Ita ka lae?+ Rai-rahun sei konta kona-ba Ita-nia hahalok loos ka lae?+
10 Oh Jeová, rona bá no hatudu laran-diʼak mai haʼu.+
Oh Jeová, ajuda haʼu.+
11 Ita troka haʼu-nia triste sai fali haksolok boot;*Ita hasai ona haʼu-nia hena karón* no taka haʼu ho hena ksolok nian,
12 Atu nuneʼe haʼu* bele kanta knananuk hahiʼi nian ba Ita no labele nonook deʼit.
Oh Jeová, haʼu-nia Maromak, haʼu sei hahiʼi Ita ba nafatin.
Nota-rodapé
^ Ka “Ita dada sai”.
^ Haree “Nefes” iha Glosáriu.
^ Haree “Siol” iha Glosáriu.
^ Ka “rate”.
^ Ka “halo múzika”.
^ Ka “nunka sidi”.
^ Orj., “Haʼu-nia raan iha folin saida?”.
^ Ka “rai-kuak”.
^ Orj., “dansa”.
^ Haree “Hena karón” iha Glosáriu.
^ Ka “haʼu-nia glória”.
