Salmo 43:1-5
43 Oh Maromak, tesi-lia ba haʼu,+Defende haʼu-nia kazu+ hasoru nasaun ida neʼebé la hatudu laran-metin.
Salva haʼu husi ema lohidór neʼebé halo hahalok aat.
2 Tanba Ita mak haʼu-nia Maromak, haʼu-nia uma aas neʼebé seguru.+
Tanbasá mak Ita soe tiha haʼu?
Tanbasá mak haʼu tenke laʼo bá-mai ho triste tanba haʼu-nia inimigu neʼebé hanehan haʼu?+
3 Hatudu sai Ita-nia naroman no Ita-nia lia-loos.+
Haʼu hein katak sira sei dirije haʼu;+Sira sei lori haʼu ba Ita-nia foho santu no ba Ita-nia tenda santu* neʼebé kmanek.+
4 Depois neʼe, haʼu sei bá toʼo iha Maromak nia altár,+Haʼu sei haksolok tebes tanba haʼu-nia Maromak.
Oh haʼu-nia Maromak, haʼu sei hahiʼi Ita ho arpa.+
5 Tanbasá mak haʼu neon-susar?
Tanbasá mak haʼu laran-taridu?
Hein ba Maromak,+Tanba haʼu sei kontinua fó hahiʼi ba nia nuʼudar haʼu-nia Salvadór Boot no haʼu-nia Maromak.+
Nota-rodapé
^ Ka “tabernákulu”.
