Salmo 52:1-9
Ba dirijente. Maskil.* David nia knananuk, bainhira Doeg, ema Edom, mai hodi fó-hatene Saul katak David bá ona Ahimelec nia uma.+
52 Ó asuwaʼin, tanbasá mak ó gaba an kona-ba ó-nia hahalok aat?+
Loroloron Maromak hatudu domin neʼebé laran-metin.+
2 Ó-nia nanál neʼebé kroʼat hanesan lámina,+Halo planu aat no koʼalia bosok.+
3 Ó hadomi buat neʼebé aat liu fali buat neʼebé diʼak,Ó hadomi lia-bosok liu fali koʼalia buat neʼebé loos. (Sela)
4 Oh nanál neʼebé gosta bosok,Ó hadomi liafuan hotu neʼebé hakanek ema seluk!
5 Tan neʼe mak Maromak sei dada ó tun dala ida deʼit ba nafatin;+Nia sei kaer ó no rasta ó dook husi ó-nia tenda;+Nia sei fokit sai ó husi ema moris nia leet.+ (Sela)
6 Ema laran-loos sei haree ida-neʼe no hakfodak tebes,+No sira sei hamnasa ba ema aat.+
7 “Mane neʼe la halo Maromak nuʼudar ninia fatin protesaun,*+Maibé nia tau fiar ba ninia rikusoin neʼebé barak+No nia sadere ba* ninia planu aat rasik.”
8 Maibé haʼu sei sai hanesan ai-oliveira neʼebé buras iha Maromak nia uma;Haʼu tau fiar ba Maromak nia domin neʼebé laran-metin,+ haʼu tau fiar tinan ba tinan ba nafatin.
9 Haʼu sei hahiʼi Ita ba nafatin tanba buat neʼebé Ita halo ona;+Iha Ita-nia atan laran-metin sira-nia oin,Haʼu sei tau esperansa ba Ita-nia naran,+ tanba neʼe mak diʼak.
