Salmo 40:1-17
Ba dirijente. David nia knananuk.
40 Ho laran haʼu tau esperansa* ba Jeová,No nia see tilun* mai haʼu no rona haʼu-nia halerik atu husu ajuda.+
2 Nia dada haʼu sai husi rai-kuak neʼebé bee suli makaʼas,Nia dada haʼu sai husi tahu laran.
No nia tau haʼu-nia ain iha fatuk boot leten;Nia halo haʼu hamriik metin.
3 Tuirmai nia tau knananuk foun ida iha haʼu-nia ibun,+Knananuk hahiʼi nian ba ita-nia Maromak.
Ema barak sei hateke ho hakfodakNo sira sei tau fiar ba Jeová.
4 Ksolok ba ema neʼebé tau fiar ba JeováNo la tuir ema kontradór ka bosok-teen sira.
5 Oh Jeová, haʼu-nia Maromak,Ita halo ona buat barak,Ita-nia hahalok kmanek no Ita-nia hanoin diʼak ba ami mak barak.+
La iha ida mak hanesan ho Ita;+Se haʼu koko atu konta fali no koʼalia kona-ba buat sira-neʼe,Neʼe hotu barak liu toʼo sura labele!+
6 Ita lakohi simu* sakrifísiu no prezente sira,+Maibé Ita loke haʼu-nia tilun hodi rona.+
Ita la husu sakrifísiu sunu nian no sakrifísiu sala nian.+
7 Tuirmai haʼu dehan: “Haʼu mai ona.
Iha livru laran* hakerek nanis ona kona-ba haʼu.+
8 Oh haʼu-nia Maromak, haʼu gosta tebes atu halo tuir Ita-nia hakarak,+No Ita-nia ukun-fuan iha haʼu-nia fuan-laran.+
9 Haʼu haklaken liafuan diʼak kona-ba justisa iha kongregasaun boot nia leet.+
Haʼu la taka haʼu-nia ibun,+Oh Jeová, Ita hatene didiʼak ona kona-ba neʼe.
10 Haʼu la taka Ita-nia justisa iha haʼu-nia laran.
Haʼu fó sai Ita-nia laran-metin no salvasaun.
Haʼu la subar Ita-nia domin neʼebé laran-metin no Ita-nia lia-loos iha kongregasaun boot nia leet.”+
11 Oh Jeová, keta hanetik Ita-nia laran-sadiʼa ba haʼu.
Favór ida, kontinua proteje haʼu ho Ita-nia domin neʼebé laran-metin no Ita-nia lia-loos.+
12 Susar sira neʼebé haleʼu haʼu sai barak liu toʼo sura labele.+
Haʼu-nia sala sira barak tebes toʼo taka haʼu no haʼu la haree haʼu-nia dalan sira;+Sira barak liu fali fuuk iha haʼu-nia ulun,No haʼu sai laran-triste tebes.
13 Favór ida, oh Jeová, salva haʼu.+
Oh Jeová, ajuda haʼu lalais.+
14 Halo sira hotu neʼebé buka atu oho haʼuHetan moe boot no halo ema la respeitu sira.
Halo sira neʼebé kontente bainhira haree haʼu-nia susarHakiduk ho moe boot.
15 Haʼu hein katak sira neʼebé dehan ba haʼu: “Ó merese duni!”
Sira sei hakfodak tanba sira rasik hetan moe.
16 Maibé haʼu harohan katak sira neʼebé buka Ita+Sei haksolok no haklalak tanba Ita.+
Haʼu harohan katak sira neʼebé hein ba salvasaun husi Ita sei kontinua dehan:
“Fó glória ba Jeová.”+
17 Maibé haʼu kbiit-laek no kiak;Haʼu hein katak Jeová sei rona didiʼak ba haʼu.
Ita mak haʼu-nia ajuda-naʼin no haʼu-nia salvadór;+Oh haʼu-nia Maromak, keta demora.+
Nota-rodapé
^ Ka “Haʼu hein ho pasiénsia”.
^ Ka “hakruʼuk no rona”.
^ Ka “la haksolok ho”.
^ Ka “surat-tahan lulun”.
