Salmo 51:1-19
Ba dirijente. David nia knananuk, iha tempu neʼebé profeta Natan hasoru ona nia bainhira nia halo tiha relasaun seksuál ho Bat-Seba.+
51 Oh Maromak, hatudu laran-diʼak mai haʼu tuir Ita-nia domin neʼebé laran-metin.+
Hamoos tiha haʼu-nia sala tuir Ita-nia laran-sadiʼa neʼebé boot.+
2 Fase moos tiha haʼu husi haʼu-nia hahalok aat,+No hamoos haʼu husi haʼu-nia sala.+
3 Tanba haʼu hatene ho didiʼak haʼu-nia sala sira,No haʼu-nia sala sempre iha haʼu-nia oin.*+
4 Haʼu halo sala duni, sala neʼe kontra deʼit Ita;*+Haʼu halo ona buat neʼebé aat tuir Ita-nia haree.+
Tan neʼe Ita mak loos bainhira Ita koʼaliaNo Ita mak loos bainhira Ita tesi-lia.+
5 Tuir loloos, haʼu moris mai ho sala,No haʼu sala ona bainhira haʼu iha haʼu-nia inan nia knotak.*+
6 Ita hadomi lia-loos neʼebé Ita haree iha ema nia fuan-laran;+Oh Maromak, hanorin matenek neʼebé loos ba haʼu-nia laran.
7 Hamoos haʼu husi haʼu-nia sala hodi uza ai-isopu, atu nuneʼe haʼu bele sai moos;*+Fase haʼu bá, atu nuneʼe haʼu sai mutin liu fali jelu-rahun.+
8 Husik haʼu rona lian ksolok no kontente,Atu nuneʼe haʼu-nia ruin sira neʼebé Ita harahun ona bele haksolok.+
9 Perdua haʼu-nia sala sira,*+No hamoos tiha haʼu-nia sala hotu.+
10 Oh Maromak, fó laran neʼebé moos ba haʼu,+No fó espíritu* foun+ no neon metin ba haʼu.
11 Keta soe tiha haʼu husi Ita-nia oin;No keta hasai tiha Ita-nia espíritu santu husi haʼu.
12 Fó fali ksolok neʼebé uluk haʼu sente bainhira Ita salva haʼu;+Book haʼu-nia fuan-laran hodi prontu atu halo tuir Ita.*
13 Haʼu sei hanorin Ita-nia dalan ba ema kontradór sira,+Atu nuneʼe sala-naʼin sira bele fila fali ba Ita.
14 Oh Maromak, haʼu-nia Maromak neʼebé salva haʼu,+ keta husik haʼu simu kastigu tanba haʼu fakar ona ema nia raan,+Atu nuneʼe haʼu-nia nanál bele fó sai Ita-nia hahalok loos ho haksolok.+
15 Oh Jeová, favór ida loke haʼu-nia ibun,Atu nuneʼe haʼu-nia ibun bele fó sai Ita-nia glória.+
16 Tanba Ita lakohi simu sakrifísiu, se lae karik, haʼu sei fó ida-neʼe;+Ita la kontente ho sakrifísiu sunu nian neʼebé hasaʼe tomak.+
17 Maibé laran-kanek mak sakrifísiu neʼebé Maromak simu;Oh Maromak, Ita sei la hakribi ema neʼebé laran-triste no neon-susar.+
18 Halo buat diʼak ba Siaun tanba Ita-nia laran-diʼak;Harii fali* Jeruzalein nia moru sira.
19 Depois neʼe mak Ita sei kontente atu simu ema laran-loos nia sakrifísiu sira,Sakrifísiu sunu nian no sakrifísiu sira neʼebé hasaʼe tomak;Tuirmai ema sei hasaʼe karau-aman sira nuʼudar sakrifísiu iha Ita-nia altár leten.+
Nota-rodapé
^ Ka “iha haʼu-nia neon”.
^ Ka “Haʼu halo sala kontra ema, maibé liuliu kontra Ita”.
^ Ka “haʼu halo ona sala husi tempu neʼebé haʼu-nia inan sai isin-rua haʼu”.
^ Ka “Subar Ita-nia oin husi haʼu-nia sala sira”.
^ Ka “hanoin”. Haree “Ruah” iha Glosáriu.
^ Ka “Haʼu hein katak Ita apoia haʼu ho laran neʼebé prontu”.
^ Ka “Hametin”.
