Salmo 44:1-26
Ba dirijente. Husi Kora nia oan-mane sira.+ Maskil.*
44 Oh Maromak, ami rona ona ho ami-nia tilun rasik,Ami-nia beiʼala sira mak konta ona ba ami,+Sira konta buat neʼebé Ita halo iha sira-nia tempu,Iha tempu uluk.
2 Ita duni sai nasaun sira ho Ita-nia liman+No Ita husik ami-nia beiʼala sira atu hela fali iha sira-nia rai.+
Ita harahun nasaun sira no duni sai sira.+
3 Sira bele foti rai neʼe nuʼudar sira-nian laʼós ho sira-nia surik rasik,+No sira manán laʼós ho sira-nia liman rasik.+
Maibé, ho Ita-nia liman-loos no kbiit+ no naroman husi Ita-nia oin,Tanba Ita kontente ho sira.+
4 Ita mak haʼu-nia Liurai, oh Maromak;+Favór ida, fó salvasaun neʼebé boot ba Jacob.*
5 Ami sei duni fali ami-nia inimigu sira ho Ita-nia kbiit;+Ho Ita-nia naran ami sei sama sira neʼebé hamriik hodi ataka ami.+
6 Tanba haʼu la tau fiar ba haʼu-nia rama-inan,No haʼu-nia surik labele salva haʼu.+
7 Uluk Ita mak salva ami husi ami-nia inimigu sira,+Ita hamoe ona sira neʼebé odi ami.
8 Ami sei fó hahiʼi ba Maromak ba loron tomak,No ami sei fó agradese ba Ita-nia naran ba nafatin. (Sela)
9 Maibé agora Ita soe tiha ami no hamoe ami,No Ita la laʼo hamutuk ho ami-nia tropa sira atu bá funu.
10 Ita kontinua halo ami hakiduk husi ami-nia inimigu;+Sira neʼebé odi ami hadau buat naran deʼit neʼebé sira hakarak.
11 Ita entrega ona ami ba inimigu sira hodi sira han ami hanesan han naʼan-bibi;Ita halo ona ami namkari iha nasaun sira-nia leet.+
12 Ita faʼan Ita-nia povu ho folin kiʼik tebes;+Ita faʼan sira maski Ita la manán buat ida.
13 Ita husik nasaun seluk hamoe ami,No sira neʼebé hela haleʼu ami hatún no hamnasa ami.
14 Ita husik nasaun sira goza no hatún ami,*+No sira doko ulun ba ami.
15 Haʼu sente moe ba loron tomak,No haʼu sai moe tebes,
16 Tanba lian husi sira neʼebé sadik no hatún ami,Tanba ami-nia inimigu neʼebé selu fali hahalok aat ba ami.
17 Maski buat hotu neʼe kona ona ami, maibé ami la haluha Ita,No ami la kontra Ita-nia aliansa.+
18 Ami-nia laran la sees husi Ita;No ami la laʼo sees husi Ita-nia dalan.
19 Maibé Ita harahun ona ami iha asu-fuik sira-nia hela-fatin;Ita taka ami ho nakukun neʼebé metan tebes.
20 Se ami haluha ona ami-nia Maromak nia naranKa se ami loke ami-nia liman hodi halo orasaun ba maromak falsu,*
21 Maromak sei hatene kona-ba neʼe, loos ka lae?
Nia hatene segredu hotu iha ema nia laran.+
22 Tanba Ita mak ami hasoru perigu mate nian loroloron;Ami hanesan bibi-malae neʼebé prontu ona atu oho.+
23 Hamriik bá! Oh Jeová, tanbasá mak Ita kontinua toba?+
Hadeer bá! Keta soe ami ba nafatin.+
24 Tanbasá mak Ita subar Ita-nia oin?
Tanbasá mak Ita haluha ami-nia terus no susar neʼebé ema halo ba ami?
25 Ema hatún ami toʼo rai;Ami latan deʼit iha rai.+
26 Hamriik bá nuʼudar ami-nia ajuda-naʼin!+
Salva* ami tanba Ita-nia domin neʼebé laran-metin.+
Nota-rodapé
^ Ka “halo Jacob manán hotu”.
^ Orj., “Ita halo ami sai hanesan lia-dadolin iha nasaun sira-nia leet”.
^ Ka “maromak husi rai seluk”.
^ Orj., “Sosa fali”.
