Salmo 39:1-13
Ba dirijente: Ho melodia Jedutum.*+ David nia knananuk.
39 Haʼu dehan: “Haʼu sei kuidadu haʼu-nia hakatAtu la halo sala ho haʼu-nia nanál.+
Haʼu sei kuidadu no taka haʼu-nia ibun+Bainhira ema aat sei iha haʼu-nia oin.”
2 Haʼu la koʼalia liafuan ida no haʼu nonook deʼit;+Haʼu nonook nafatin maski atu koʼalia kona-ba buat diʼak,Maibé haʼu sente laran-moras tebes.
3 Haʼu sente hanesan ahi han haʼu-nia laran.
Bainhira haʼu hanoin* hela, ahi neʼe lakan nafatin.
Tuirmai haʼu koʼalia:
4 “Oh Jeová, ajuda haʼu atu hatene haʼu-nia moris nia rohan sei sai oinsá,No haʼu-nia loron sira sei hela hira,+Atu nuneʼe haʼu bele hatene katak haʼu-nia moris mak badak deʼit.
5 Loloos, Ita halo haʼu moris ba loron balu deʼit;*+No haʼu-nia moris badak deʼit iha Ita-nia oin.+
Maski ema ida haree hanesan forte, maibé loloos, ema hotu mak hanesan deʼit ho iis neʼebé ema huu sai.+ (Sela)
6 Tuir loloos, ema hotu laʼo bá-mai hanesan lalatak ida.
Sira-nia hakaʼas an* saugati deʼit.
Sira halibur rikusoin, no la hatene sé mak sei goza ida-neʼe.+
7 Nuneʼe, saida mak haʼu-nia esperansa, oh Jeová?
Haʼu tau esperansa ba Ita deʼit.
8 Favór ida, salva haʼu husi haʼu-nia sala sira hotu.+
Keta husik ema beik sira halo haʼu hetan moe boot.
9 Haʼu nonook nafatin;Haʼu labele loke haʼu-nia ibun,+Tanba Ita mak halo nuneʼe.+
10 Hasai tiha susar neʼebé Ita fó mai haʼu.
Haʼu sai kole ona tanba Ita baku haʼu ho Ita-nia liman.
11 Ita fó kastigu hodi korrije ema tanba ninia sala;+Ita tolan sasán sira neʼebé nia hafolin hanesan kukulai* sira han mohu hena.
Loloos ema hotu mak hanesan deʼit ho iis neʼebé ema huu sai.+ (Sela)
12 Oh Jeová, rona haʼu-nia orasaun,Rona haʼu-nia halerik atu husu ajuda.+
Keta haluha haʼu-nia matan-been.
Tanba haʼu mak ema estranjeiru deʼit ba Ita,+Haʼu mak ema laʼo-rai hanesan ho haʼu-nia beiʼala sira hotu.+
13 Favór ida, keta hateke tan haʼu ho hirus atu nuneʼe haʼu bele sente haksolok faliAntes haʼu mate no la iha tan.”
Nota-rodapé
^ Ka “halerik”.
^ Orj., “haʼu-nia moris mak liman-fuan haat nia luan”.
^ Orj., “Sira halo barullu”.
^ Neʼe mak ular-oan ida ho liras, neʼebé hanesan ho borboleta. Bainhira seidauk iha liras, ular-oan neʼe han hena.
